Assalamualaikum Wr, Wb. Semoga Ajo buyuang jo keluarga selalu mandapek rahmat dan lindungan dari Allah. Amin.... Ambo tertarik jo kutipan ajo berikut iko : "Kalau jo Buyuang lain pulo ranu ngannyo di pagi hari ini waktu Marseille, sambia minum kopi Muaro Labuah, cuma ndak ado bika Piaman"
Tentang kopi Muaro Labuah, apo ajo buyuang slalu mandapek kiriman dari dunsanak dikampuang????, apokah kopi tersebut alah di perjual belikan di marseile sana, kalau dujua urang kopi tsb disinan, ambo sebagai urang asli Muaro Labuah tentu ikuik sanang saketek, kalau bisa ditingkatkan pengembangannyo. Kalau tentang Silek awak alah Punah????? indak juo do ajo, lai ado juo perguruan2 silek nan terkenal dikampuang awak, tapi caronyo yo ndak sarupo ajo buyuang wakatu mudo dulu lai do, ambo masih ingek samaso ambo barumua 3-4 taun dulu, kebetulan gaek (kakek) ambo salah surang guru silek, yang mano murid baliu wakatu baliau masih kuek sampai 40 urang. Wakatu itu kalau balatiah, yo ndak buliah bagarah2, bamain2, harus serius supayo bisa manjadi pasilek nan tangguah, kalau dipikia2 zaman kini, awak buliah picayo buliah ndak bahwa untuak jadi murid silek maso itu dicaliah dari persyaratanyo yo tagak bulu kuduak deknyo Jo, ba'a kok indak??? syaratnyoitu adolah kain kafan, disampiang pisau balati, ayam, bareh sarato karambia (untuak keperluan mendoa) untuak pengaangkatan sebagai murid. Jadi singkeknyo... awak harus alah rela mati, seandainyo untuang awak lain dalam latian. Dari carito anduang (nenek) ambo wakatu itu, untuak murid2 nan alah salasai baguru, ma'ambiak keputusannyo (Uji terakhir) lawan main adolah harimau, manuruik anduang ambo, harimauko adolah kawan baik gaek ambo. (Allahualam antah iyo antah indak, tapi itulah carito anduang ambo dimaso ambo ketek2 dulu). Tentang ambiak keputusan ko, ambo kabatanyo ka angku2 jo mamak, tarutamo mamak ABP jo mamak Adyan, gimano tuh mak, pernah mandanga ndak??????? Alhamdulillah...... Diwakatu anak2 gaek ambo alah bakaluarga, beliau maninggakan ilmu2 baliau nan bertentangan jo islam, baliau ndak namuo lai maangkek murid, sampai beliau maningga diawal2 taun 80an. Mungkin ado angku2 nan kenal jo gaek2 ambo??? dari sunagi pagu (muaro labuah) 1. Angku Yatim, bapak dari amak ambo (gaek) 2. Wali Salam, Dt. Bando Labiah, kakak anduang ambo (gaek juo) 3. Sadar Bagak, adiak angku yatim, (gaek ambo juo) Katigo urang diateh adolah guru2 silek nan cukuik dihormati dikampuang ambo dulu. Ajo Buyuang....... kama larinyo carito ambo koha...... Tapi bialah, lah lamo ambo ndak mengenang baliau2 tumah. Saitu dulu lah, Wassalam masuak ----- Original Message ----- From: "Zubir Amin" <[EMAIL PROTECTED]> To: <[EMAIL PROTECTED]>; <[EMAIL PROTECTED]> Cc: <[EMAIL PROTECTED]>; <[EMAIL PROTECTED]> Sent: Friday, September 27, 2002 1:27 PM Subject: [RantauNet.Com] Silek Minang PUNAH? > > > Assalamualaikum wr.wb.Semoga sagalo dunsanak,adidunsanak,karib ki- > rabaik,kakak,adiak,kamanakan,cucu baik nan ado di ranah Minang,di > parantauan di lua Minang,juo nan ado di mancanegara;selalu berada > dalam kandungan Iman dan Islam,dan sehat2 selalu.Amin,3x. > > Kalau Bu Hayatun Nismah Rumzy,Bundo Kito,kapatangko malewakan soal > sinetron"Duo Datuak" nan dicaliak beliau di layar TV nan tayangan itu cu > kuik manggalitiak parasoan nan bagala Datuak,nan konon kabanyo manuruik > sinetron itu,banyak bini,beliau menghimbau ka rang palanta ini,akankah > "diperdiarkan" saja carito sinetron itu?.Kalau jo Buyuang lain pulo ranu > ngannyo di pagi hari ini waktu Marseille,sambia minum kopi Muaro Labuah, > cuma ndak ado bika Piaman,baa kini perkembangan silek,ilmu beladiri Mi- > nang nan tamusahua ka saantero dunia dulu,labiah-labiah sajak dipopuler- > kan oleh aktor Bambang Hermanto,sebagai pendekar Minang,dalam film Hari-mau > Campa.Kemashuran