[RantauNet.Com] Fw: [RN-Ekonomi] WELCOME TO MINANG INCORPORATED 3

Fri, 20 Sep 2002 21:44:04 -0700

 
----- Original Message -----
Sent: Friday, September 20, 2002 5:07 AM
Subject: [RN-Ekonomi] WELCOME TO MINANG INCORPORATED 3

Selamat Datang di Minang Incorporated 3.

Dunsanak kasadonyo, bundo kanduang, anak jo kamanakan nan ambo hormati.

Assalammualaikum Wr. Wb.

Awah taruihkan baliak carito awak supayo jaleh.

Sistem ko indak mambutuhkan awak duduak basamo di sakaliliang meja sarupo caro tradisionil. Caro ko dapek ma-atasi masalah lokasi domisili anggota komite nan karano kegiatannyo tingga di macam-macam nagara di seluruh dunia. Dalam banyak hal ado untuangnyo kalau anggota komite badomisili di daerah dan negara nan babeda, sabab informasi nan didapek, pengetahuan dan teknologi nan dikuasai akan mampakayo wawasan seluruh pihak, tamasuak manajemen, baitu pulo anggota. Dengan caro iko, walaupun untuak ma-ambiak keputusan tapaso mamakan waktu agak lamo, sasuai jo barek atau ringannyo kebijakan nan ka dijalankan, hasilnyo labiah mandakati kasempurnaan dan badampak jangko panjang. Kalau komite karano satu atau lain hal indak dapek maambiak keputusan dan indak bafungsi, keputusan akhir ado di tangan manajemen. Keputusan komite indak diparalukan untuak kegiatan rutin nan alah disetujui sabalunnyo, kecuali kalau ditamukan penyimpangan nan paralu diluruihkan baliak atau ditinjau ulang.

Min. Inc, sesuai jo strategi dasar, punyo limo kamite, (1). ekonomi, (2). networking, (3). pendidikan, (4). pemberdayaan bundo kanduang jo (5). penggalian keunggulan komparatif Minang. Seluruh anggota komite ko buliah duduk di palanta dan mandiskusikan satiok kebijakan dari suduik pandang komitenyo. Namun kalau alah sampai katingkek akhir, dan voting paralu dilakukan, nan buliah ikuik voting adolah anggota komitenyo sajo. Pengikut diskusi dari komite lain bafungsi sebagai resource persons, nan indak mamiliki voting right. Pihak manajemen bafungsi sebagai fasilitator sajo, manyadiokan bahan nan diparalukan dalam diskusi. Pendekatan ko manjadikan pembangunan Minang maso depan menjadi terpadu dan holistik, sabab mamparetongkan bana satiok aspek kehidupan masyarakat Minang di dalam kebijakannyo. Diharapkan keputusan nan diambiak komite marupokan rekomendasi nan komprehensif dan mendekati samparono untuak dijalankan dek manajemen, Insya Allah.

Jalannyo sistem

Min. Inc marupokan money machine dalam manangani sistem untuak mambangun baliak Minang sebagai center of excellence. Fungsinyo manaikkan kesejahteraan ekonomi urang awak, anak kamanakan, jo urang kampuang, untuak membuka kesempatan mancari ilmu, menambah pengalaman jo manaikkan profesionalisme supayo awak indak dianggap sabagai warga negara kelas duo sarupo nan tajadi kiniko. Awak paralu bangkik baliak, tapi itu indak mungkin dilakukan kalau awak indak sejahtera dan kalau indak dilakukan basamo-samo dalam satu sistem terpadu. Untuak itu awak paralu manciptakan kegiatan ekonomi basamo nan dapek saling dorong jo saling dukuang untuk maju. Untuak itu awak paralu manyatukan kekuatan, manjalin network dan mampakuek karajo samo antar parantau jo pemilik sumber daya lain nan indak ado atau kurang memadai di tangan awak.

Tantu sajo untuak itu diparalukan visi dan penentuan karajo apo nan ka dikakok, organisasi nan di dukuang dek modal barupo pitih dan ilmu pengetahuan jo pengalaman dan teknologi penanganan nan sasuai jo urang lain, dan nan katigo tantu sajo bakaitan jo pasa nan dapek awak masuki untuak mambukak kadai manjua hasil nan di produksi dek mamak rumah jo urang kampuang. Nan partamo alah awak sepakati, awak ka mambangun Minang baliak, sadangkan karajo nan ka awak kakok untuak tigo tahun pertamo iyolah mambangun infrastruktur dan organisasi nan dibutuhkan, sebagai motor penggerak Min. Inc. Dalam hal ko dari hasil kajian awak adolah mambangun infrastruktur pendanaan untuak mangumpuakan pitih, mambangun infastruktur perdagangan dan meningkekkan kapasitas produksi komoditas unggulan urang awak. Skematis pendekatan iko dapek diliek di halaman 33 manuskrip rencana kerja strategis membangun masyarakat Minang dapek diminta ka mak Darul Makmur atau Ronal Chandra.

Min. Inc bausaho mangumpuakan dana untuak pembiayaan kegiatan produktif nan menghasilkan. Sasuai usul dari kamanakan ambo Didi Usman, nan kawan-kawan kenal salamo ko mamakai nickname Datuak Dalu (DD) di palanta Rantau Net, awak kumpuakan dengan menjua sertifikat usaho saharago $ 0.50 per lembar atau kalau di rupiahkan sekitar Rp. 5.000.- untuak dapek mengumpuakan $ 1.000.000.- pado tahun pertama sebagai working capital, modal karajo. Ide iko kami kambangkan manjadi sarupo di bawah nangko.

Awak bakarajo ateh namo badan hukum koperasi. Satiok anggota koperasi ba kewajiban mambayia uang simpanan pokok, simpanan wajib dan simpanan sukarela. Siapo nan alah malunasi simpanan pokok langsung manjadi anggota, dan mampunyai hak mampagunokan seluruh fasilitas organisasi. Nan alun lunas simpanan pokoknyo dianggap sebagai calon anggota, alun buliah mempagunokan fasilitas organisasi lai. Itu ketentuan undang-undang dan itu pulo kebiasaan nan ditantukan dek Gerakan Koperasi di seluruh dunia. Tujuannyo adolah untuak membantu urang nan indak bapitih manolong dirinyo. Tapi hasilnyo memang luar biaso sarupo tampak dalam Credit Unions di Amerika Serikat jo di Kanada, Calgary Wheat Pool nan menguasai gandum dunia, Koperasi Susu Denmark nan manguasoi 45% keju jo mantega dunia, Nurinchukin Bank dan Zen-Noh di Japang dan banyak lai contoh-2 lain. Makonyo kalau awak dapek manyatukan kekuatan, Insya Allah awak mampu manduduki posisi nan manantukan pulo dalam tatanan ekonomi bangso, kudian dunia, walaupun kiniko pitih agak sarek saketek.

Awak cukuikkan lah dulu sampai disiko, Insya Allah bisuak awak batamu baliak.

Billahi taufiq wal hidayah

Wassalammualaikum Wr. Wb.

M.C. Baridjambek

Kirim email ke