[RantauNet.Com] Fw: Jawaban untuk GM dan Herman Munaf

[GM]

assalamualaikum,   E-mail ini walau dengan subjek ditujukan untuk saya dan dunsanak Herman Munaf tapi berisi pesan umum untuk dunsanak2 lain. Saya fw-ke RN dan semoga ikut menyemarakan RN pada hari selasa in.   Wassalam,   GM   ----- Original Message ----- From: MC Baridjambek To: [EMAIL PROTECTED] Sent: Monday, September 23, 2002 11:52 AM Subject: [RN-Ekonomi] Jawaban untuk GM dan Herman Munaf Dear dunsanak GM nan baik hati. Assalammualaikum Wr. Wb.          Batua kato GM, lai ambo cubo masuak ka RN palanta tapi ambo di rejected, sadangkan dilain pihak program ko harus ambo salasaikan dengan baik, sacapek mungkin karano mulai timbua salah pengertian sabab kurang informasi. Karano itu ambo taruihkan sajo apo nan ambo bisa, lupo ambo jo biliak nan lain, sahinggo dunsanak Herman indak tahu perkembangannyo (mmaf yo bung - salah ambo). Salain itu ambo mandanga sadang tajadi parang basosoh di palanta RN, ambo nan baru masuak jadi anggota, nan baru baumua saumua jaguang di palanta ko,  indak tahu-manahu tantang masalahnyo, jadi ambo lakukan sajo apo nan ambo mampu, dan tarimo kasih, karano izin Allah alah dapek disalasaikan.  Kini kalau ambo ta - usia disuruah hansip pindah kampuang, di persona non grata kato urang subarang, misi ambo alah salasai. Tapi ambo sangaik batarimo kasih ka sanak GM nan alah manaruihkan pasan ko ka palanta RN untuak diketahui umum.         Pendekatannyo nan sabananyo mudah bana. Awak malihek ado bahayo, dan untuak itu paralu awak atasi basamo-samo. Basamo-samo dikaji apo panyababnyo, baa caro pangatasannyo nan kiro-kiro elok, dima kekuatan awak, dan apo ado kelemahan awak, dan barapo lamo kiro-kiro maso penatasnnyo. Pendakatan iko nan sangaik logis dan netral indak dipengaruhi dek emosi, tapi berdasarkan pengamatan nan cemat salamo ba-tahun tahun, tapi kemudian diikuti jo pengkajian dek LKPM YIB..         Salamo duo tahun kami melakukan kajian untuak iko. Dapek kesimpulan untuak pengatasan masalah ko paralu sacaro serentak dilakukan, comprehensive kato urang kini, memeloki kehidupan masyarakat nan sadang mengarah ke kemiskinan, (datanyo dapek diambiak dari kajian nan kalau diminta ka dirimkan dek mak Darul Makmur ka e-mail masing2), manjalin kerjasamo strategis antar perantau, urang kampuang jo sumber daya lain untuk ikuik mandukuang program, maningkekkan pendidikan nan manjadi penyebab masalah ko timbua, pemberdayaan bundo kanduang nan merupokan role models urang Minang, dan mancari keunggulan komparatif awak nan bisa dipagunokan untuak mambantu. Kami jadikan iko sebagai grand strategies nan kemudian diikuti enam program implementasi kegiatan nan manunjang misi penyelamatan urang awak maso depan (supayo hebaat - awak tulis sajo sebagai center of excellence, sebagai pusat kesempurnaan, he .. he .. he, paralu juo ongeh saketek)         Untuak itu paralu disiapkan organisasi pendukunagnyo. Untuk nan pertamo paralu organisasi mancari pitih (dana) nan sekaligus dapek pulo menyatukan kekuatan ekonomi urang Minang dirantau sebagai pull factor (kekuatan nan maelo, dan dikampuang nan ka awak tarik supayo manjadi sempurno). Cino pun malakukan hal sarupo itu pulo. Dibantuaknyo  basamo-samo organisasi Hua Kiau di Asia Pacific, sasudah mapan manguasoi ekonomi di daerah-2 itu, tamasuk Indonesia, baru inyo mambangun nagarinyo untuak manjadi super power pulo do bidang ekonomi nan dipakirokan  dapek mangalahkan Japang dalam waktu nan indak terlalu lamo lai. Berdasarkan model itu awak bantuak Minang Incorporated (nan sabananyo namonyo Marapalam ... nan awak singkek manjadi Min.Inc dan disetujui dek Pamarentah). Hasilnyo untuak pembiayaan upayo mambaliakkan tuah nan lah hilang, mambangkik batang nan tarandam. Tapi babeda jo konsep lamo, satiok urang Minang - atau urang lain nan ikuik sato dalam perogram pasti (Insya Aallah) mandapekkan hasil dari dana nan dititipkannyo, hetong-hetong marupokan simpanan hari tuo, dana pensiun. Perhitungannyo dilakukan dengan caro bagi hasil, sasuai hukum syariah.         