Dima pulo ado karambia gadiang nan batangnyo tenggih nan sampai pulo
manyondik awan ???
Wassalam : udazul
On Thu, 29 May 2003 17:55:27 -0700 (PDT) junaidi malinbasa <[EMAIL PROTECTED]> wrote:
Manolah sagalo Niniak mamak, alim ulama, cadiak pandai, bundo kanduang
Ambo paranah mandang curito bundo kandung antah iyo antah tido
Katoko maso dahulu samusim maso dahulu Bundo Kandung mangalai di anjuang paranginan lalok sakalok barasian maminum aia kalapo gadiang nan lamak sampai ka tulang kalekno tingga dirangkungan. Adopun kalapo gadiang nantun tinggino panjek panjek-an randah no jangkau jangkau-an babuah duo di pucuak no, sataun tupai mamanjek jarang basuo jo buah-no. Tesentak bundo sakutiko, dipanggia lah salamaik panjang jangguik nan capek kaki ringan untuak mancari kalapo nantun. Barangkeklah bujang salamaik gunuang nan tinggi inyo daki,lambah nan dalam dituruni dek lamo lambek dijalan basuolah mukasuik nan dicari. Dipanjeklah batang karambia nantun dek bujang salamaik tinggino manjulang langik pucuakno manyantuah awan, sampailah bujang dipuncakno. Dek panek badan mamanjek datanglah auih sakutiko, diminumlah aia kalapo nan sabuah, sabana sanang di dalam hati tarso tanang kiro kiro. Sabuik nan jatuah ka bawah dimakan dek si Binuang, tampurung di makan si gumarang dagiang no di makan si Kinantan. Adapun buah nan ciek lai disarahkan ka bakeh bundo kanduang, sambilan bulan sapuluah hari sasudah bundo minum aia karambiah nantun lahia lah Dang Tuangku nan bagala sutan Rumanduang. Indak lamo antarano adopun bini bujang salamaik malahiakan pulo anak laki laki nan banamo cindua mato.
Jadi manuruik carito nangko dang Tuanku, cindua mato, Binuang, Gumarang dan Kinantan barasa dari kajadian nan samo
wassalam
Junaidi (37), kandang singo
_____________________________________________________________
=========================================================================================== "TELKOMNet Instan memberikan diskon 40% untuk akses malam hari dari pukul 23.00 sampai 06.00. Berlaku untuk wilayah Jawa Timur mulai 1 Mei 2003 sampai 30 Juni 2003." ===========================================================================================
RantauNet http://www.rantaunet.com Isikan data keanggotaan anda di http://www.rantaunet.com/daftar.php -----------------------------------------------
Berhenti menerima RantauNet Mailing List, silahkan ke: http://www.rantaunet.com/unsubscribe.php
===============================================
