Assalamu'alaikum WW Satau ambo gala adat itu memang ado nan hanyo marupokan gala kehormatan, salain gala adaik nan marupokan gala struktural basuku, misalnyo sajo : 1. Ado urang sumando kito nan barasa dari Non minang, bisa sajo mamak rumah maagiah gala untuan rang sumando itu dengan gala nan indak ado gala nan biaso ado di pasukuan, misalnyo diagiah gala "Intan Pamato" supayo lai pulo bisa mamanggia rang sumando itu jo gala ..sauai jo kabiasoan nan ketek diimbau namo nan gadang dipanggia gala. 2. Nan kaduo, misalnyo ado mamak kito nan 'capable' untuak jadi pemimpin dalam pasukuan namun indak ado lai gala datuak struktural sarupo pangulu dan panungket nan lowong, mako disandangkan gala datuak penghargaan ka baliau itu, misalnyo gala Dt.Singomarajo dek baliau lamo marantau ka Sumatera Utara.... 3. Samo jo kaadaan nan no-2, misalnyo dek indak ado gala pasukuan nan struktural nan lowong, sadang salah surang dari pasukuan jadi urang nan pantiang di nagari, misalnyo 'wali-nagari' mako pasukuan itu akan maagiah gala penghargaan juo ka angku wali nagari itu, supayo naiak pulo martabat baliau kok di galanggang nan labiah tinggi... 4. Ado juo hal lain misalnyo ado Pangulu nan lah tuo dan alah dengan kebesaran hari manurunkan kepanguluannyo ka nan labiah mudo (kamanakan) mako di baliau tatap makagai gala nan lamo tapi ditambah dengan kato-kato tuo, Gala iko hanyo marupokan penghargaan dan sekalian mangurangi post power syndrom, misalnyo diagiah gala Datuak Tan Majolelo Tuo, sadang Pangulu tatap dengan Gala Datuak Tan Majolelo..
Jadi sapangatahuan ambo untuak maagiah gala adat itu flexible sajo salamo hanyo gala penghargaan dan asal disapakati dek urang sapasukuan dan sa-nagari. Samo pulo misalnyo untuak maurak saluak datuak bagi nan indak capable lai misalnyo Datuak Ampok...(fyi : istilah untuak nan suko bajudi), dll bisa sajo kaum sapasukuan mamcabuik gala datuaknyo.. Sahinggo ndak ado nan salah kok ado nan maagiah gala ka seseorang siapopun urangnyo , asa lai supakaik urang sapasukuan atau sa nagari.... Misalnyo sajo dalam konteks Pak Amien Rais ko... kok ado adidunsanak nan protes itu sah-sah sajo , tapi kok adidunsanak ndak dibaok sato baiyo...itu lah nan masalahnyo... ado komunikasi nan ndak ideal antaro kito , antaro kampuang dan rantau barangkali..... Iko hanyo sapangatahuan ambo dan maliek hal nan pernah tajadi di Kampuang ambo, lain padang lain balalang... lain nagari ado 'nuansa' nan lain dalam adaiknyo..... rela jo maaf kok ado nan salah Wassalam Z Chaniago - Palai Rinuak - >From: "Dewis Natra" <[EMAIL PROTECTED]> > >Ass. Wr. Wb. >Kapado mamak ambo Datuak Nan Rajo Basa, Ambo mamperkenalkan diri Ambo namo >"Is" urang sikumbang dari Sungai Pua Bukittinggi, talapeh dari gelar nan >diagiah dari urang banuhampu ka Amien Rais ambo ingin batanyo ka mamak apo >batua maagiah gelar kehormatan ko malanggar adat, apo adat kito indak >buliah >mambarikan penghargaan ka urang di lua minang nan alah bajaso ka minang >sabalunnyo banyak yg alah dilakukan dek urang minang, sarupo ka HB X, >Sutiyoso tapi baa kok kini baru kalua protes iko malanggar adat, Ambo minta >maaf ka mamak mungkin ambo nan indak tau jo aturan adat. >Ciek lai mamak, kok mamak mangutuak pemberian gelar ka urang dilua minang >ancaklah sacaro pribadi sajo, mamak ijan maateh namokan urang minang >dirantau sabab kaputusan untuak mangutuak itu alun ado ambo raso di >bicarakan atau diputuskan dek lembabaga perwakilan perantauan lai, jadi >tolong ijan ateh namokan seluruh urang dirantau, ambo sendiri indak satuju >juo tapi indak sampai mangutuak. >Ma atehnamokan urang samo sajo jo kalakuan politisi kito kini sadonyo ma >atehnamokan rakyat tapi antah rakyat nama yg manyampaikan ka inyo indak >pernah jaleh, akhirnyo mampakaruah sajo. >Sakali lai ambo minta maaf ka mamak atas kelancangan kamanakanko, kok ado >nan salah tolong diluruihkan mamak. >Wasalam >Is, 32 > _________________________________________________________________ MSN Photos is the easiest way to share and print your photos: http://photos.msn.com/support/worldwide.aspx RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