Tapi karano mungkin caro nan salah, atau apo nan ambo nan boduh ko indak tahu bana, tapi mangiro-ngiro sajo, kawan-kawan banyak nan tasinggunag, mahariak jo manyumpah, kamaimbau polisi jo kode 911, maninju sarato manyipak, patah tulang rusuak ambo tigo buah, tangga garaman sabarih, bangkak kapalo dek kanai tinju, padahal ambo cuma manjua galeh nan ambo raso ka manolong menghadapi galodio nan katibo.  Sudah itu pintu takunci pulo masuak ka palanta. Karano itu ambo taruihkan sajo pangajian sampai salassi di biliak ekonomi. Kalau sudah itu ambo tapaso pindah, itu kan resiko urang banyak kecek dan baprilaku nan manyingguang urang nan punyo rumah, padahal ambo hanyo urang nan manumpang, kurang dari satahun kalau indak salah. Kaba-a juo... itu takdir namonyo. Tapi kalau itu tajadi tantu itu karano izin Allah pulo, awak tarimo sajo jo lapang dado, he .. he .. he.         Tapi walaupun baitu ambo basyukur bana dan malah bangga ka diri ambo karano malihek suatu pertunjukan demokrasi dan refleksi kemerdekaan nan hebat diantaro urang Minang, urang kamouang ambo. Kini tabukti urang Minang tu indak melempem sarupo nan dikatokan urang. Kalau ado nan bisa mambangkikkan energi sarupo itu, dan diarahkan ka kegiatan nan positif tapi terencana supayo terarah dan fokus, (sarupo galeh nan ambo tawarkan ko, misalnyo), Insya Allah Minang akan dapek diselamatkan, indak sekadar jadi ejekan urnang mencemooh - dasar Padang lu, sarupo nan awak danga salamoko, tapi bisa manjadi panutan, jadi contoh sarupo pendahulu awak. Manjadi urang bangga bakawan jo awak, indak jadi bahan nan dipagunjiangkan di belakang.         Nan kurang baik dari demokrasi nan dipatunjuakkan itu adolah karano kurang mamikiakan urang lain nan mungkin dapek taluko. Salain ambo nan kanai tangan, ado pulo adiak, kawan, dunsnak ambo nan lain dnan tasingguang harago dirinyo karano ditanyokan kewarganegaraannyo. Prilaku nan sarupo itu iyo indak patuik doh. Untuak ambo, nan dunsanak tap dunsanak, walaupun inyo kini jadi urang Cino. Arab, atau bule. Nan urang Minang tatap urang Minang, inyo pun punyo hak dan keinginan untuak managakkan baliak batang nan tarandam. Pindah nagari indak doso doh, itu adolah hak azasi manusia. Malah alah baratuih tahun dilakukan dek urang Minang. Kimni hal itu dapek dikembangkan manjadi kekuatan. Ambo pernah mambayia urang Japang, Amerika, Balando, Italia, Jerman, Irish, Denmark dan Polandia dalam usaho Ambo. Kini kawan sakarajo ambo urang Cino, Australia, New Zealand, nan datang jo ilmu dan sumber nan indak ambo miliki untuak mambantu mangarajokan tugas ambo, dan ambo sanang dan batarimo kasih untuak itu. Kok awak, dek karano bangih, manampa adiak jo dunsanak sandiri nan punyo ilimu nan samo hebatnyo jo urang nan paralu awak bayia tu, padahal dansanak ko ingin mambantu. Nah itu namonyo .....         Manjawab pertanyaan ajo buyuang ka urang Minang modern, nan urang minang itu dalam kamus ambo adolah urang minang, nan maraso urang Minang dan mancintoi ranah Minang, indak paduli inyo jadi urang Arab (ambo ado pulo sakaluarga nan timbua kararno mamak mande ambo dulu marantau ka Arab Saudi dan baranak pinak disitu. Kini generasi ka ampek bakarajo salamo musim haji jadi syeih - super market pado musim biaso, tapi bapaknyo - kato inyo pernah manjadi kapalo polisi koa Makah wukatu itu) tapi inyo tatap dunsanak ambo, uraang Minang. Baitu pulo nan di Malaysia. Manuruit Betheny Group, di nagari Sambilan ado 400.000 urang Minang, dan banyak nan manjadi penjabat di Pemerintahan. Anak etek ambo manjadi Dirjen Pendidikan, kini pakai gala Datuk Tan Sri. Siapo barani mangatokan inyo indak urang Minang, batinju awak buliah kalau itu dilakukan. Nasehat ambo nan memang alah tuo ko, kalau ka berang. berang sajolah tapi jan mengecek baserak-serak, dan walau berang tatap pakai pikiran suapyo indak manyasa di balakang hari. Ba-atu dunsanak GM?         