Tapi dalam implementasinyo Min. Inc indak paralu kareh bana doh. Untuak dunsanak nan sadang susah, uang simpanan pokok dapek di angsua sampai duo puluah kali. Limo ribu sakali angsua. Tapi uang bulanan nan awak sepakati sabanyak Rp. 1.000,- manaruihkan konsep Gebu Minang, memang paralu di lunasi satiok bulan. Katantuan iko batujuan untuak mambangun disiplin nan awak paralukan untuk bagerak maju. Sasudah itu ma-ikuti pola Didi, anggota dapek mambali sertifikat dalam bantuak simpanan sukarela sebesar Rp. 5.000.- nan indak dibatasi jumlahnyo. Sadangkan satiok simpanan wajib nan Rp. 1.000.- itu kalau alah sampai manjadi perkalian Rp. 5.000.- sacaro otomatis di konversikan ka sertifikatnyo untuak dapek dihetong haknyo dalam pembagian keuntungan satiok akhir tahun fiskal.

Untuk mamudahkan pembukuan dan registrasi anggota, masiang-masiang awak mandapek nomor digital sampai sabaleh digit. Urang Minang, sarupo kato kamanakanda Hanafi nan dikonfirmasikan dek kawan-kawan lain, kini alah mandunia, persis sarupo Hua Kiau, kaum parantau Cino. Karano itu awak jadikan digit nan partamo (limo buah) sasuai benua nan ado di dunia manjadi angko 1 ba-arti Amerika, angko 2 mukasuiknyo Eropa, angko 3 untuak Asia. Angko 4 ditantukan untuak tando pengenal Afrika, tarutamo untuak dunsanak awak nan sadang manuntuik ilmu di Al-Azhar, di Cairo dan angko 5 untuak Australia, di Oz kato urang. Jadi Mak Abrar Yusuf nan tingga di Australia dapek angko 5 dimuko nomor anggotanyo. Sadangklan ambo nan di Jakarta dapek angko 3; Uni Ben, ajo Duta Mardin, Didi, jo mak Boes dapek angko 1 sabab tingga di benua Amerika. Ajo Buyuang dapek angko 2 sabab tingga di Parancih, di benua Eropa.

Dua digit selanjutnyo manantukan negara di benua nantun, dan dua digit berikutnyo manantukan negara bagian, atau di propinsi kalau di nagari awak, di prefecture kalau di Japang. Dua digit berikutnyo manunjuakkan kabupaten atau distrik, dan ampek digit terakhir adolah nomor awak masiang-masing. Jadi dengan caro baitu dipakirokan setiap distrik dapek mengakomodir 10 ribu anggota Min. Inc. Kini Ronal, karik Ridwan M. Risan jo dunsanak Darul Makmur sadang mampasiapkan sistem digital numbering nantun. Melalui nomor digital milik masiang-masiang nangko dapek dibaco dek satiok anggota takaik tantang jumlah simpanannyo dalam Min. Inc dan ba-a pertumbuhan portfolio-nyo masiang-masiang.

Seluruh laporan disimpan dalam webside nan Insya Allah sadang awak bangun, tapi tantu sajo dapek dibaco kalau mamakai password nan mamungkinkan setiok orang mangawasi haratonyo. Nan indak berhak indak dapek menyigi punyo urang lain doh. Jadi rahasio masiang-masiang tajago. Sadangkan untuak dunsanak nan alun biaso mampagunokan IT dapek maliheknyo di kantua operasional Min. Inc nan kalau dikehendakinyo dapek pula mambuekkan print outnyo. Pananganan mutual fund iko disapakati untuak disarahkan pengelolaannyo ka Didi Usman nan badomisili di kota para dewa, di Los Angeles, Amerika Serikat, dan bapangalaman dalam bidang itu.

Anggota dapek ikuik penyertaan dalam setiok program ekonomi Min.Inc. Ado tigo kegiatan nan kini sadang awak rancang untuk di bangun, nan Insya Allah dalam kurun wakatu dua tigo tahun mandatang dipakirokan alah manjadi motor tambahan penggerak ekonomi baru untuak masyarakat. Motor pertamo adolah trading house, motor kaduo venture capital dan motor katigo investment corporation. Katigo tigonyo indak lai babadan hukum koperasi tapi babantuak perseroan terbatas nan dimiliki dan dikendalikan dek Min. Inc. Permodalannyo dikambangkan basamo antaro Min. Inc jo anggota nan taragak sato sakaki, ditambah jo strategic partners, sasuai grand strategy kaduo awak. Saluruh kegiatan iko tujuan akhirnyo maningkekkan kemakmuran masyarakat Minang, mambantu peningkatan pendidikan dan kualitas Sumber Daya anak jo kamanakan awak dan untuak manjadikan Minang baliak sebagai center of excellence guno mambangkik batang nan tarandam, marabuik tuah nan alah hilang dalam duo puluah limo tahun ka datang, Insya Allah.

