On dated Thu,4 Juli 2002,sanak Hanafi Guciano al wrote:
"...badoso pulo rasonyo ambo indak sato pulo membahas masalah
Universeitas Australia ko...kok demand dan suply indak basaro
bok,manga pulo awak panek-panek(mauruihnyo-pen)... ambo punyo
usul,daripado buek Univ.baru,baa kok indak nan 8 Univ.di kam-
puang itu manandotangani MOU(dengan salah satu Univ.di Ausie)
Nan indak namuah tinggakan sajo..Apo nan ambo karajokan untuak
daerah lain bisa dijadikan template nyo untuak kampuang awak."
---------------------------------------------------------------
Assalamualaikum wr.wb!
Disaratoi salam sejahtera dan perkenalan dari Ajo Buyuang di Mar-
selle.Ambo basawah di Pejambon,Deplu dan kini sadang batugeh di Marseil.
Io sero bana usul sanak nan saparti ambo kutip diateh.Barangkali
masukkan dari sdr.Hanafi ini perlu dipertimbangkan secara wajar dan te-
nang oleh kito semua tarutamo nan barado dibiliak pendidikan.Usul sanak
Hanafi ini,itulah nan disabuik usul pragmatis,apo nan talok dek awak nan
akan dikarajokan,wajib diukua dengan kemampunan nan ado di awak RN.Jan
gadang pasak dari tiang,balambin awak masuak jurang beko.
Ambo sapandapek jo usul sanak Hanafi itu,karena usul itu dilandasi deng
an pengalaman,pemahaman dilapangan di Autralia itu.Nan akan menggarap
nanti di Australia itu kan bukan anggota RN nan tingga di Indonesia,Ero-
pa atawa Amerik tapi sanak kito nan tingga di Australi dhi.sanak Hana-
fi dan teman-teman nan ado disitu.
Usul sanak Hanafi alah jaleh,malah merupokan suatu tantangan bagi
awak-awak nan dipalnta ko"sia nan bisa mangontak 8 Univ.di kampuang tu"
Kalau ambo di Marseille mancaliak ka rang biliak pendidikan.Baa baitu,
supayo rantai keinginan semula ide biliak pendidikan itu,indak taputuih
kan baitu dinda Barijambek.Jadi kok caro parang basosoh saisuak,gunda-
rang parang alah ditabuah dek sanak Hanafi.Inyo akan basitungkiang baka
rajo maujudkan usul no tu,kalau paralu kaki kateh kapalo kabawah.Bak ke
cek urang bijaksano,bialah panguih bacilotok dek lumpua,asa tanduak lai
kamanganai.Itu nan saban inti dari usul sanak Hanafi itu.
Bakaitan dengan nan diateh,iko ado pangalaman ambo senek wakatu ma
sih menjadi Sekretaris Badan Litbang Deplu.Ambo sangojakan bakunjuang
ka Univ.andalas,Pdg cq Fakultas Ekonomi.Dengan Prof.Hendra Asmara(alm)
Deplu punyo kerjasama penelitian pasar Eropa dengan biaya dari Deplu.
Oleh Dekan Fak.Ekonomi wakatu itu(thn 1998) diberitahu bahwa proyek ker-
sama antara Deplu dengan Unand indak dapek dilanjutkan karena ndak ado
pengganti Prof.Hendra Asmara nan akan malanjuikkan proyek itu.Tapurangah
ambo dibueknyo.Masa proyek nan indak baitu sulik,ndak ado tanago nan mam
pu di Fak.Ekonomi,bagalumbuak guru gadang disinan.Ondeh mak.
Nan diateh alun abiah lai doh,masih ado senek lai,katiko ambo dibawo
batamu jo Rektor Unand nan kini(masih mudo urangnyo),kesempatan itu ambo
pagunokan menawarkan bantuan tenaga pengajar dari mantan diplomat Deplu
untuak meningkatkan mutu dan perluasan wawasan Mhs/FISIP Unand.Tapi kem
bali jawaban klise kalua,kami ndak ado pitih untuak mambajia honor rang
nan akan maajtu.Padohjal tanago nan ambo usulkan itu kasadonyo urang Mi
nang nan indak paralu bana ditampuang dirumah-rumah mewah.
Ambo sampaikan senek pengalaman ini,kiranya manjadi samacam bahan
bandiang bagi siapo saja nan akan diutuih mewakili balai pendidikan ba
rundiang jo 8 Univ.di Sumbar,hati-hatilah dan pandai-pandailah manyampai
kan ide awak tu.Semoga kesan nan ambo peroleh wakatu itu indak taulang
lagi"keengganan atau sifat takuik tasaiang" dek rang lua PT itu.Mudah-
mudahan indak tajadi.Syukur alhamdulillah.Wassalam.Ajo Buyuang,Marseille
_________________________________________________________________
Chat with friends online, try MSN Messenger: http://messenger.msn.com
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Tanpa mengembalikan KETERANGAN PENDAFTAR ketika subscribe,
anda tidak dapat posting ke Palanta RantauNet ini.
Mendaftar atau berhenti menerima RantauNet Mailing List di:
http://www.rantaunet.com/subscribe.php3
===============================================
