Assalamualaikum Wr...Wb Sabuliah pintak kami sarato haromaik dipabanyakkan Kepado Niniak jo Mamak Salam jo maaf dihimpunkan Kato bajawab gayung basambuik .
Alhamdullilah alah tibo juo walanagari parancih dan sutan rumah panjang ditangah rumah dan semoga bulieh kaji kemenakan ba lanjuik yo :). Kini iyo awak samo-samo ngarati alah tajadi banyak perubahan pemahaman diadat nan basandi syarak dan syarak basandi kitabullah, Sarupo apo nan ado didialog film dua datuak tu " tapi lai adat basandi syarak tapi judi lai jalan taruih" kalou nio jujur awak, kan iyo lai tajadi tu dikampung awak ? dan mungkin banyak lai nan alun muncua dipermukaan tentang pemahaman nan alah salah diaplikasikan oleh awak-awak nan jadi generasi kini. Bukti nyatanyo awak mudah emosi koq jati diri awak disinggung tapi awak manatuik mato nan tajadi dimuko kepalo. Manuruik ambo sikap awak nan sarupo itu iyo alah jauh lari dari urang-urang saisuak nan sangek fakih dan paham akan adaik dek itu tacaliek dari "Duduak surang basampik-sampik Duduak basamo balapang-lapang" Koq ambo cubo talaah, apo lai sarupo iko "Koq awak hiduik surang iyo awak akan suliek dek indak ado nan mambantu tapi koq awak hiduik basamo-samo insya allah sado masalah salasai"?? jadi urang saisuak nan fakih akan adaik pasti indak pernah manaruh tempurung diateih kapalonyo, indak mudah marah koq di kritik dek dengan baitu awak bisa ngarati dimaa salahnyo dan maju untuk manaruko maso nan ka tibo , Lai iyo alah bana tu kaji nyo mamak sutan rumah panjang dan ajo buyung sarato ninik mamak lainnyo ? maju juolah mamak st bagindo nagari bia rami rumah gadang awak. **Sutan rumah panjang wrote*** Mungkin istilah-istilah sarupo itu, tamasuak istilah 'titian biaso lapuak', papek di lua runciang di dalam', 'tunjuak luruih kalingkiang bakaik', dan juo stigma 'padang bengkok', adolah point-point nan paralu sangaik dijadikan bahan introspeksi untuak kaelokan awak juo. ****************************dikaji lah mamak***************************** Ambo iyo takuik koq mancubo manyalahkan stigma nan diateih itu dek urang awak pantang bana disalahkan. Tapi tentunyo haruih ado juo kato putuih dalam melihat sudut pandang stigma tu dan apo solusi nan rancak untuk melakukan perubahan ?? cubo tarangkanlah stek arati dari stigma-stigma tu mamak sutan rumah panjang dan ninik mamak lainnyo, batanyo ko mah kemenakan. Jadi ka muko iyo kalou bisa urang minang tu saroman keceik urang cupak "Saciok bak ayam Sadancing bak basi" nan bararti awak iyo haruih saiyo sakato dalam mamagang taguih adaik awak nan basandi syarak jo kitabullah tu, jadi koq beko-beko generasi minang ka muko itu lai sanggup tandang ka muko baik surang-surang maupun basamo-samo. Cubolah mamak sutan rumah panjang maurai apo nan kurang digenerasi nan kini dibanding generasi nan lalu-lalu dijamannyo mamak Hamka,Hatta dan lainnyo. Wassalam Adyan Kemenakan (urang cupak) > Masih a- > da versi lain nan agak ekstrim sebagai sindiran ka sifat rang Minang,ti- > dak kasodonyo doh,sifat cudia,nan lari dari raso kebersamaan dan persatu > an,ingin salamat sandiri.Urang disuruahnyo maju,ybs.malah mundur mancari > jalan utuak mandok(lari). Tadinyo ambo ingin mananggapi positif tasiran mamak Ronal ko tantang istilah 'takuruang nak di lua' ko. Mungkin iyo itu aratinyo, tapi mambaco posting Ajo Buyuang dari Parancih, iyo tabik pulo ragu di nyo. Mungkin istilah-istilah sarupo itu, tamasuak istilah 'titian biaso lapuak', 'papek di lua runciang di dalam', 'tunjuak luruih kalingkiang bakaik', dan juo stigma 'padang bengkok', adolah point-point nan paralu sangaik dijadikan bahan introspeksi untuak kaelokan awak juo. Tatapi pulo, takacuali stigma 'padang bengkok', sipaik-sipaik tak elok nan di ateh tu adolah juo sifat nan marupokan kalamahan manusia saluruhnyo.. indak urang awak sajo do, walaupun istilahnyo ado di awak. Baa tu Mak Zubir? Wassalam Adyan > Cubolah inokkan bana,kato-kato tu,dimalo urang nan > sadang tahimpik basamo,antah inyo dibawah,ditangah,eh ybs.ingin dia > teh sagalo urang nan tahimpik tu,mangaliciak dan lari dari kebersamaan > dalam kesulitan dan kesengsaraan.Awak lah takuruang basamo,eeh ado kawan > nan ingin barado dilua,dima latak solidaritas perkawanan dan pertemanan, > apo itu ndak cudia namonyotu.Jadi marilah jujur dalam mengartikan sesua- > tu nan manyangkuik baik adat,agamo atau kebiasaan hiduik rang Minang.Be- > rilah rang mudo-mudo kito ko dengan penjelasan nan logis tentang adat is > tiadat,patatah patitih.Mari kito katakan nan bana walaupun pahit diraso- > kan secaro kebiasaan tingkah korenah rang awak Minang.Marilah biasokan > hidup dalam perbedaan,baik alam insani ataupun alam nutural semua diben- > tuk dalam hakiki perbedaan.Resapilah sendiri dengan kepala dingin dan pi > kiran nan tanang. RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