silek Minang ini juga diperkenalkan oleh beberapa > jemaah haji dari Minang,dulu,nan tapaso bajalan kaki atau naik unto,dari > Jeddah ke Madinah.Rombongan kafilah ini tidak jarang mendapat serangan > dari perampok,kebanyakan kabanyo dari suku Baduy(wi);disitulah tampil si > pandeka Minang membela keamanan kafilah itu. > > Lalu duo tahun nan lalu,jo Buyuang pulang kampuang,mancaliak ranah > tampek lahia,manyilau pusaro ayah kanduang dan sanak famili sarato rang > kampuang,onde baralah kalamaknyo duduak mancangkuang diateh palanta ke- > dai kopi sambia makan goreang pisang,galak jo tawa sasamo gadang nan di > tingkahé dek nan mudo-mudo,lupo nan bahaso diri alah tuo.Sambia jalan pu > lang dari lapau makai tarompa"keletek",basobok jo anak mudo pakai sarawa > gadembong hitam,pakai deta malilik kapalo,basah kuyuik badané dek paluah > ruponyo inyo baru salasai dari"sasaran",tampek balatiah silek. > > Takana wakatu ketek-ketek dulu,kakak maa ja "malangkah" dalam olah > kanugaran ini,dalam medan nan tersembunyi dan kawan balatiah nan sangat > pilihan(terbatas).Apakah masih cara seperti itu jua ilmu silek ini diaja > kan ke nan mudo-mudo kini.Tasirok darah jo Buyuang wakatu dikampuang tu, > kecek dunsanak,hampia indak ado lai pandeka silek nan buliah dikatangah > kankini Yuang,anak-anak mudo labiah tatariak ka silek Japang.Ondeh mak, > akankah mengalami kepunahan pula ilmu silek Minang ini di Minang? > > Para sanak rang palanta RN terutamo nan ado di ranah Minang dan dlm. > negeri.Keadaan sasaran silek dan para peminatnya sepeerti nan jo Buyuang > sabuik di kampuang itu,hampir marato di seluruh ranah Minang.Pan > deka-pandeka gadang baik nan di Lintau,Pikumbuah,Sijunjuang,Solok,Batu > sangka,Pasaman dan Piaman,alah ndak ado lai.Nan tingga kini hanyo bungo > bungo silek nan indak merupakan INTI ilmu persilatan Minang.Barangkali > mungkin masih ado pandeka-pandeka tuo nan hiduik dikampuangg awak kini, > cubolah manggali baliak dari beliau tu.Sangat disayangkan sekali kalau > ilmu bela diri silek Minang ini sampai punah.Silek ini merupakan salah > satu jati diri rang Minangkabau. > > Ciek nan paralu bana dihinokkan dek para pandeka silek,rubahlah piki > ran dan perluas cakrawala serta wawasan dalam mengajarkan ilmu silek ini > Jadikan silek ini dalam bentuak kelompok massal,ndak paralu dipisahkan > pasilek padusi dan laki-laki.Tampeknyo jan tasambunyi,disuduik-suduik ta > biang,dalam rimbo nan tatutuik,adokan sasaran khusus di ruang nan tabuka > kalau paralu pakai AC.Mengenai pelatih(guru silek),carilah di pusat-pu- > sat silek Minang dulu,di daerah Lintau,Sumpur Kudus,Piaman,Sikapak,Ulak- > an,Kudu dan Padang Alai,mungkin Malalak,Baruah dan Bayang di Pessel,pen > deknyo dima sajo nan masih ado pendeka tuo.Kalau paralu rekamlah sagalo > gerak silek itu baik nan kembangan atau inti silek itu sendiri dalam vi > deo atau CD.Kok kini kito basitungkiang menghadapi galodo ekonomi,jan pu > lo lupo akan galodo nan lah membudaya di Minang akan ilmu bela diri "ma- > de in Japang",nan alah mangalahkan posisi silek Minang.Risau hati jo Bu- > yuang komah sanak.Semoga renungan minum kopi itu cuma khayalan.Semoga. > > > _________________________________________________________________ > Join the world’s largest e-mail service with MSN Hotmail. > http://www.hotmail.com > > > RantauNet http://www.rantaunet.com > Isikan data keanggotaan anda di http://www.rantaunet.com/register.php3 > =============================================== > Tanpa mengembalikan KETERANGAN PENDAFTAR ketika subscribe, > anda tidak dapat posting ke Palanta RantauNet ini. > > Mendaftar atau berhenti menerima RantauNet Mailing List di: http://www.rantaunet.com/subscribe.php3 > =============================================== RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
