Assalamu'alaikum Wr..Wb
Sato sakaki tantang film duo datuak iko, tapi sabalunyo untuk uni
nila lai ado urang cupak dipalanta ko mah :), ambo dari cupak juo
tapeknyo di sei rotan dan rumah ambo sajajar dengan rumah gadang "inyia
dari" duo atau tigo rumah sabalun tang aie (sungai) atau koq susah bana
cari sei heler atau oto kasihan basamo dicupak :), Salam kenal dari
urang cupak ni dan lai iyo sadang taragak bana pulang kampung ko mah.
Tantang film duo datuak itu, Iyo dari patamo mandanga saluangnyo
deh iyo saraso tibo dirumah dan lapeh salero bana. Tapi koq ambo iyo
ingin juo mensikapi dari sisi nan lain dek nan tampak dari film duo
datuak nan dikatangahan iyo kritik hangat nan disampaikan lewat guyon.
Ijan juo awak bangih dan berang langsuang ambiak sei lah sisi positifnyo
walaupun iyo agak tabedo nagari awak dibueknyo tapi insya allah
urang-urang nan mancaliek lai ngarati, Ijan juo beko awak tatuik bana
dari kritik nan datang ka nagari awak.
Ambo sei tagalak baa juo kusia bendi (ferari) barubah sei langsung
jadi niniak mamak :) dan dimaa pulo ado urang ka maminang disambut
dengan dendang bukan dengan pantun di Ranah Minang? Dan juo lai
datuak-datuak awak indak ado nan babini 5 dan 7 tapi ijan juo awak
manutuik mato koq ado hal sarupo itu tajadi mungkin ? (tanyokanlah ka
hati nurani surang-surang)lai ado indak ??, Dari nan salah awak tau
haruih babuek apo dek dengan baitu awak cubo peloi nan indak luruih itu.
Awak caliek sei dulu film tu sampai akhir episode nyo ijan tagageh
bana melakukan stempel :) awak kan lai urang minang nan tanang katiko
melihat permasalahan dek wakatu ambo batanyo ka mamak ambo tantang
"tahimpik nak diateih dan takuruang nak dilua" apo tu aratinyo nan liau
keceian makna dari itu iyolah "urang awak katiko ado masalah haruih
sanggup tagak dilua dan mancaliek sarato patuik-patuik masalah dengan
tanang indak jo emasi, baru satalah ngarati ikuik sato maluruihkan"
makonyo tahimpik nak diateih dan takurung nak dilua dek indak namuah mam
pagadangkan emosi. Cubolah ambo tanyoan jo urang nan lain, lai iyo itu
maknanyo ajo buyung (walinagari mersaile ?) atau batanyo juo kemenakan
ka sutan rumah panjang dilutuik singgalang, Baa uda adyan ?? dan sato
juo ninik mamak nan lain :). Iyolah itu dulu email ambo kini
Wassalam
RNDHA (Urang Cupak)
Assalamu'alaikum Wr. Wb.
Partamo mandanga saluangnyo, iyo tagak talingo awak di
bueknyo, raso di kampuang bana. Lah di caliak jalan
caritonyo, ondeh mak, iyo koh ado datuak macam tu di
nagari awak. Tasingguang tali raso awak dinyo. Raso di
jantiak talingo awak mancaliaknyo. Kaluakanlah suaro
tu sanak, bia urang tahu indak macam tu datuak nan ado
di nagari awak. Lai urang nan baradaik nan jadi datuak
<<<<<<<<di kuduang>>>>>>>>>>>>>
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Tanpa mengembalikan KETERANGAN PENDAFTAR ketika subscribe,
anda tidak dapat posting ke Palanta RantauNet ini.
Mendaftar atau berhenti menerima RantauNet Mailing List di:
http://www.rantaunet.com/subscribe.php3
===============================================
