Ma sagalo adidunsanak jo anak kamanakan nan ambo amba gadang, Assalamu'alaikum wr.ww.
INNA LILLAHI WA INNA ILAIHI RAJI'UN Kapatang Unand khususnyo, Sumbar umumnyo, lah kailangan salah surang putera terbaiknyo, Prof. Dr. Ir. Gazali Ismal, putera IV Angkek, guru besar agro-ekologi Fak. Pertanian, nan juo banyak dikenal masayarakat Sumbar sebagai da'i musaua nan banyak maagiah ceramah agamo dan khatib di banyak musajik. Baliau maningga kapatang, Rabaa, 5 Juni, pukua 9.15 pagi manuruik Singgalang pagi ko sasudah dirawat sahari sajo di RS Selasih. Nampaknyo baliau kanai serangan jantuang ari Selasa pagi sakitar pk. 9.00. Manuruik curito koran ko, saaik tu baliau ka pai manamui gubernur, tapi tibo-tibo nyo paniang di ateh kurisi, lansuang indak sadar dan dilarian ka Selasih. Baliau dimakamkan di TPU Tunggua Itam. Mungkin ado di antaro adidunsanak jo anak kamanakan nan mangenal baliau salamo ko. Marilah kito lapeh baliau jo pemberian maaf diiriangi jo doa samoga jalan baliau menghadap Allah swt. indak tasangkuik-sangkuik dan Allah swt mambarikan tampek nan layak disisiNyo. Amin. Salam, mak Sati RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di: http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
