Kpd Bundo dan majilih Rantaunet Kabanaran untuak maminang dari Stn Bandaro Labiah.
~ab~ ~~~~~~ -----Original Message----- From: hendrif hendrif [mailto:[EMAIL PROTECTED] Sent: Wednesday, June 04, 2003 9:48 AM Ass w.w. Indak tarago jo pasambahan, jo kabanaran sajo dikumbalikan bana kapado Tuan A. Bandaro. A na jadi kabanaran nan katangah di Tuan, kok bisiak alah samo kadangaran, imbau nan alah samo kalampauan, karano bapakai manuruk adaik, manjadi undang dinan tuo, kok kato iyo bajawab, nan gayuang mintak disambuk, nan isi no bana, karano alah tibo ulak jo alai dari Bundo kini tu, iyo nan kajawab kabari no bamintakkan kapado sidang maujilis nan basamo, kan itu bana isi no Tuan ? Indok doh lai, sapanjang kabanaran nan katangah di Tuan nan tun, alah taracak dalam undang, talingka dalam pusako, bapakai sungguah dalam adaik. A to no lai kini, lorng kapado kajawab kabari no, Insya Allah ambo cubo manyampaikan, karano kato surang babulek-i, kato basamo dipaiyokan, kok ambun satitiak disangko lauik, tanah sakapa disangko gunuang, barek lai kabapikua, ringan lai kabajinjiang, tapi sungguahpun baitu bana sakali, biduak dikayuah mahadang ombak, laia takambang mahadang angin, nan isi no bana, kok kurang mintak ditukuak, senteng mintak dibilai, luluh mintak disalami, hayuk nan mintak dipintehi. maklum Tuan tantang itu. ____________________________________________________________ A nan manjadi jawab kabari no adolah : Sutan ...................... Indak tarago jo pasambahan, jo kabanaran sajo disampaikan kabakeh Sutan, tapi sungguah pun Sutan surang nan taimbau, nak sarapek papek no lah jo niniak dengan mamak silang nan bapangka karajo nan bapokok, pangatuo Simabua, sarato nan punyo rumah sado mananai malatakkan iko pakarajaan Dek ado dagak jo raso, paha itikaik na dikanduang, bana diraso dalam diri, pintak nan suci banyatokan, niaik diangan nan lah lamo, cinto nan lah bamusim, Nak ingin sabatang kayu, nan tumbuah ditangah koto, urek tahujam kapitalo, pucuak malepai awan biru buah labek bungo no kambang, putiak no banyak tangkai manjulai. Takuk jo dahan nan ka rabah, kami tumpang jo galah sayuk, ragu dirantiang nan kapatah kami kabek jo banang lamo, sabab baa dek bak nan tun, payah macari ulasan galah, samak dalam biluka tajam, dibao sajo bara nan ado. Kok banag kulindam lamo, indak ado suto kaiuleh, tanti diikek jo nan lai. Munkin ado patuk pun ado, senjang diagak dalam angan, rintang dibuah nan tagantuang. Maso tak dapek ditantukan, bilo kajaleh tibo di tangan. Hanyo sakarang iko kini, mungkin kok lai dijalan nan pasa, batampuah jo cameh hati, untuang buah batampuak masak, dapek dijuluak jo di kandak. Baa toh nan kini lai, batang taguah Sutan nan punyo, dahan gadang rantiang bapac! ik, buah disinan talatak no, dari jauh kami bajalan, jalan bakelok nan ditampuah, sampai karumah kini nagko, niaik nan suci bapasangkan, jikok sarupo ameh puro, kami baniaik mangandakkan, ka pamenan hiduk didunia, pamenan mato salamo no, ka junjuang jikok ka akhiraik, nan isi no bana, kami mamintak anak kamanakan Sutan ..... (si .....) nak dipatamukan jo ana kamanakan kami ( si ....), untung jodoh nak batamu. Itulah pintak pinto kami, pintak nak no buliah, kandak nak no balaku, kabua dek Sutan lah handak no. sado sakitu lah kabanaran kabakeh Sutan ..... _______________________________________________________ Note : kalau jo kabanaran lai indak panjang bana doh, tapi kalau jo pasambahan baborai, ito panjang, ado nan mangaji asa dulu, ditambah pulo jo sajarah lahia no nan pihak padusi sampai no gadang. paralu juo, awak samo kaatahui, karano adaik salingka nagari mangko pihak nan maminang ko ado pulo dipihak nan laki-laki. papatah mangatokan : Sia nan ka manjalo, ano harus barani turun Sakitulah nan dapek ambo sampaikan, untuang ado paguno no. Jan lupo Tuan sarato Sidang RN untuak manukuak tambah no. Wass. SBL ============== -----Original Message----- From: Hayatun Nismah Rumzy [mailto:[EMAIL PROTECTED] Assalamu Alaikum W. W. Kalau ado nanda nanda atau sanak punyo pasambahan wakatu maminang bundo buliah tahu. Nan di RN hanyo ado manyilakan makan. Mungkin nanda Arman Bahar punyo baa caronyo mangadokan pinangan (lamaran). Sakian Wassalam Bundo Nismah Rumzy RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
