Assalamu'alaikum wr.wb.
Lah sampai dek Muncak, bialah ambo baliak
manyampaikan sakatek lai,
Soal motif, apo ko nan manjadi motif nan masuak
aka, jo tindakan maagiahkan gala itu salain motif
politik, supayo baliau tu tapiliah jadi presiden nkri nanti, awak nan maagiah
gala bisa kacipratan pitih atau jabatan, samo
sajo duo-duonyo di indonesia ko.
Manfaat untuk urang Banuhampu dan urang Minang nan
lain, nol koma nol, salain cimeeh nan kami
dapek.
Nampaknyo dunsanak manyokong pulo jadi pareman
jadi panguasa nagari nan banamo nkri dalam
bantuak republik persekongkolan. Kok di ambo bukannyo ambo banci jo AR pribadi, justru sikap politik nan mangicuah rakyat itu nan
ambo indak satuju.
"Kok cadiak jan manjua" dari alasan nan dunsanak
agiah jaleh bana tu, dan iko sarupo
sajo jo PRRI jaman dahulu bilo nanti ado pulo
tantara bagak sarupo Ahmad Hosen jo
Dahlan Djambek, tantu alah ka basokong pulo.
Bapakai pulo alasan imtaq lah, jan ka
soal imtaq, bak kecek angku soal pariuak nasi se
kato putuihnyo dari Allah.
Muncak:
Bilo dikatokan penganugerahan didasari gerakan
reformasi yang dilakukan Amien Rais tantu awak lai sa-paham. Namun
dikatokan kahilangan integritas ambo iyo kurang satuju, sebab kito samo tau
kalau di politik: 2 + 2 indak selalu ampek.
SBN
Nan mamuloi mangecek reformasi iyo AR dalam
ceramah-ceramahnyo, tapi pamikiran reformasi atau revolusi AR tu indak bara doh, nan diarok an urang dari AR justru
integritas, dan itu pulo nan alah dicampakan nyo. Cubo lah angku liek platform PAN dan caliek pulo apo nan dibuek dek AR jo
konco-konco nyo, antah lah apo angku tamasuak
pulo.
Memang tasungkua nyo indonesia indak lapeh dari
tokoh nan seharusnyo punyo integritas, tapi mambuangnyo, siko lah bedonyo jo AFSEL nan baruntuang punyo Nelson Mandela nan sampai
kiniko masih punyo integritas politik. Soal
politik indak samo jo 2 + 2 = kaji anak balita.
Bung Hatta indak namuah diagiah gala sarupo waktu
manjabat wapres ri, walaupun hampia saluruh
nagari mamintanyo. Kesediaan AR manarimo gala
sarupo itu menunjuakan inyo indak punyo integritas.
Sakali gus bukti inyo indak mandalmai adaik
minang.
Mangecek soal LKAAM - Banuhampu, nampaknyo banyak
disitu nan santiang pepatah dan petitih, sayang makna dan falsafah adat minang ditinggakan, malahan dijua kaurang lua.
Baitu pulo kaputusan mereka itu pasti kalua dari
mereka-mereka sajo, kalaulah diadokan sacaro demokratis, yakin indak katajadi
doh.
Baitu pulo LKAAM nampaknyo lah paralu dibubarkan,
mudaraik labiah banyak dari manfaat.
Dunsanak lain nan masih punyo harapan "mambangkik
batang tarandam" marilah awak baretong baliak.
Sakian dahulu, kok talabiha jo kurang mohon
maaf.
Salam
St. Bagindo Nagari.
----- Original Message -----
From: <[EMAIL PROTECTED]>
To: "RantauNet" <[EMAIL PROTECTED]>
Cc: "norman" <[EMAIL PROTECTED]>
Sent: Friday, July 26, 2002 10:52 PM
Subject: Re: [RantauNet] Amien Rais Bergelar Tuanku
Penghulu Alam Nan Sati
> From: Basri Hasan [EMAIL PROTECTED]
> To: RantauNet [EMAIL PROTECTED]
> Sent: Thursday, July 25, 2002 13:32:41 +0700
> --------------------------------------------
>
> >Iko ucapan salamaik bagi mereka nan manjua gala untuak sakedar
> >kursi di dpr, dprd, bupati guber.dlsb.
> -----
>
> Assalamu'alaikum w.w.,
> Alah sampai tu, Sutan Bagindo Nagari?
> Ma, Sutan Bagindo Nagari, sungguahpun Sutan nan ambo sambah, alah sarapek papeknyo niniak jo mamak, sarato jo tuangku nan duo tigo kadudukan, tampek ambo ma antakan sambah. Indak ta-atok tabilang gala jo sambah ambo muliakan. Indak doh ambo malampau malinteh, dek ambo tabik pasambahan. ( ma'af indak tantu lai tarusannyo J )
> Ma, St. Bagindo Nagari. Ucapan salamaik tantu harus kalua dari lubuak hati nan dalam, kalau indak tantu cime-eh namonyo - doso nan ka dapek. Sebagai urang dari kampuang subarang, ambo mancaliaknyo dari suduik lain:
>
> Bilo dikatokan penganugerahan didasari gerakan reformasi yang dilakukan Amien Rais tantu awak lai sa-paham. Namun dikatokan kahilangan integritas ambo iyo kurang satuju, sebab kito samo tau kalau di politik: 2 + 2 indak selalu ampek.
