Assalamu'alaikum wr. wb, Tan Gala nan ambo hormati, Insya Alllah ambo indak bamukasuik manyaringai doh, ambo kan indak basaiang co harimau, ambo memang selalu mempertanyakan alasan banned atau lakak mati dari moderator. Nan taraso dek ambo Tan Gala dan Moderator mungkin (maaf kalau ambo salah), agak capek tasingguang jo fakta nan balainan jo angan-angan. Kasus si Pang, ambo indak basuo doh jo caruik bungkanyo si Pang itu, argumen cukuik pulo inyo barikan, kalau balainan pemahaman itulah guno milis ko. Manuruik Tan Gala mapuruakkan Minang tapi dari pandangan sabalaiak no justru mambukak mato dan pamikiran urang Minang. Kalau angku Nadri jo kajinyo nan rasan, kan indak kalaku doh, apo Tan Gala takuik pulo beko ado nan ikuik jadi murik angku Nadri? Alun patuik mereka ko dianggap mancik lai, masih manusia juo baru.
> Roh dari reformasi tu untuak mahasiakan samacam konsep2 baru sahinggo > mambaok parubahan kahidupan ka nan labiah elok. Tapi kalau hasianyo > malah manyababkan "khaos" sahinggo manurunkan mutu kahidupan > nan ado, itulah nan ambo sabuik reformasi kebablasan... Konsep jo sagalo istilahnyo baru kalua dari perdebatan atau wacana, "chaos" kiniko justru dek karano kakurangan wacana. Satangah abaik wacana dimatikan baa pulo Tan Gala maarokkan kalua konsep unggul dalam sakejap (instant). Manurunkan mutu kahidupan? Dek sanak-sanak nan kabagian rasaki labiah dari Golkar/Orba tantu iyo, tapi bara persen, pasti minoritas dari keseluruhan urang Minang. Nan salabiahnyo stabil sajo co saisuak atau tatap marasai. Baliak ka persoalan mandasar nan sadang dihadok-i urang minang bak kecek Tan Gala, soal mandasar manuruik ambo iolah soal hiduik marasai ko, apokah tanpa wacana ado solusi ces pleng untuk iko. Satahu ambo baru angku Baridjambek nan lah muloi mengidentifikasi masalah, tapi alun dibao ka milis ko, sagan kaditembak urang barangkali, tapi ide nan kuat memang harus tahan uji. Tarimo kasih ateh informasinyo soal Jusfiq, maaf kalau ambo salah pangaratian. Baa pandapek angku soal uud45 sabagai urang Minang? Soal tokok manokok jaleh awak balainan pandapek jo suduik pandang, mungkin diskusi ko bisa awak sudahi. Soal Minang dan uud45 nampaknyo mendesak untuk didiskusikan kok leh lai mambantu mambangkik batang tarandam. Salam St. Bagindo Nagari ----- Original Message ----- From: "Irdam Syah" <[EMAIL PROTECTED]> To: <[EMAIL PROTECTED]> Sent: Friday, May 03, 2002 3:25 PM Subject: RE: [RantauNet] Kalau indak berang mungkin Inyo alah bisu....? > > Assalamu'alaikum wr. wb, > > > > Sanak Irdam Syah Sutan .... (kok buliah ambo tau... sako Minang) > > > Wa'alaikumussalaam ww, > Dari dulu nama keren" ambo di milis ko "tan gala"..... > > ...<cut>.... > > Pandapek ambo: > > Dek karano ambo maraso bodoh, ambo samo sakali indak amuah manutuik satiok > > pandapek urang lain, awak nan samo-samo makhluk Allah, indak ado alasan > > menganggap awak nan paliang bana. Kebenaran, walaupun relatif baru > > mancogok dari suatu wacana, talapeh dari pakai kasimpulan atau tidak. > > Insya Allah ambo indak panah manganggap rekan moderator dan KTT itu urang > > bodoh, manuruik ambo mereka itu sangat santiang-santiang bana, sampai ambo > > takuik bana kalau sampai dilakak dek mareka itu. Justru dek sayang dan > > cinto kasaganok urang Minang, ambo maingekkan supayo ati-ati jo panokok > > gadang itu, mancik nan dikaja, induak ayam nan mati. > > > Karano satiok moderator mam-banned Sutan langsuang manyaringai, > padohal lai moderator tu tau maa nan mancik maa nan induak ayam... > > > Kabatulan sajarah urang Minang indak mambari contoh main panokok itu doh ( > > lihatlah kisah Dt. Parpatih Nan Sabatang), iko balainan jo di Mataram, > > disitu lah biaso sajak saisuak kalau indak sapandapek langsung ditokok > > sacaro kasa tau haluih. Jaan kan babeda pandapek mangamukokan sajo lah > > bisa dianggap malawan. Apo itu nan kabatiru dek Sutan? > > > Ambo paratian, iko argumen khas model sutan... menggeneralisir dan > mendramatisir sahinggo maagiah kasan saakan-akan moderator tu > bodoh... indak tau mambedakan mancik jo induak ayam... > Misalnyo kasus si Pang (galak tasengeng si Pang jadi buah bibia...). > Buliah sajo inyo malemparkan suatu pemikiran yang rada-rada anti > kemapanan.. tapi agiah argumen yang mandasari statemen-nyo tu, > kalau indak tantu kasannyo mahino, mamfitnah dsb.. Salanjuiknyo, > mungkin iko nan parah... kato-kato nan indak patuik dilewakan di > tangah galanggang... alah diingek-i tapi mangarengkang.. kalau awak > baliak ka persoalan mandasar nan sadang dihadok-i urang minang > apo itu malah tambah mampuruakkan dari pado mampaelok-i... > Nah, wajar ndak inyo di-banned... > Sudah tu masalah Nadri... partamo, sajak saisuak galeh nan dilewakan > itu ka itu se...nah apo nan ka didiskusikan.. kaduo, tujuannyo memang > untuak dakwah pahamnyo bukan untuak diskusi tantu ka inyo puta situ > ka situ sajo... apo lai untuak pakaro tu dulu inyo alah di-banned. > Jadi indak indak asa mam-banned sajo admin RN ko sahinggo indak > usah takuik ka mamatikan kreativitas sutan... > Kalau sutan ka managakkan banang basah juo itu hak sutan... > > > Kaduo soal ilalang, angku J. Dachtar nan mamuloi istilah ko, manuruik ambo > > ilalang disiko ialah pamikiran nan indak jujur, kok salah ambo > > mangaratikan iyo baliak referensi ka angku J. Dachtar. Ilalang dalam > > bapikia itu salah satu nyo ioalah maraso awak nan paliang bana. Ilalang > > banak ko indak bisa diapuih dek manokokkan palu "banned" atau manunjuak > > rami-rami "manyalahi....." > > > Pangaratian ambo ilalang samak baluka ko adalah hal-hal nan jaleh > kontra-produktif bilo dihubuangkan jo problem nan sadang awak diskusikan. > > > Katigo soal "reformasi nan kabablasan", kalau dek Sutan jo AR (mungkin), > > reformasi lah kabablasan, sadangkan dek ambo reformasi baru muloi > > salangkah dima tu nan kabablasannyo itu. > > > Roh dari reformasi tu untuak mahasiakan samacam konsep2 baru sahinggo > mambaok parubahan kahidupan ka nan labiah elok. Tapi kalau hasianyo > malah manyababkan "khaos" sahinggo manurunkan mutu kahidupan > nan ado, itulah nan ambo sabuik reformasi kebablasan... > > > Sutan nan ambo kiro bakarajo di Pertamina (maaf ambo kalau salah), mungkin > > lah mandanga reformasi lah barubah jadi REFOT NASI, bagi banyak urang > > tamasuak ambo. Dunsanak nan bakarajo di Pertamina, Arco, Vico dll. > > tantulah indak taraso bana sakikno refot nasi ko. Parubahan ko indak lapeh > > dari pandangan sebagian anggota masyarakat nan lah takui jo reformasi > > sabalun tuntas diisukanlah reformasi lah kabablasan. > > > Bakarajo iyo tapi indak barati ambo punyo Pertamina doh... Jadi problem > awak samonyo sutan...REFOT NASI.. > > > Maubah uud45 nan diamanatkan dek uud45 itu sendir untuk dirobah, masih > > belum mampu dijalankan oleh elite di senayan, malah mau ditunda lagi > > karena reformasi telah kebablasan katanya.... > > > Ambo tamasuak indak satuju uud45 diamandemen dek urang2 nan duduak > di sanayan kini ko.. Partamo urang tu dipiliah partai sahinggo indak berhak > mangaku mawakili rakyat. Kaduo, alah samo tau awak bara ponten urang > tu sahinggo iyo alun patuik urang tu mamutuihkan hal-hal nan monumental > bagi kahidupan rakyat indonesia... kabablasan dibandiang jo potensinyo. > > > Kaampek; soal owner. Ambo maraso jadi owner di RN, sutan dan saluruh > > netter RN lainnyo pantas sajo maraso baitu. Kalau Sutan bapandangan lain > > KTT dan moderator nan owner, atau mereka yang mensponsori dulu nan > > dianggap owner, lain carito, > > > Sacaro nurani iyo satiok anggota milis ko adolah owner, tapi sacaro > administrasi tantu ado pribadi2 nan dianggap manjadi owner sahinggo > batangguang jawab ateh kalansuangan hiduik milis ko... Ibaraiknyo, > kalau sutan ingin mambuek suatu milis baru buliah sajo tapi indak > ado kawajiban urang milis ko jadi anggota do... > > > Jusfiq SM dulu salah saurang nan mamuloi milis ko. Lai lanteh angan > > maundang balik Jusfiq SM baliak ka milis? > > > Satau ambo Jusfiq SML bukan tamasuak pandiri milis ko... Rasonyo inyo > jauah balakangan masuak dari ambo. Hanyo dulu pernah milis ko > kasulitan server wakatu mamakai airland. Dari daftar anggota nan sakali > sabulan diedarkan di RN katiko tu diketik dan dimasuakkannyo ka milis > RN nan inyo buek mamakai server antena.nl. Tapi katiko server airland > alah elok baliak milis RN JSML ko dimatikannyo sabagai cadangan. > Wakatu inyo disipak urang dari RN dihiduikkannyo baliak, tapi baansua- > ansua urang unsubscribe dari milis inyo tu.. > > > Nan namonyo adil itu paik kan Sutan. Nan jaleh salamo anggota netter RN > > indak bacaruik bungkang, silahkan mau berdebat, berdialog, bertrialog..... > > ikolah maniru si Urpass pulo, basatire-satire kan pulo. > > > Nan ambo rasokan memang rambu-rambu ko nan dijago dek admin RN.. > > > Mambangkik batang tarandam itu indak samo jo menghotmix > > semua jalan di Minang atau mambuek surau baru ditiok kaum/kampuang. > > Soal arato dunie itu ka ikuik se, kalau urang Minang tu lah bakambang > > baliak intelektualitasnyo. Pengembangan itu hanya mungkin melalui yang > > namanya wacana. > > > Indak pulo barati manggali lubang sahinggo tambah tapuruak batang tu... > > > Salam > > > > St. Bagindo Nagari > > > salam, > tan gala > > > RantauNet http://www.rantaunet.com > > Isikan data keanggotaan anda di http://www.rantaunet.com/register.php3 > =============================================== > Mendaftar atau berhenti menerima RantauNet Mailing List di: http://www.rantaunet.com/subscribe.php3 > > ATAU Kirimkan email Ke/To: [EMAIL PROTECTED] > Isi email/Messages, ketik pada baris/kolom pertama: > -mendaftar--> subscribe rantau-net [email_anda] > -berhenti----> unsubscribe rantau-net [email_anda] > Keterangan: [email_anda] = isikan alamat email anda tanpa tanda kurung > =============================================== > RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di: http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
