|
Dear mak Sati,
Ambo baliek ka Jakarta hari Sabtu 22 Feb. Mohon
maaf baru kini mangabakan ka mak Sati.
Alhamdulillah keadaan ambo baik-baik sajo. Salamo
di kampuang nan tadinya rencana sampai hari Rabaa (mampir ka rumah mak
Sati Salasa malam), jadinyo bapanjang-panjang sampai hari Sabtu.
Kaba pasca "aie gadang Solok", alah ambo caritokan
ka mak Sati. Tapi ado carito-carito khusus nan ambo peroleh. Walaupun tampak
dari lua kehidupan indak susah, karano banyak rumah nan babadak atau tumbuh
rumah-rumah baru, namun banyak keluhan bahaso untuk mancari pitih 10.000-15.000
rp sahari susah bana. Apo lagi bagi nan manjua tulang lapan karek. Ambo
pakirokan masuk strata ko 20-30%. Indak salah penelitian Pak MC
Barijambek menemukan banyak bana prosentase nan putuih sikola baik di
tingkat SD, SLTP mapun di SMU.
Konon Bupati Solok mempunyai
program pemberantasan buta huruf.
Suatu contoh lagi. Dr. Rafki Ismail (kini banyak
tingga di kampuang) alah mancubo batani. Dengan pilot project 5 Ha sawah tanyato
hasilnyo cuma bisa untuk makan. Labiehnyo untuk balanjo indak ado. Sulik
bana batenggang untuk mambiayai sikola anak. Bayangkan bagi nan punyo sawah
2-3 piriang, indak pulo laweh. Sawah 3000-5000 m2 alah tamasuk laweh di kampuang
kito tu. Bayangkan lagi bagi dunsanak nan mangandalkan tulang lapan karek, biaso
kito sebut "mampaduoi sawah". Artinyo manggarap sawah urang, nanti hasilnyo
dibagi duo. Masalahnyo harga padi selalu dikontrol Pemerintah.
Kini beliau sedang merancang diversifikasi dengan
tanaman buah. Dek beliau kini manjadi ketua KAN di Muaro Paneh, program
ko ka dijadikan program nagari. Diharapkan Pemda ikut
mandukuang.
Akhirnyo ambo batarimo kasih banyak atas sambutan
mak Sati jo Ibu di rumah. Sambutan nan sangat ramah dan manghabihkan wakatu
sampai pk satangah sabaleh malam. Mudah-mudahan ota awak bisa kito sambuang
lagi, masuek ka masalah-masalah nan labih khusus.
Sekian dulu.
Salam,
Muchlis
|
