Assalamu'alaikum wr.wb., Tagarak pulo hati ambo nak sato manyumbangkan saran. Kalau pakaro sifaik 'welcome' urang awak taradok turih asiang rasono indak paralu diragukan. Walaupun skala kadatangan turih ka nagari Minangkabau masih sangaik ketek, umumno urang awak di kampuang, lai indak atau alun ado tadanga di ambo mampamasalahkan doh. Sabab indak pulo tadanga turih ko babuek nan indak-indak di nagari awak, sarupo maadokan 'pesta narkoba', pesta kemaksiatan, misalno. Bahkan mungkin anak kamanakan awak nan alah manjurus-jurus kaarah dekadensi moral ko (takana bahasan awak babarapo bulan nan lapeh tantangan anak-anak ABG nan kadapekan sadang sakau di pakarangan Tri Arga Bukiktinggi). Manangani masalah moralko iyo paralu paga, paralu paraturan nan badagok dari pihak pemda Sumatera Baraik saketek. Kalau alah dijalehkan sajaleh-jalehno nan maa nan buliah, nan maa nan indak buliah, tantu urang ka pandai pulo ma-inggo, manakuak-an.
Lapeh dari hal itu, ambo maraso nan paralu bana adolah masalah promosi. Masalah caro maimbau urang datang jo publisiti nan jujur tapi mandayu. Pangaruah iklanko sabana dahsyat, indak paralu awak sangsikan lai. Urang manggaleh ayam goreang balilik jo tapuang sajo, bukan main lakuno, dek karano pangaruah iklan. Urang manggaleh teh dingin,( aa banalah kaistimewaan raso teh dingin, sia nan indak kapandai mabuek teh dingin) tapi dek iklan amuah jadi usaho raksasa. Alah panah ambo sampaikan, iko nan tangah dikarajokan dek Malaysia, maiklankan sacaro manggebu-gebu untuak manjua 'Malaysia, truely Asia', jo gambar urang Dayak manari-nari, urang manggaleh 'teh tarik', urang mamanggang sate, wajah-wajah sanyum sumringah gadih-gadih Malayu, Cino jo India. Kalu carito panorama, panorama nan maa bana nan kalaku di jua dek Malaysia. Baitu juo Singapura, baitu juo Thailand. Di Singapura hilia mudiak 'Bas Pesiaran' sarupo di Kuala Lumpur, padohal ka maa bana urang ka dibao di pulau salaweh tampok tangan tu. Di Bangkok turih di bao baparahu-parahu di sungai karuah, agak babaun pulo, pai mancaliak pagoda-pagoda di suok kida sungai, dibao pai mancaliak tampek panangkaran buayo. Indak santiang bana bagai doh. Sudah itu biko pai mancaliak-caliak hasia karajinan ameh jo perak, jo batu-batu manyiak-manyiak. Nan datang banyak pasangan gaek-gaek, kok kadicurigai nan ka pai bawisata 'maksiat'. Babilang juta urang datang. Tapi iyo bak kecek ajo Buyuang ado symphonie/orchestra nan maramu sampai urang datang tadi tu. Muloi dari biro-biro pariwisata di nagari-nagari gadang di Eropah, di Amerika, di Japang nan kamampublikasian kapariwisataan nagarino masiang-masiang, jo caro nan saelok-elokno. Ado sanyum ramah 'the Singapore girls' atau angguak sopan 'Thailand girls in as smooth as silk touch' nan ka ma 'welcome on board' kan urang asiang tu sajak mareka naiak pisawaik di Charles de Gaule atau Heathrow airport. Ado palayanan prima nan di tunjuakkan dek 'all cabin crew' kapado saganok panumpang 'all over the long journey to the paradise destination'. Ado palayanan taxi nan barasiah, nan sopan, nan indak banyak gadele manyambuik baitu mareka tibo. Ado petugas 'receptionist' nan sangaik lemah lembut nan ka manarimo kadatangan para turisko baitu masuak ka hotel. Dan seterusnya dan seterusnya. Itulah rangkaian symphonie tadi tu. Namun sabalun sagalono