Assalamu�alaikum wr.wb., Taratik
Kadang-kadang taraso juo paraluno kaji pakaro taratik ko di ulang-ulang. Taratik, nan bahaso Indonesia/Melayuno �tertib� aratino labiah kurang sasuai jo aturan atau urutan. Aturan manampaikan sasuatu pado tampaikno, jo urutan nan batua, jo caro nan tapek. Paralu banakah taratik ko? Tantu paralu. Baiak untuak kamashlahatan, atau kanyamanan awak basamo maupun untuak katando tinggi randahno budayo sopan santun nan awak punyoi. Dinagari nan alah labiah maju, dek mapan kahidupan urang, ado bagian dari taratikko nan marupokan pakaian hiduik. Urang banyak kamahakimi kalau ado urang surang-surang malawan taratik nan alah disapakati basamo. Contoh budaya antri antah di jalan, antah di parantian oto, antah di parantian taksi urang samo-samo mambiasoan untuak �bataratik�, nan datang daulu tagak paliang muko, nan kudian di balakang. Jaan cubo-cubo �slonong boy� sabab urang banyak kamahukum awak. Kok ka naiak taksi misalno, supir taksi indak kamaijian awak naiak ka taksi no kalau awak mamotong antrian urang banyak. Di komunitas Rantaunet awakko, nan lah baransua-ransua juo rami, ado pulo urusan �taratik� ko. Kaelok bana rasono kok dapeklah satiok awak manjago taratik nan ado di palantako. Contoh tembak langsuang sajo: - sarancakno, awak jaan sampai mahujat, manyarang, mancaci maki, bacaruik bungkang, malecehkan, mamanciang bangih jo mangaluakan kato-kato nan indak patuik, satu samo lain, baiak paribadi ka paribadi maupun kalompok ka kalompok, atau taradok agamo Islam. - Sarancakno awak kalua jo identitas nan sah dan jaleh, indak bakalumun, indak mandok, indak jo namo nan mamanciang urang lain baburuak sangko ka awak. Alamaik di email awak bisa sajo mamakai kode email nan katuju di awak tapi di bawah saelokno jalehan sia awak, baiak namo atau gala kalau ado. Mudah-mudahan jo caro sarupo iko timbua raso arago-maaragoi di antaro awak. Ado pulo samantaro awak nan manulihan angko panunjuak umua supayo nan lain dapek mainggo, kamaimbau mamak, etek, ibuk, bundo, uda, uwan, uni, kakak, atau apo sajo, tatap dalam karangko baso-basi nan tabiaso di nagari awak - Kok ado nan indak katuju, nan indak sasuai jo nan di sampaikan kanti, buliah kok ka dibantah tapi tantu jo caro nan bapatuikan pulo. Dari pangalaman, komentar �one liner� justru acok mamanciang emosi lawan diskusi awak. Jadi jaan asa awak �manggareteh� sajo tapi indak jaleh kama paino. Kok awak indak satuju, kok dapek jalehan baa mangko awak indak satuju, agiahan pulo sudah itu alternatifno. Mungkin pulo awak kadibantah lawan diskusi awak baliak, tantu indak elok kalau tujuan awak hanyo untuak mancari manang surang sajo. - Nan ado di palantako sabana dari sabalik bumi Allah. Masiang-masiang pandai jo bahaso tampek tingga/rantauno. Sabab mungkin indak kasadoan awak mangarati jo bahaso nagari tampek awak marantau tu, sarancakno, dek iko iyo �palanta lapau urang awak� babahaso nagari awak sainlah, jo dialek kampuang awak masiang-masiang. Atau kok indak jo bahaso Malayu/Indonesia. Atau kok kadimasuakan juo bahaso nagari rantau awaktu ijaan kasadoanno bana, campua juo jo bahaso awak, buliah nak samo mangarati pulo nan lain. Itu sajo labiah kurang, mudah-mudahan samo dapek dipahami dek awak nan basamo. Wassalamu�alaikum wr.wb., Lembang Alam __________________________________________________ Do You Yahoo!? Yahoo! Movies - coverage of the 74th Academy Awards� http://movies.yahoo.com/ RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
