Apokoh baliau ko indak bisa masuak langsuang kapalanta rantaunet,
mohon informasi !
Udazul
On Fri, 6 Jun 2003 07:32:09 +0800 FST-IAMS-Elect <[EMAIL PROTECTED]> wrote:
Dari mak Ngah Sjamsir Sjarif, rang Ampek Angkek
~ab~ ~~~~~~
-----Original Message-----
From: Sjamsir Sjarif [mailto:[EMAIL PROTECTED]
Sent: Thursday, June 05, 2003 8:53 PM
To: FST-IAMS-Elect
Cc: Sjamsir Sjarif (E-mail); Arisman Adnan (E-mail); Arisman_Adnan
(E-mail); Boes (E-mail); Boes Roestam (E-mail); Abrar YUSUF; Hayatun
Nismah Rumzy
Subject: Re: FW: [RantauNet.Com] Riwayat H. Samik Ibrahim
Maa Angku Bandaro,
Tarimo kasih untuak kiriman riwayat hiduik ko. Mudah-mudahan data itu sudah
dan paralu manjadi data dalam Sejarah Perkembangan Muhammadiayah dan Daerah
di Sumatra Barat atau Sumatera Tengah.
Mungkin banyak carito-carito dan riwayat-riwayat paribadi saroman ko nan
tasuruak dalam lingkungan keluarga atau di "tampek-tampek ijok"
(tampek-tampek lari/mandok/pangunsian kalau disarang musuah).
"Tampek-tampek Ijok" ko sabananyo gudang sejarah oral (oral history) dan
kalau distudi saacaro sistematis, mungkin banyak panaruahan sejarah nan
salamoko mungkin indak didanga dapek diuruik-uruik kalua saketek-saketek.
Tampek-tamapek Ijok ko taseba di seluruah daerah Sumatra Barat.
Tampek-tampek Ijok tu mungkin marupokan suatu tampek di suatu kampuang,
suatu nagari, atau suatu "daerah" nan indak atau jarang dijamah musuah.
Satuan-satuan Daerah Ijok nan panah tasabuik antaro lain "Daerah Agam",
"Daerah Batusangka", "Daerah Padaangpanjang", "Daerah Suliki", "Daerah
Lintau", "Daerah Solok", "Daerah Sijunjuang", "Daerah Maninjau", "Daerah
Padang/Kuranji", "Daerah Pariaman/Sungai Limau/Gasang", "Daerah Pasisia
Salatan", "Daerah Pasaman", dan lain-lain nan masih "taandok" atau
talupokan dalam sejarah. Banyak kampuang-kampuang atau nagari-nagari nan
tasabauik dalam masiang-masiang "Daerah" tu. Dari "Kampuang-Kampuang Ijok"
tu lahir Putera-putera terkenal dan sasudah "Maso Ijok" tu mandapek
pandidikan nan elok dan pada saat ko (kontemporer) taseba di dalam dan di
lua nagari.
Antaro lain-lain, silakan caliak namo-namo kampuang "Tampek Ijok" tu,
saroman Abai Sangir, Sirukam, Cupak, Sulik Aia (dari "Daerah Solok"), Koto
Tinggi, Baruah Gunuang, Mungka, Kubang, Suayan/Pauah Sangik (dari "Daerah
Suliki"}, Sumpu Kuduih, Sisawah ("Daerah Sijunjuang", Gasang ("Daerah
pariaman/Sungai Limau", Malampah, Rao, Simpang Ampek ("Daerah Pasaman"),
Banuampu, Sianok Koto Gadang, Kamang, Canduang, IV Angkek, Malalak,
maninjau, Matua/Palembayan, Kayu Pasak, Manggopoh, Batukambiang, ("Daerah
Agam") baitu antaro lain-lainnyo dan banyak lai kalau dikana-kana.
Silakan caliak atau retrospeksi misanyo latar bulakang dima
kampuang-kampuang sabananyo dari anggota-anggota awak di Lapau (Rantaunet)
sajo sabagai umpamo dalam lingkuangan ketek koito sajo. Itulah salah satu
"labo" kito di Lapau, kito dapek mancaliak kampuang-kampuang asa dari
dunsanak-dunsanak anggota kito. Kampuang-kampuang asa tu dapek dikaikkan jo
Sejarah Lokal, Regional, ataupun Nasional dan bahkan dapek dihubuangkanjo
Dunia Jagat. Di Lapau (Rantaunet) pun kito sacaro sistematis indak
malu-malu mangatangahkan dan saling maharagoi dialek-dialek kampuang kito
nan kito katangahkan sacaro fonetik. Rantaunet adolah parintih komunikasi
dalam sagalo dialek Minang dari anggotanyo nan dikatangahkan jaleh-jaleh
tatulih dan sacaro fonetik.
Sabab baitu janyo ambo, dalam era sabalun kito bukak "Lapau" ko, sabalun
kito kenal maota jo komunikasi tatulih di Lapau (Rantaunet) ko, pado
umumnyo "Urang Awak" di Rantau biasonyo manyabuikkan namo Kampuangnyo
"Bukittinggi", "Padang", "Solok", "Batusangka" "Payokumbuah" atau namo-namo
kota terkenal sajo. Rasonyo saroman "agak malu" Urang Awak tu manyabuikkan
namo-namo kampuangnyo nan "tasuruak", "agak jauah" dari Bukittinggi,
Payokumbuah, Solok, Padang, Pariaman tu. Rasonyo ado tasuruak raso kurang
kalau-kalau beko Urang Awak kok dianggap urang saroman istilah Rang Batawi
"Udik". Salah satu "Labo" dari Lapau (Rantaunet} adolah batamu di
galanggang untuk Mangumbalikan Raso Hargo Diri dalam mainok maranuangkan
Budaya Minang, "Mambangkikkan Sumangaik Budaya Minang" karano manuruik
pandangan ambo "Pusek Budaya Minangkabau" tu sabananyo "tasuruak di
Kampuang-kampuang", bukan hanyo tapampang atau takasan fenomenanyo di
daerah-daerah urban atau kota-kota tu.
Itulah dahulu sakadar tanggapan ambo untuak adidunsanak nan adang adok di
Lapau atau nan sadang "takuruang di lua Lapau".
PS. Dalam cc replai ambo, ambo tambahkan Angku Abrar di Baruah jo Rangkayo
Nismah di Batawi.
Salam, Sjamsir Sjarif Santa Cruz, California, USA
At 02:20 PM 6/5/03 +0800, FST-IAMS-Elect wrote:
=========================================================================================== "TELKOMNet Instan memberikan diskon 40% untuk akses malam hari dari pukul 23.00 sampai 06.00. Berlaku untuk wilayah Jawa Timur mulai 1 Mei 2003 sampai 30 Juni 2003." ===========================================================================================
RantauNet http://www.rantaunet.com Isikan data keanggotaan anda di http://www.rantaunet.com/daftar.php -----------------------------------------------
Berhenti menerima RantauNet Mailing List, silahkan ke: http://www.rantaunet.com/unsubscribe.php
===============================================
