Asslamu�alaikum warahmatullahi wabarakatuh. Bapak-bapak, mamak dan saudaro nan tagabuang di rantau-net go, ditangah banyakno persoalan yang muncul dipalanta awak go ambo akan mancubo bacarito tantang persoalan lain yaitu baa perkembangan sikola awak kini MST (Sumatera Thawalib Parabek). Sekolah sumatera Thawalib adolah sekolah kabanggaan urang Sumatera Barat atupun urang Sumater pado dulunno, sahinggo namo sekolah go sampai harum kanagari tetangga sarupo malaysia dll . kini sekolah parabek mambuek program MBT ( mambangkik batang tarandam ) artino kejayaan dan perjuangan syekh-syekh saisuak kito bangkik dan kito kambangkan baliak. Alhamdulillah barakaik dorongan dan paratian urang awak baiak nan barado dikampuang atau nan barado diparantauan, sajak 3 tahun kamari kito alah mambenahi sistem pelaksanaan kagiatan baraja dan maaja, disiplin kito tagakkan, krikulum kito rancang secermat mungkin dan mudah dipahami, guru-guru kito benahi sahinggo guru guru yang kito cari adolah guru nan batua-batua ahli dibidangno dan batua-batua mahibahkan wakatuno di Parabek dengan adono disiplin yang mantap sarato guru nan tatauk seluruh jam nan ado dapek tarisi sahinggo indak ado istilah anak indak baraja atau anak capek pulang.
Sasudah mambenahi disiplin kito baranjak maningkekan mutu madrasah dengan adono nilai plus dari program nan dijalankan antaro lain : 1. anak-anak sekolah parabek alah mampunyoi keterampilan duo bahaso yaitu bahaso arab dan bahaso Inggris. 2. Kemampuan mambaco kitab kuning atau kitab nan indak ado barihno. 3. Menguasai ilmu alaik sarupo nahu saraf, ushul, balaghah , manthiq dan lain-lainno 4. Kamampuan khutbah dan imam. 5. Kamapuan manjadi guru, karano sabahagian gadang anak anak awak nan kelas tigo, ampek, limo dan anam alah manjadi pengelola MDA dikampuang no masiang-masiang. 6. Disampiang itu ada pulo keterampilan keterampilan lainno komputer, menjahit, bordir, basilek, dan lain-lainno. Kami sangai arok bana dukungan dan do�a dari bapak/Ibuk/Mamak/Sdr untuk kemajuan Sekolah nan bersejarah dan punyo namo ko, mudah-mudahan maso nan akan datang sekolah nan manjadi kabanggaan kito ko dapek bakambang taruh sampai katingkek Nasional sarupo pado maso yang lalu. Kalau indak mambarek an ka Bapak/Ibuk/Mamak/Sdr dan tagabuang dirantau-net go kami akan maagiahkan barito barito nan tabaru tantang jalanno sekolah awak go maaf banyak-banyak kalau ado nan salah Wassalam Deswandi __________________________________________________ Do you Yahoo!? Yahoo! Mail Plus - Powerful. Affordable. Sign up now. http://mailplus.yahoo.com RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
