Assalamualaikum w.w. Pak Wali Nogari di Mersailles yth,
ambo iyo agak rusuah juo kalau awak talampau mancaliak ka bulakang sahinggo lupo mancaliak ka maso datang.. jadi, tantang mamcaliak ka maso datang ko, baa nan sabananyo caronyo ko mak. kalau sacaro individu-individu, tantu tiok-tiok awak lai bapikie ka arah itu, sasuai jo kaadaan masiang-masiang. tapi dalam konteks minangkabau kasaluruhan? nak dipasamo-samokan pulolah masalah iko.. tapi.. untuak sakadar intermeso ko.. ado ambo mandanga tantang asl usul istilah 'mambangkik batang tarandam' atau 'tareh' trandam nan acok awak sabuik-sabuik di RN ko... dahulu ibuk-ibuk atau amai-amai awak kalau manyanyikan anaknyo supayo lakeh talalok, manybuik a.l. "oi, buyuang lakehlah gadang, nak (ka) mambangkik tareh taradam.' mukasuiknyo, dahulu tu urang kalau ka mambuek rumah gadang, kayu-kayu (tareh) untuak tonggak tu dacari ka rimbo dan dibanam dalam lunau untuk jangko nan agak lamo, supayo kayu tu awet. samantaro tu kaluarga ybs mangumpuekan pitih untuak managakkan rumahtu nanti. kadang-kadang talamo kayu-kayu tabanam di lunau. jadi dalam maso itu, lahie pulo anak-anak dan kamanakan nan diharapkan akan bisa marealisasikan cito-cito basamo tu batagak rumah gadang. jadi rasonyo indak ado niak 'baleh dandam' disiko do, hanyo kainginan marealisasikan suatu postensi nan tasimpan. tapi kamudian, iyo sarupo cirito pak Zubir tu, istilah 'mambangkik batang tarandam' ko bisa, atau lah manjadi umum, dipakai untuak mengekpresikan suatu raso kekesalan karano pernah dirugikan. dalam pengertian iko iyo mungkin indak sehat tu. ambo satujo sajo jo pak Zubir kalau paralu dicari motivasi lain nan labiah positif. wassalam adyan ---------- > From: Zubir Amin <[EMAIL PROTECTED]> > To: [EMAIL PROTECTED] > Subject: [RantauNet] "Mitos mambangkikkan batang tarandam"? > Date: Friday, June 28, 2002 5:29 PM ------------------- Kemudahan Hosting PlasaCom ---------------------------------- Hosting menjadi lebih mudah dan murah dengan keringanan 50% biaya registrasi mail hosting dan webhosting selama bulan Juni 2002. Klik http://idc.plasa.com untuk pendaftaran --------------------------------------------------------------------------------- RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
