|
-----Original Message----- Selamat Datang di Minang Incorporated 2. Dunsanak kasadonyo, bundo kanduang, anak jo kamanakan nan ambo
hormati. Assalammualaikum Wr. Wb. Awak taruihkan mangampungi pasan nan tacicia kapatang. Organisasi awak di susun sarupo Modern Corporation sasuai jo division
of labour nan didukuang dek profesionalism
dunsanak jo kamanakan nan ahli di dalam bidangnyo masiang-masiang.
Untuak partamo kali ko, untuak tigo tahun partamo, organisasi dipimpin dek board of directors nan tasusun sarupo iko:
(1). Ketua Umum – M.C. Baridjambek, (2). Sekretaris Umum – Ronal
Chandra, (3). Bendahara – Ny. L. Ismail Oelangan, (4). Ketua Bidang
Perdagangan – Ridwan M. Risan, (5). Ketua bidang Pengambangan Anggota
– Darul Makmur, (6). Ketua Pendanaan Bersama - Yuliardi (Didi) Usman, (7).
Ketua Modal Min. Inc di lahiakan dek
tigo organisasi (1). Lembaga Kajian dan Pemberdayaan Masyarakat Yayasan Imam
Bonjol, (2). Rantau Net jo (3). Gebu Minang. Karano itu presentasi ketigo
lembaga nantun paralu di akomodir dalam organisasi gadang nangko. Dek karano
itu Dewan Pengawas nan dipimpin Bapak Aswin Jusar, alun diisi seluruhnyo lai.
Alah disepakati untuak manampekkan duo orang anggota Dewan Pengawas dari setiok
pendiri nan ba-arti duo urang dari LKPM Imam Bonjol, duo urang dari Rantau Net
dan 2 urang dari Gebu Minang untuak awak basamo-samo mangawasi jalannyo
organisasi nan manjadi kendaraan pancari pitih untuk kesejahteraan masyarakat
Minang masa depan. Wakil LKPM YIB di Dewan Pengawas adolah Bapak Abdul Razak jo
Bapak Darmansyah Darwis, sadangkan untuak Rantau Net jo Gebu Minang kami minta
sabaleh jo kapalo supayo dapek ditantukan untuak dapek dikukuhkan. Tarimo kasih
banyak. Dewan Pengawas ko nan mawakili seluruh anggota dalam mengawasi jalannyo
manajemen satiok hari, sarupo jo Manajemen bakarajo untuak periode tigo tahun
pulo, dan kalau dianggap paralu karano prestasinyo nan gemilang, dapek dipiliah
sa periode lai, sasudah itu harus menyarahkan jabatannyo ka dunsanak lain nan
labiah agresif, bapangalaman dan labiah ba ilmu pengetahuan. Masalah nan katigo adolah kesepakatan adonyo komite nan
mambantu manajemen dalam menantukan arah kegiatan, di samping manantukan pulo
arah pamakaian pitih masyarakat. Pitih nan dipacayokan ka Min. Inc paralu dijago ke amanan
pengelolaannyo supayo indak barulang tambo lamo. Satiok pitih masuak, satiok
itu pulo inyo bakirok, indak tantu dima rimbonyo, manguap kato urang di tanah
Jawa. Biasonyo keadaan itu tajadi karano adonyo salah urus, mis management kato orang subarang. Untuak
itu selain pengawasan dari Dewan Pengawas, paralu dilangkok-i jo badan nan
malakukan pengkajian tantang kelayakan usaho, tantang patuik atau indaknyo
usaho di jalani, atau caro pananganan usaho nantun. Komite nangko bafungsi
manjadi panasehat manajemen dalam mengambil keputusan dan berprilaku. Dek karano itu, sasuai jo grand
stategies nan awak tantukan, ado limo komponen strategi nan takaik
jo pembangunan masyarakat Minang jangka panjang, nan langsung atau indak
langsung paralu diparetongkan bana dalam kegiatan awak. Kalimo kegiatan itu
marupokan value chains (kegiatan
kaik bakaik nan saling dorong untuak maju) dalam mambangun masyarakat Minang
jangko panjang. Dalam hal sarupo itu diparalukan bana kontribusi dunsanak jo
kamanakan nan pandai-pandai dan mamiliki wawasan jangko panjang untuk
mengarahkan kegiatan awak (coordinated efforts) manuju tujuan basamo. Satiok komite ko nan maso jabatannyo samo pulo jo maso jabatan
manajemen, tigo tahun, diisi dek limo baleh urang nan punyo hak mangkaji dan
manantukan arah kebijakan satiok bidang. Anggota komite lain dapek manjadi
pengamat di dalam setiok komite (nan lain selain komitenyo sendiri), namun
indak mampunyai hak untuk ikuik voting kalau terjadi kemacetan, deadlock, dalam
pengambilan keputusan. Jadi karano itu praktis setiok masalah, kalau
diparalukan dapek dibicarokan diantaro 75 urang pemikir dan profesional nan
mampunyai ilmu dan pengalaman panjang di dalam bidangnyo masiang-masing untuak
manyalasaikan masalah nan di hadapi dek organisasi dalam mambangun baliak
Minang sebagai center of excellence. Pengalaman urang-urang pandai nantun,
dapek menantukan perubahan caro karajo, penerapan teknologi nan tapek atau
pananganan manajemen untuak setiap program nan ka dilakukan, sasudah itu ikuik
memantau pelaksanaannyo. Caro karajonyo, manajemen ma-ajukan rancangan programnyo ka
komite nan bakarajo malalui biliak dunia maya – virtual palanta, untuak
di anilisa elok atau indaknyo program itu, apo sasuai jo keadaan nan sabananyo,
atau manggantang asok sajo. Caro ko persis sarupo nan alah awak lakukan salamo
ko di palanta. Awak diskusikan baik - buruak program untuk masukan ka pihak
manajemen. Satiok anggota komite berhak ma-ajukan keberatan atau persetujuannyo
berdasarkan ilmu jo pangalamannyo masiang-masiang atau alasan alasan lain
barupo data nan manunjang pendapeknyo, sarupo antaro lain perubahan lingkungan karano
policy pamarentah, perkembangan situasi ekonomi, sosial, politik dan masyarakat
atau nan lain-lain. Jadi komite indak buliah mamutuskan badasarkan emosi atau
pendapek nan didasari suko atau indak suko nan basifat pribadi. Kalau tajadi
perbandingan nan setuju jo nan indak setuju samo banyaknyo, dilakukan voting di
palanta. Dan sarupo dikamukokan di ateh, voting dilakukan hanyo diantaro
anggota komite sajo, pengamat nan jumlahnyo sampai 60 urang itu, indak buliah
ikuik voting doh. Sakitu sajolah dulu, bisuak awak sambuang baliak. Wassalammualaikum Wr. Wb. M.C. Baridjambek *************** |
