[RantauNet.Com] Garis keturunan dari ibu

[Andria Agusta]

assalamulaikum ww.   rami juo carito parang irak di palanta ko nampaknyo mah.......sambia bacarito parang nantun, rasonyo lamak pulo kito maota tantang minangkabau agak sabanta......   awak urang minang ko tamasuak suku nan unik di dunia......baa mangko sarupo itu...di maa2 di duniako kabanyakan garis keturunan barasa dari ayah atau bapak....kalo manyabuikan sukunyo...mako inyo manyabuikkan sasuku jo bapaknyo....sadangkan awak di minang....garis katurunan awak manuruik garis katurunan ibu.....apo alasannyo... marilah kito uleh pulo sangenek alasan tasabuik.....   tubuah awak ko sabananyo adolah gabungan dari unit struktural dan fungsional nan disabuik sabagai "sel". Di dalam sel di tubuah ado bagian2 nyo sarupo inti sel, cairan sel, delele. Di dalam satiok "inti sel" di dalam tubuah ado suatu informasi biologi nan disabuik "gene" yaitu kode informasi biologi untuak sagalo sasuatunyo nan tajadi di tubuah, baiak itu warna kulik, warna rambuik, gapuak atau kuruih, delele. Kode informasi ko disimpan di dalam suatu substansi kimia nan di sabuik jo "DNA". Salain dari di "inti sel" DNA ko tasimpan juo di dalam organ lainnyo di sel tubuah nan di sabuik jo "mitokondria".   nah....apo pulo hubungannyo carito "sel" tu jo masalah garih katurunan nan di pakai di minangkabau?....   wakatu apak jo mande manjalankan "tugas suci" nyo...tajadi panggabuangan antaro sel sperma dari si bapak jo sel talua dari si ibu....itu alah awak katahui basamo.......tapi wakatu sel sperma bagabuang jo sel talua tasabuik, tajadi juo panggabuangan kode informasi biologi (kode genetik) nan tasimpan di dalam DNA. Nah wakatu iko tajadi panggabuangan kode genetik 50% dari bapak dan 50% dari ibu, nan barasa dari kode genetik nan tasimpan di "DNA inti sel". Jadi baa caritonyo jo kode genetik nan tasimpan di "mitokondria" tadi.......si anak akan manarimo kode genetik nan tasimpan di "mitokondria" ko hanyo barasa dari si ibu, karano "mitokondria" dari si bapak nan tasimpan di bagian ikua sel sperma indak ikuik bagabuang wakatu tajadi pambuahan sel talua. Ikua sel sperma ko akan putuih wakatu kapalo sperma tu masuak ka dalam sel talua si ibu......   jadi kasimpulannyo....kode informasi genetik nan kito tarimo labiah banyak barasa dari mande di bandiangkan dari bapak......jadi sangat beralasan kalo awak maikuik garih katurunan dari mande awak......barangkali iko nan alah tapikia dek bundo kanduang dulu........... haaa......jaan baketek ati pulo apak2 di palanta ko.....buliah picayo buliah indak.......hehehehe......   sakitu se lu pangganti carito parang irak   wass and