RE: [RantauNet] Banten Membaca ... Minang?

[Darul Makmur]

-----Original Message----- From: Sjamsir Alam [mailto:[EMAIL PROTECTED]] Sent: Thursday, July 04, 2002 8:51 AM   Lah karuah dari ulu Pak DM. Lah indak taetong kalinyo kurikulum batuka. Nan mangonsep kurikulum di pusek para doktor pendidikan. Kutiko nan baru baru kalua, nan lamo buruak sadonyo. Kutiko batuka lo mantari jo dirjennyo, nyo buek lo kurikulum baru, nan cako lah buruak lo. Kok indak baitu, indak ado proyek, indak ado pitih masuak, indak nampak dek urang karajo awak.   [dm] Ondeh Tuhan, dek mangaja proyek bapak-bapak awaktu, mangorbankan generasi. Iyo alah ba pameo urang gaek kito, santiangnyo alah mangorbankan anak kamanakan awak. Apo awak ka mampabiakan samiang coiko. Hadis Nabi, bilo awak maliek kabathilan harus dirubah jo tangan (karajoan sampai barubah), kalau indak bisa rubah jo lisan (tamasuak tulisan jo ciloteh awak disiko), kalau indak bisa juo ubah jo ati, iko iman nan paliang lamah. Dek awak iyo dipihak nan lamah iyo jo nan lamah baru dapek awak lakukan. Tapi ingek nan lamahko kalau alah bakumpua, galodo bisa ditahan. Baa ka bakumpua awak ndak??????????????   Iko kan pandidikan jaman ulando. Ma lo mungkin itu nan ka ditiru?   [dm] Bia jaman Ulando bana kalau itu unggul, apo salahno. Apo lai bisa dipasantiang. Anak didik dasar indak usah barek bana palajaranno. Nan penting dalam manuruik kamampuanno. Misanyo, bisa tulih, baco, ngaji/sumbayang sajo sampai klas 4 alah santiang tu. Indak usah pulo apa poin-poin P4 sagalo.     Ooo, lah sambuah nan santiang-santiang ko sajak taun 60-an saisuak. Macam-macam lo namonyo. Nan terakhir namonyo sikola unggul, minimal kelas unggul. Tapi indak pernah ambo baco di koran baa asia nan ungul-unggul ko. Kini ambo manonton sae. Sabab nan mamacik masalah ko kan lah satiang keceknyo. Sarik nan amuah batanyo ka nan gaek. Baitu lah duduak di kurisi, dipacik langan lah bak langan, dipacik batih lah bak batih. Kapalo Dinas Pendidikan Suimbar ko kini profesor indak doktor, dosen Unand, nan indak pernah bagaluik jo pendidikan dasar jo manangah. Dek a tu? Iko nan katuju dek Zainal Bakar, dek ghang Piaman juo. Kapalo Dinas Kota Padang doktor dosen UNP (eks IKIP), satali tigo uang, dek konco Zuiyen Rais. Kecek gurbernur jo walikota ko mauruih pendidikan dasar jo menengah samo jo mauruih mahasiswa? Nan nampak di ambo, sajak mareka ko mamacik, indak ado gebrakan nan berarti. Mudah-mudahan ambo salah gadang.   [dm] Santiang makasuik ambo, agak balain dari pado unggul tu mah mak. Iko pangana sajo atau mungkin mimpi. Sikola nan sasuai jo alamnyo. Kecek mamak kan “alam takambang jadi guru”. Kini baa konsep nantun bisa rancak. Kalau paralu swasta nan punyo. Dek kalau dibawah pak adang jo pak etek (pinjam istilah Datuak Dalu), payah awak nan ketek-ketekko. Iko mungkin dek ambo lah jauah dari kampuang kali yo. Di Jawa banyak bana sikola nan rancak-rancak, kabanyakkan iyo nan agak ka agamoan. Baiak itu Muslim atau salib. Baa mangko dikampuang awak jarang kecek urang. Ado sikola Hayatan Thoyibah (SMU) di Sukabumi. Angkatan patamu alah ado nan PMDK dan angkatan kaduo 30 dari 120 urang ditawarkan PMDK. Sikola baasrama, dari ‘Ashar sampai ‘Isya baraja kepesantrenan. Bahasanyo Arab jo Inggris disampiang Indonesia tantu. Punyo Lab Komputer nan tahubuang ka internet. Sikola bantuak iko ado 3 atau 4 di Sukabumi, duo di Banduang dan 2 nan labiah rancak di Jakarta, ciek di Semarang, Jombang, Solo dan Malang (iko nan ambo tau). Banyak lain an lain. Kalau sikola salib iyo banyak nan rancak. Di Minang??????????   mS  [dm] Darul