> Kalau nan luruih2 sen tantu indak ba-politik namonyo. Dulu rang Ulando kan lah mangecekkan kiro2 aratino "politik tu kumuah" - fuih. Kana sen lah dulu ado surang GG. Ulando nan sampai baraja bahaso Arab, "naiak haji", dituka-no namonyo - sampai2 mangaluakan banyak sekali hadist2 palsu, supayo tujuannyo tacapai. Ciek lai saroman Adam Malik, sagalo partai diracaknyo, ( PKI sen nan indak ), kasampaian-nyo jadi Wapres, jadi Sekjen PBB dll. Itu politik, kan indak dapek dikatokan bunglon.
>
> Ambo bukan urang PAN dan hanya mang-idola-kan Nabi Besar Muhammad SAW. J tapi urang baru bapolitik namonyo, dipasokokkan baitu tantu yo gamang - sebab di politik indak ado kato putuih, indak ado kawan nan sejati, kini bakawan bisuak alun tantu, jadi indak dapek dikatokan kahilangan integritas.
>
> Seorang ustadz, karajono tantu batanang co juara dunia main catua lah atau musik klasik di gd kesenian; bilo sadang main didalam, awak dilua kan indak buliah masuak - manggaduah, tapi dima lo ado "sikola politik" - politik nan tiok sa'at hao-nyo barubah saroman di Bursa Efek
>
> Ambo yakin disiko pitih indak ba-main, kito samo tau 'rang Banuhampu rato2 urang barado, dulu dikami tampek basanda bilo sadang "paralu", Urang PAN pun indak bara, paliang ciek jo baduo. Mungkin labiah dek karano UU Ttg. Pemilihan Pres. secara langsung ampia kalua / atau sdh di undangkan? ( ma'af lah lamo komah indak mambaco koran jo mancaliak tv ). Disiko tampaknyo LKAAM Banuampu bapasan ka anak kamunakan-nyo supayo hati2 dalam pemilu bisuak, panggado lah di tangan - indak di partai lai, beko jan sampai sio2 umua - galodo nan ka datang.
>
> "Gaek" tu nyo indak paralu ka jadi Pres., tapi cukuik anak didik nyo sajo - kito samo tau: "Pitih nan dilungok nyo buanyaak bana, dan dima2 pitih kuaso. Kana sen lah Marcos, nan diambiaknyo indak bara dibandiangkan Gaek ko. Dari maik nyo indak buliah dikubua di kampuang; kini bininyo lah jadi senator calon Pres? Kan santiang karajo pitih. Disiko co itu pulo beko, kok kuaso nyo baliak, jadi ka co iko juo lah nagari: Nan kayo batambah kayo, nan tido kariuak2 jo paruik taruih. . . . Iyo bia nak batuka lo arah angin.
> [ Emil Salim lah jaleh indak, wakatu dulu nyo mancalonkan diri. dibulalangnyo dek "gaek" - antok nyo jadinyo, antah kok Taufik Kiemas jo Akbar Tanjung nan "urang awak" atau mbak Tutut ? J
> Ambo mancaliak saroman ukatu Aksi Polisionil II ( Ulando ) dulu, teng waja antah dima, dari ateh Bukik Kuliriak lah tandanga pupuik tanduak : "Bulando datang" - jadi awak bisa siap2 ]
>
> Kini ko pupuik tanduak lah diambuih dek LKAAM - Banuampu
>
> Kalau galodo datang, tantu urang ba-badia nan kamuko. Iko lain lo sarik no. Kini sen nyo lah ka diajak lo baliak "Latihan Basamo" jo Amrik. Jan sampai ta ulang peristiwa Tj. Priok, Semanggi, Tri Sakti; jan sampai sio2 karajo Kiai Dur. nan alumni Jerusalem - ibo lo awak: hari partamo nyo jadi Presiden - takuik di badia urang, di-tintin jo lari ka Amrik J
>
> Tantang pariuak nasi, itu usaho surang2, kato putuih nyo dari Allah. Ma St Bagindo Nagari, sambah manyambah kapado Allah sajo kito pulangkan, baitu pulo pasambahan ambo, kok dirantang namuah panjang, kok dipunta namuah singkek. Daulu kato basitinah kudian kato kasicapek, capek sajo ambo manjawek kaharibaan Engku. Adopun nan taraso-raso dihati nan takalang-kalang dimato dek silang nan bapangka karajo na bapokok iolah mato ambo nan indak bisa dikulinsiangkan lai, Sakian barito dari ambo, mo'oh nan ambo pinto, kapado Allah sagalonyo ambo pulangkan. Wassalamu'alaikum w.w., - Muncak - gaek tajamua di Batawi
>
>
>
>
>
> RantauNet http://www.rantaunet.com
> Isikan data keanggotaan anda di http://www.rantaunet.com/register.php3
> ===============================================
> Tanpa mengembalikan KETERANGAN PENDAFTAR ketika subscribe,
> anda tidak dapat posting ke Palanta RantauNet ini.
>
> Mendaftar atau berhenti menerima RantauNet Mailing List di: http://www.rantaunet.com/subscribe.php3
> ===============================================
>
