|
dicubo sakali lai sudah tu manyarah, Assalamualaikum wrwb. Alah mambaco sado respon sanak satantangan urang minang di titik nol, ambo raso ancak dimulai manyusun strategi nan diarokkan dapek di sampurnakan dek sado dunsanak nan barado di Rn ko. Kok buliah konsep nan ka dihasilkan nanti alah taruji dek sado argument dan kito cari basamo kasia rekomendasi ko bisa di taruihkan. Ambo raso komunitas kito di siko cukuik representative mawakili suaro sebagian urang minang, jadi implikasinyo bisa sebagai bagian dari policy development di tingkat daerah maupun panduan strategi untuk kalompok-kalompok urang minang nan barado di rantau, supayo ado manfaaik RN ko bagi ranah nan kito cintoi satingkek labiah kapado implementasi. Untuak mamulai bia ambo katangahkan nan dek ambo, beko kito cari formatnyo, kok lah dapek kerangkanyo, bisa kito lebih fokus kapado ciek-ciek topik sacaro perlahan sampai tuntas. Sado rekapan nan alah final, paralu surang voluntir nan manyatukan, beko untuak mancetaknyo, kito cari solusi basamo, mungkin ambo bisa mambantu untuak ma-layout, dan sadang ambo pikia kok bisa mambantu sebagian biaya pancetakan. Dek karano iko karajo basamo, bialah kito mambaok namo RN. Dek karajoko adolah karajo baiak, jadi indak paralu silang sangketo, kato boneh nan kadikatoan. Kok buliah ambo katangahkan tahapannyo, 1.Identifkasi permasalahan dan hal-hal yang kito anggap sabagai panyabab katertinggalan urang minang. 2. Penggalian strategi dan penyusunan log frame untuak kamajuan kampuang dan urang rantau. Labiah rancak di koment dulu baru, kalau dunsanak lai basumangek baru kito lanjuikkan. Sakitu dari ambo Wahdi Azmi Koto St. Rajo Imbang |
Join Excite! - http://www.excite.com
The most personalized portal on the Web!
