Ma sagalo adidunsanak jo anak kamanakan di salapan pinjuru angin, Assalamu 'alaikum wr. wb.
Indak diatok dibilang gala, sapapeknyolah ambo maantakan ucapan tarimo kasih nan sagadang-gadangnyo ka sagalo adidunsanak jo anak kamanakan nan lah manyampaikan ucapan simpati jo balasuangkawa ka ambo sakaluarga, baiak malalui imel maupun SMS dan khusus Mak Ngah Sjamsir Sjarif nan manelepon khusus dari Santa Cruz, California, ateh berpulangnya anak kami: LUSI VICTORIA ESYA, mahasiswa pasca sarjana Institut Pertanian Bogor nan sadang manyalasaian studi S3nyo di bidang biomolekuler, dalam usia 33 tahun dan maninggaan suami dan sapasang anak, nan gadang kelas 3 SD dan nan ketek, cewek, baru baumua 3,5 tahun. Almarhumah maningga di RSUP Bukiktinggi pukua 05.44, ari Salasa, 3 Desember 2002 sasudah menderita serangan gangguan syaraf otak, partamo sakali bulan April 2002 nan mangakibatkan kalumpuhan di tangan dan kaki bahagian kida. Sabulan sudah tu lumpuahnyo cegak, tapi mentalnya jadi terkebelakang, dan ari Sabtu 23 Nopember manyusul serangan kaduo nan malumpuahkan bahagian kanan dan alat bicara dan dilarikan ke RSUP BT. Mulai Sabtu 30 Nop, mulai kahilangan kesadaran sampai almarhumah menutup hayatnya. Semoga ucapan simpati dan belasungkawa sagalo adidunsanak jo anak kamanakan jadi amal ibadah lah handaknyo, dan kok ado diantaro sagalo adidunsanak jo anak kamanakan nan bakatauan jo almarhumah nan alumni SMA 1 BT tamatan tahun 1988, alumni Fakultas Pertanian Jur. Agronomi muloi dari S1 sampai S2, mohonlah almarhumah dibari maaf kok ado kato jo tingkah nan indak pado tampaiknyo, nak luruih jalan almarhumah manuju Khaliknyo. Ateh namo almarhumah, ambo jo sado kaluarga ahli baitnyo, lah talabiah dahulu mamaafkan sagalo adidunsanak jo anak kamanakan, kok ado pulo sasuatu nan manyakikan ati almarhumah. Wabillahi taufiq walhidayah. Wassalamu 'alaikum wr.wb. Papa almarhumah Sjamsir Alam St. Nan Sati Jl. Sitawa 25, Tabiang, Padang / Jalan Anggur 1A Bukiktinggi RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
