Assalamu'alaikum Wr...Wb...
Sanak Ronal/moderator, baa
caro mandapek-an list anggota RN ko nan isinyo kiro-kiro namo, imel, jk,
umua/tgl lahia, tampek tingga (kalau bisa langkok), telep, jo nan lain-lain
kalau paralu. Nan alun ado datanyo sarupo rarachm nan alun jaleh jk-nyo
tantunyo indak usah ditulih jk-nyo di list tu sanak, cukuik nan alah ado sajo.
Sababnyo ambo mananyokan iko adolah bia anggota RN kasadonyo indak salah
sabuik ka nan lain. Contoh nan paliang dakek ko ah sanak : Pak Iswandri salah
sabuik ka Ibuk Zur, atau ambo nan baru di siko indak tau ka maimbau apo ka
sanak Ronal ko, ba-Adiak, ba-Uda, atau ba-A?
Kalau ado acara awak-awak
sasamo urang awak ko, kalau awak ado list-nyo tu, insya Allah nan
dakek-dakek bisa lah saliang mangundang. Kalau bisa, awak kumpuakanlah
data-data dunsanak nan ado di RN ko, awak buek list-nyo. Atau kalau alah ado,
tolonglah di-publish sakali-sakali kalau ado update-nyo. Bantuaknyo
tasarahlah, bisa Excel atau bisa sajo text file mantah. Bia kami-kami nan baru
ko bisa manyabuik nan patuik ka nan lainnyo ... baa tu apak, ibuk, mamak,
etek, uda, adiak, dunsanak kasadonyo ?
Itu sajo nan ambo tanyokan,
semoga bamanfaat.
Wassalam,
Delfiar