Nan sabannanyo manurut undang-undang nan malindungi Min.Inc, siapo sajo buliah manjadi anggotanyo. Tapi kalau inyo indak mamegang passport RI lai, catat sajo keterangan tu, duduakkan dibiliak suwok, sadangkan nan masih mamakai passport RI masuak ka biliak kida. Tapi kaduo biliak tu berhak bakarajo jo tingga dirumah nan samo, dan indak buliah dibedakan perlakuan ka inyo. Itu kan biaso di dalam rumah gadang. Kini mangapo awak mampasorakkan hal itu? Manapuak ayia di dulang tu mah. Jadi sakali lai untuak ajo Buyuang, saluruh urang Minang, katurunan atau asli, atau nan maraso urang Minang berhak masuak di Min.Inc. Itulah sababnyo namonyo Minang Incorporated, Minang nan disatukan. Semoga jawaban iko mamuaskan, tapi karano dek manjawabnyo panjang bana, mintak maaf  kalau ado suduik nan malukoi. Ambo tahu diri ....                  Untuak dunsanak GM dan Herman Munaf, kalau membutuhkan manuscript rencana kerja strategis 25 tahun nan kami berui judul: Menggalang Upaya pemberdayaan Masyarakat Minang sebagai Center of Excellence masa depan (mambangkikkan batang nan tarandam) bulaih minta ka mak Darul Makmur atau Ronal, atau kalau ingin hard copynyo (sudah sangat terbatas)  dapek diambiak dirumah ambo di Jl. Walang Baru VII A No. 7, Jakarta 14260.   Maaf dan semoga Allah melindungi kita dan menunjukkan jalan yang lurus, Amin   Billahi taufiq wal hidayah, Wassalammualaikum Wr. Wb   M.C. Baridjambek Phone : 021.430.6813 - Fax & Voice mail: 021.430.6811 Cellullar : 081.185.9203   S       ----- Original Message ----- From: GM To: [EMAIL PROTECTED] Cc: [EMAIL PROTECTED] Sent: Saturday, September 21, 2002 10:02 AM Subject: Re: [RN-Ekonomi] [RantauNet.Com] Minang Inc. Assalamualaikum,   Dunsanak Herman, menurut pengamatan saya jilid pertama dari wellcome In  Minang Incorporated dari pak Baridjambek, tampaknya berusaha untuk masuk ke rantaunet.com, tapi mungkin karena ada kesalahan teknis tidak berhasil. Menurut pengamatan saya lagi, pak Baridjambek tidak mau bersusah payah untuk mengulang posting atau minimal berusaha bertanya kepada administrator RN, apa gerangan posting beliau tidak bisa masuk RN. Selanjutnya, seperti kita lihat,  beliau hanya memilih untuk posting di RN ekonomi dan beberapa orang yang tampaknya beliau kenal dengan baik.   Karena saya memang GR dari sononya, belum apa-apa sudah merasa memiliki Minang Inc, walau dan  pedehel belum bayar iyuran simpanan pokok dan simpanan wajib, akan saya bantu pak Baridjambek menyebarkan Wellcome In Minang Incorparated yang sampai Sabtu 21 September 02 sudah sampai di jilid 4.   Kepada dunsanak yang ingin bergabung dengan Minang Inc, agar mempelajari dengan cermat tulisan2 pak Baridjambek. Kalau bisa agar lebih proaktif dan tidak hanya menunggu informasi satu arah. Minang Inc tampaknya menawarkan diri sebagai kendaraan berjuta impian untuk membuat Minangkabau sebagai the center of excelence. Sebuah ide yang sangat bagus! Tapi  bagaimanapun didalamnya ada UUD (ujung2nya duit) dan hingga hari hari ini belum pernah terdengar kabar kalau duit punya saudara.....   Wassalam,   GM   ----- Original Message ----- From: mandangkandis To: [EMAIL PROTECTED] Sent: Saturday, September 21, 2002 12:36 AM Subject: [RantauNet.Com] Minang Inc. Assalamualaikum wr.wb. Niniak mamak, cadiak pandai, bundo kanduang, sanak dan sudaro sadonyo, Alhamdulillah, Minang Inc. sudah berbentuk badan hukum dalam bentuk koperasi, surat Menkop. No. 255/BH/MENEG.I/IX/2002 pada tanggal 2 septemeber 2002. Kita tahu bersama kelahirannya memang dari rantaunet.com, khususnya bilik diskusi Ekonomi. Sedangkan bilik diskusi lainnya, seperti pendidikan, potensi, sosbud, dll. belum dianggap berperan.  Hal ini masih tampak dari perjalanan Minang Inc. yang selalu dibahas dan didiskusikan dalam bilik ekonomi, dan bukannya milis rantaunet.com, misalnya. Harus disadari bahwa Minang Inc. berasal dari, untuk dan oleh anggota, yang tidak hanya terdapat dalam bilik ekonomi. Mohon informasi seputar Minang Inc. disebar luaskan lewat milis yang tepat. Kalau memang kita berkeinginan Minang Inc. dimiliki warga rantaunet, perluas informasi; jangan dipersempit. Kita katakan kepada warga rantaunet "selamat datang di Minang Inc." salam dan maaf, Herman Munaf yang masih belajar