Ma sagalo adidunsanak jo anak kamanakan di salapan pinjuru angin, Assalamu 'alaikum wr. wb.
Sairiang jo dantiang jam 00.00, 1 Jan. 2003, kami di tanah aia musti mambaia talepon 1/3 labiah tinggi dari sabalunnyo. Kini pulsa lokal lah manjadi ampia 300 rp (270 rp + PPN 10%) dari sabalunnyo nan cuma lk. 200 rp. Dan kalau saisuak 1 pulsa 3 minik salamo 24 jam, sajak taun nan lalu kalau indak salah, 1 pulsa = 3 minik cuma kutiko kami lah lalok, dari pukua 6 sp 8 pagi jadi 2 minik dan dari 8 sp 23 = 1 minik, dari 18 sp 23 = 2 minik. Nan tambah pusiang bainternet ria ko tantu kami nan pakai pulsa plat hitam. Apo lai mak Sati nan pansiunan, walaupun lai juo jadi kuli harian di tapi lauik Ulak Karang, namun tatap sajo basalimuik kain saruang. Jadi mak Sati manyusun jari nan sapuluah, mamintak ka sagalo adidunsanak jo anak kamanakan nan pakai internet fasilitas kantua, tolong bana baimaik mangirim posting: 1. Pakai "plain text" sajo, jan "rich text HTML". 2. Tolong teks nan indak ditanggapi dalam mareply dan ikua posting nan di bawah diapuih, supayo jan jadi posting balenggek. 3. Jan mangirim file attachment ka milis. Kok ado nan raso paralu, umumkan dulu, kirim ka nan mamaralukan sajo. Bakeh rang dapua, ambo mintak tolong mambuek sistem "non text dan file attachment" otomatis diapuih. Tolong jadikan usua ambo nan 3 ko paraturan nan indak buliah dilangga dek anggota. Mokasi banyak. Salam, mak Sati (66) Sitawa 25, Tabiang, Padang 25171 0751-51959 ; 0751- 446550; 0812 6600 639 RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================