Ass. wr. wb. Sidang rantaunet nan ambo hormati. Indak tau ambo iko Barokah atau Masalah. Anak suluang Ambo, 8 taun punyo saketek kalabihan. Sajak umua 2.5 taun alah apal abjad, bisa mambaco sajak umua 3 taun. sado buku dirumah abih dibaconyo. Kini inyo bisa manjalehan tajadinyo fotosintesis, baa tajadinyo pegunungan Himalaya. Inyo bisa manjalehan secaro rinci sistem tata surya, diameter tiok planet, jarak tiok planet ka matahari. Bisa mancaritokan tajadinyo bayi, baa kok ado kamba identik, tahu tantang biology dan lainnya. Hapal sado negara dan ibukotanyo. Bisa manggambar peta buto dunia dan masih banyak nan lain. Kalo manonton Milliuner di RCTI tu inyo alah dulu manjawab sabalun pilihan jawaban kalua.
Masalahnyo, inyo jadi indak tau caro baraja, karano apo nan dibaconyo ingek taruih. Jadi aga pede, cenderung anggap sapele. Apo nan saharusnyo Ambo lakukan, mungkin adao Mamak atau dunsanak nan tau. Kini inyo duduak di kelas 2 (kelas Unggulan). Ambo tingga di Daerah Tangerang, Banten. Tarimo kasih Rahmat Maliyar Kari Mudo (39) __________________________________________________ Do you Yahoo!? Yahoo! Tax Center - forms, calculators, tips, more http://taxes.yahoo.com/ RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