Trading house awak tujukan untuak mampasatukan kekuatan urang awak dirantau nan jadi panggaleh. Kegiatan ko mambantu malakukan pengadaan barang (joint purchasing) dengan caro manjalin hubungan karajo samo jo produsen untuak padagang Minang nan ba usaho dalam dunia retails. Paningkatan ilmu jo technology penanganan untuak pelaku ekonomi kelompok iko, kini memang sadang manjadi perhatian dunia, tarutamo di Asia Pacific, kareno potensial dalam menggarakkan roda ekonomi. Baru-baru ko ado tawaran grant sabanyak s/d US $ 300.000,- untuak mamparkenalkan IT ka segment kelompok iko supayo mudah bahubungan jo suppliers ataupun manufacturers nan disponsori dek APEC Cyber Education Cooperation, nan ka bajalan salamo bebarapo tahun. Permintaannyo adolah untuk dididik mambuek marketing plan dan peningkatan penanganan usaho. Sayang karano tahunko awak harus manyalasaikan progam Min. Inc, alun dapek awak ikuti, Insya Allah tahun muko, sasudah awak siapkan data penunjangnyo. Target group awak tarutamo pedagang eceran Minang. Jadi sakali marangkuah dayuang, duo tigo pulau talampau, sakali mambukak puro duo tigo hutang tabayia. Awak dapek mangumpuakan pedagang urang awak, dapek pula meningkatkan katerampilannyo jo biaya APEC Economic Cooperation. Pembentukan Trading House ko diurus dek karik Ridwan M. Risan, dibantu dek sanak Asmun M. Syueib nan khusus menangani kegiatan export. Sanak Asmun ko dulu pernah manjabat sebagai Deputy Director of Trade Promotion Center di Osaka, Japang.

Dalam upayo maningkekkan kekuatan dunsanak awak nan manjadi pedagang retails nantun, awak marencanakan membangunkan Mal atau tampek dagang lain, pado tahap peertamo di pulau Jawa nan banyak diisi dek Pedagang Padang, kato urang . Pitihnyo sabahagaian dari Mutual fund, sabagian dari kawan-kawan nan ingin ikuik dan tarutamo dari bank nan kini mulai manunjuakkan minatnyo.. Toko-2 nan dibangun dijua ka anggota Min. Inc dengan caro mangalihkan kredit dari bank pelaksana dengan syarat nan labiah ringan, baik jangko waktu pencicilan dan syarat lain. Min. Inc ikuik manjamin uang mukonyo, dan penagihan ka anggota awak nan mambali toko. Kalau indak baitu Bank agak takuik. Takuik di palituakkan dan bank jadi rugi, namo direkturnyo rusak. Awak tantu indak ingin merusak namo urang nan manolong awak. Harus prinsip mutual benefit. Awak tatolong, urang lain harus tatolong pulo, apo lai kalau inyo �lah manolong awak. Indak buliah basilanteh angan.

Hasil investasi itu masuak ke Min. Inc sebagai bagian dari labo usaho, nan selanjutnyo dibagikan baliak ka anggota. Investasi dapek pulo di lakukan dalam mandirikan pabrik nan bahubungan jo small scale atau nan bahubungan jo agrobusiness nan ditangani dek urang Minang, nan sasuai jo keunggulan komparatif nyo, untuak mamanuhi permintaan pasa. Kalau pemasaran indak jaleh, produksi indak awak kambangkan doh. Investment cooperation iko ka di kelola dek karik Darul Makmur.

Sakali lai baranti pulo awak disiko, Insya Allah bisuak bagian nan terakhir dari carito panjang ko.

Billahi taufiq wal hidayah,

Wassalammualaikum Wr. Wb.

M.C. Baridjambek

Fw: [RantauNet.Com] Fw: [RN-Ekonomi] Welcome to Minang Incorporated 4

Kirim email ke