tu, iklan tadi nan paralu bana. Jo gambar-gambar nan rancak, jo foto-foto nan prima, jo katarangan-katarangan nan jaleh nan indak buliah mangicuah. Iko pantiang sangaik, sabab usao turihko usaho nan sarupo jo lapau nasi. Kalau iyo lamak, badaso di urang palayanan tu, urang ka kecek-mangecekan. Baitu pulo kok urang sampai kacudiran urangpun ka kecek-mangecekan pulo. Mako mungkin paralu di kanaan ka baliau-baliau di Pemda Sumatera Baraik untuak manyadiokan budget, untuak kaparaluan iklan maiklanko. Sakitu pulo dari ambo, carito manjalang kalalok. Wassalamu'alaikum wr.wb., Lembang Alam --- Zubir Amin <[EMAIL PROTECTED]> wrote: > Assalamualaikum wr.wb.Semoga Allah swt selalu > memberkati Herman de- > nganTaufik dan HidayahNya dan dapat menyelesaikan > program studinya di > La Rochelle,Perancis. > Saya agak talambek menanggapi buah pikiran > Herman terutama nan ber- > kaitan dengan subject diateh,malumlah sesudah kito > basuo di Toulose me > nyaksikan peragaan perkawinan sacara adaik Minang > tgl.28 April nan la- > lu,saya berkeliling ke Corsika untuk menemui > Gubernur Corsica dan kala- > ngan industri Pariwisata,sasudah tu bakuliliang pulo > ka Nice dan Mona- > co dan patangko jadi tuan rumah Rakor antara KBRI > Parih dan KJRI Mar- > seille di Nice. > Mengaca pada cara-cara Urang Eropa terutama > Perancis dan Corsika dalam > mengelola industri Pariwisata barangkali pengamatan > saya dibawah > ini dapek pulo dijadikan input untuak membangun > industri Pariwisata di > Ranah Minang. > Berbicara soal pariwisata,masalah ini harus > dilihat secara macro > ekonomi dan lintas sektoral.Ia tidak hanya dapat > dilihat dari segi mic- > ro nan bertumpu pada keindahan alam,sisi ini hanya > salah satu dari apa nan > disabuik wilayah Industri Pariwisata nan > mencakup,industri perhote- > lan,biro2 perjalanan,industri kerajinan Rakyat al > cindera mata,sarana > lalin darat,laut dan udara termasuak taxis,tempat2 > tujuan wisata,rumah- > rumah makan tamasuak nan ditapi jalan,industri > hiburan(kesenian rakyat > nan kadicaliak oleh turis)dan nan indak kalah > pentingnyo adolah sikap > dan perilaku masyarakat Minang sendiri dalam > beradaptasi dengan para turis > baik Malayu ataupun rang Londo(Emerik atau > Eropa,Asia sendiri). > Kesemunya nan disabuik diateh tolong dipikiakan > untuak dianalisa > sacara mendalam dan bebas.Jan sakatek-saketek aa iko > batantangan jo adaik > dan agamo.Dengan segala kehormatan dan tanggung > jawab terhadap > agamo awak dan adaik,cubolah cari celah nan > memungkinkan Indusrti Pari > wisata bisa bangkit di Sumbar.Ditambah policy dan > kejujuran Pemda. > Di Eropa terutama di Parancih dan Corsika,kito > ambil Corsika seba- > gai contoh,pengembangan industri Pariwisata sangat > terpadu,kasadonyo > nan saya sebutkan diateh tu tampak sebagai suatu > symponi rangkaian nan > saliang menunjang,sehingga turis nan datangg kapulau > tu balipek-lipek > gando dari jumlah penduduknyo na cuma 60.000 > orang,menurut catatan ta- > hun 2001 nan lalu jumlah turih nan datang kasinan > kl.4 juta urang. <dikarek> __________________________________________________ Do You Yahoo!? LAUNCH - Your Yahoo! Music Experience http://launch.yahoo.com RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di: http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
