Assalamualaikum wr.wb.Semoga Pak Sjamsir Sjarif
sekeluarga selalu berada dalam kandungan sehat
walafiat sajo,siang jo malam.
Agak tagalitiak pulo pinggang ambo mambaco kato
kato"ijok" nan Pak Sjamsir lewakan di RN ini.Kato2
nan comantun hanyo dimangarati dek sado� pihak nan
pernah mengalami zaman"agresi Ulando"tahun-tahun 19
47 atau 1948.Ditambah pada zaman"pemberontakan PRRI"
rang Minang,tahun 1957-1959.
Kok mancaliak ka arati nansabananyo,ijok tu kan
bakaitan jo lampu"togok"nan baminyak karambia.Kalau
minyak� hampia habih,ijoklah(reduplah)nyala apinyo.
Kalau dama(lampu togok) lah ijok tandonyo"kegelapan"
akan datang.Dalam kegelapan "semua"bisa terjadi.Da-
lam zaman Londo dulu,daerah2nan indak dikuasoi Londo
disabuik daerah "palarian" atau pengungsian atau dae
rah tampek"mandok".Daerah tampek mandok tu disabuik
juo daerah"tampek ijok".Di Kampung jo Buyuang di Pa-
dusunan,Piaman dan daerah sekitarnya,Sikapak,Tungka,
Sungai Batuang,Pakasai,Koto Marapak,Kampani,Barangan
Limau Puruik,Labuang dan Padang Kunik,itu adolah
tampek Ijok"urang" nan takuik ka ditangkok dek tanta
ra Londo atau tantara"Pusek"zaman Perek-perek.
Pak Sjamsir,ambo pernah mengalami suasano ijok tu dulu(kl baumua 7 atau 8
thn)zaman Londo dan sudah
duduak dikelas pertama SMAN Piaman zaman cilako PRRI
Jadi Pak Syamsir,Kota Piaman bukan tampek ijok.
Sungai Limau adolah tampek pelarian"sabanta",kalau
patroli Londo atau Pusek datang,urang lari cigin ka
daerah Sungai Garinggiang,Aua Malintang,Sikucua,Kudu
Sungai Batuang.Ikolah senek tambahan dari ambo.Dan
senek lai,ambo satuju jo �ndapek Pak Syamsir,mari ki
to mulai manyabuik negeri asa awak,bukan ibu kota ke
camatan atau Kapbupaten,kacuali kalau para sanak me-
mang lahia dan gadang di kota-kota itu.
Selamat sore pak Sjamsir Sjarif,selamat malam minggu.Sanak Buyuang di Marseille
nan rang Padusunan
Piaman Laweh.
RantauNet http://www.rantaunet.com
Isikan data keanggotaan anda di http://www.rantaunet.com/daftar.php
-----------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
==============================================
