Wa'alaikumsalaam wr.wb., Ajo Buyuang nan ambo horomati,
Nan nampak diambo, bahaso samakin banyak contoh nan apobilo awak manjauah dari hukum Allah mako bamacam-macam godaan setan nan dipanampakan Allah di muko awak, tanpa awak dapek mamaliaro diri sarato sanak kaluarga awak dari kabinasoan. Sarupo nan ajo caritoan, anak mudoko adolah anak mudo nan indak dakek jo agamo, biaso maisok madaik (narkoba - sakau) samantaro di nagari awak alun ado hukum nan jaleh lai tantang palaku, pangedar, palinduang, pamasok narkoba tu. Masalah narkoba ko di Indonesia kini, indak katinggalan nagari awak Sumatera Baraik, sabana alah bakalabiahan dan mangerikan. Katiko ambo pulang ka Bukiktinggi duo pakan nan lapeh, maota jo dunsanak-dunsanak di sinan, tadanga nan bahaso kasus narkoba ko sabana sadang marak kini. Bahkan alah ado anak SMP bagai nan jadi korban sabagai pamakai. Disiko ambo ingin mahimbau kapamarintah daerah di nagari awak untuak maambiak barek andakno ka masalah nan ciekko sarato basungguah-sungguah bausaho maatasino sabalun sabana talambek. Paralu bana rasono ikuik campua tangan pamarintah untuak manaratikkan kahidupan di kota-kota di Sumatera Baraik. Manaratikkan kahidupan malam nan indak jaleh sarupo di Padang, Bukiktinggi, Payokumbuah dan lain-lain. Katiko bamalam di Bukiktinggi babarapo ari nan lapeh, indak amuah lalok mato ambo dek mandanga suaro musik nan sabana kareh sampai pukuah tigo pagi. Ambo indak tau apokoh di Bukiktinggi alah ado pulo diskotek kini, dan saandaino ado ikolah contoh lain bahaso awak samakin akrab jo tipu dayo setan dan samakin jauah dari tuntunan agamo Allah. Dan kalau iko indak dikamehi sajak kini-kini alamaik kabatambah jauah hanyuik umaik di Minangkabau. Jo caro nan ado kiniko rasono iyo indak talok dek Buya-buya sajo untuak manunjuak maajai umaik, karano nan kamanggaduah kaimanan masyarakaik tu paralu sangaik di uruih jo hukum. Kalau hukumko sarupo nan sudah-sudah juo, indak kamaambiak contoh doh kahukum Allah, alamaik kabatambah jauah juo awak dalam kasasekan. Samo badoa sajo awak mudah-mudahan dimudahkan Allah tagakno hukum nan di ridhai Allah di nagari awak tu. Wassalamu'alaikum wr.wb., Lembang Alam --- Zubir Amin <[EMAIL PROTECTED]> wrote: > > > Assalamualaikum wr.wb. > Astaghfirullahal 'aziim(3kali).Bisakah > dipercaya dan dapatkah diba > yangkan oleh kita kasado alahé rang Minangkabau nan > baa agamo dan kuat > adaik istiadaik,bahwa menurut berita dalam Majalah > Forum no.7,2 Juni 02 > seorang anak mudo nan banamo Hengky,anak kanduang > dek Uniang Minan dan > apak Murah,sampai hati membunuh dengan gergaji ibu > kanduangnya sendiri > (Uniang Minan) sampai mati.Kejadian iini tajadi di > Kelurahan Olo Ladang > Kec.Padang Barat,Sumbar <dikarek> __________________________________________________ Do You Yahoo!? Yahoo! - Official partner of 2002 FIFA World Cup http://fifaworldcup.yahoo.com RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di: http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
