Ma sagalo adidunsanak jo anak kamanakan di salapan pinjuru angin, Assalamu'alaikum wr. wb.
Indak taraso, lah sabulan pulo ambo di dangau sasudah malala manyilau anak jo cucu ka Jawa jo Borneo. Namun, nan agak rutin manyilau lapau baru ampek ari ko dek modem ambo batingkah dan kasudahannyo diganti jo nan dari kardus. Dalam sabulan ko, sasudah ambo subs baliak, indak nampak dek ambo perkembangan sumbangan untuak MIS Sikakap nan sangaik dinantian dek panguruih yayasannyo, walaupun ambo lah mangirim ka lapau proposal nan diagiahan dek panguruih tu. Sampai kini sumbangan nan baru sampai di tangan Bandaro, bendahara RF, dan alun ditransfer ka Padang lai bajumlah sabanyak 250 ribu rph (Laporan Kauangan RF dari Bandaro 26-7-02). Sumbangan ko dari kamanakan ambo "Muchlis Hamid" <[EMAIL PROTECTED]>, sasuai jo posting baliau ka japri ambo tanggal 9-7-02 dan Laporan Kauangan RF dari Bandaro 26-7-02. Adidunsanak jo anak kamanakan ambo nan baalamaik cc di posting ko lah baniaik nak manolong dalam posting-posting baliau di bulan-bulan Juli tu, tapi mungkin dek kasibukan masiang-masiang alun talakik pai ka lumbuang lai. Jadi kok lai kabatulan lalu di muko lumbuang surang-surang dalam sapakan ko, dan tantunyo kok lai pulo barang sado nan ka mungkin, kana-kana juo lah MIS Sikakap ko. Bakeh adidunsanak jo anak kamanakan nan lain nan lai bakalapangan dan baniaik sato sakaki manyumbang untuak mambantu usao dunsanak awak nan indak mangana latiah jo onak duri mangambangan agamo Islam di daerah missi kristen ko, kirimkanlah ka kucio RF baalamaik: BCA-Bogor a/n Amzar Bandaro 174 109 3214 Ambo nantian malakik pakan di muko, supayo barang sado nan takumpua, infaq ko bisa pulo awak sarahan ka alamaiknyo. Mokasi banyak dan salam untuak sado rang lapau jo kaluarganyo. mak Sati Jalan Sitawa 25, Tabiang Padang Telp. 0751-51959 & 0812 6600 639 RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
