Mambaco tulisan kristenisasi di milis ko, awak jadi ingek ka kampuang ayah dari anak - anak awak, kayu sabatang labuan balai salasa. Kiro - kiro tigo (3) bulan nan lalu, didaerah Kambang tapek nyo di Tarok ado pangajian macam tu. Nan di carinyo bukan sajo urang nan jauah dari surau, tapi urang nan acok ka surau pun di cubonyo. Ado nan di agiah bareh, atau kaparaluan dapua nan lain, bahkan nan bisa mambaok urang limo (5) atau anam (5) urang ka pangajian nan sasek tu di agiah pitih Rp.400.000 satiok bulan. Alhamdulillah lai banyak juo nan kuek agamonyo di daerah tu, jadinyo satiok pangajian nan katahuan dek masyarakaik di situ di gaduah taruih. Kabanyo sabulan nan lalu alah ado dari pemerintah/departemen agama nan tajun lansuang mancaliak bana indaknyo. Pun lah di ambiak tindakan untuak mambaliakkan sanak awak nan hampia tasasek tu ka jalan nan bana. Tapi tantu iyo indak bisa di sulap, jo lambek laun sadang di cubo dek masyarakat jo urang dari pemerintah di daerah tu kini.
Itu kaba terakhir nan baru awak punyo. Tantu awak baharok sagalonyo bisa baliak ka nan bana Qur'anulkarim. Jikok di pikie - pikie, mungkin iyo ekonomi nan lamah nan bisa mambuek urang manjua agamonyo. Bisa awak caliak contoh nan ado banyak di pulau jawa, di daerah Gunung Kidul misalnyo. Dek susah mancari makan, urang tu namuah sajo manuka agamonyo jo saliter bareh atau sakardus mie instant. Apo nan bisa awak pabuek sabek sagalonyo iyo babaliek ka diri awak surang. Bana nan sanak katokan, pagalah anak kamanakan awak jo akidah dan akhlaq nan islami, itu nan paliang dakek ka awak. Saitu sajo dari awak nyo sanak. talabiah takurang bakarilaan awak. Wassalamu'alaikum. __________________________________________________ Do you Yahoo!? New DSL Internet Access from SBC & Yahoo! http://sbc.yahoo.com RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
