[RantauNet.Com] Mak Jo Buyuang (mamak Zubir) jadi Presiden

[Benzuara]

Iko kisah mimpi ambo malam kapatang, antah karano acok mambaco carito nan di milis iko atau karano apo, ambo pun bingung.....hehehhee. Baiiko caritonyo, awal kisah malam kapatang, dek panek karajo saharian, sampai dirumah awak langsuang talalok, sadang lamak lalok datanglah sibungo mimpi nan kecek urang tu. Dalam mimpi ambo raso basobok jo mak jo buyuang, dawis novotel, mak bandaro dan saudara nofendri, kalau ndak salah ado pulo mak basri hasan dll. Sambia maminum kopi angek lengkap jo goreng gehu kecek rang sunda carito bacaritolah kito2. Topik nan dicaritoan tentang dana pemilu nan diajukan KPU, alah diagiah gadang mintak tambuah pulo, kan susah tu mamak2 dan dun's kasadohnyo. Jadi....rumiklah carito maso itu, bapandapeklah da wis sampai ka masalah kamandirian partai, ituang punyo ituang, tanyato mambuek partai itu indaklah sulit, secaro garis besar punyo kantua pusat, dengan minimal 14 DPD, lengkap dengan alamat, ADRT dan susunan organisasi nan jaleh, lalu baru kito daftarkan namo organisasi wak tu, baitulah kiro2 pandapeknyo. Tanyato awak kasadohnyo sapandapek dan mandukuang. Mulai lah kalangkah awal, dapeklah kato mupakek, mak jo buyuang langsuang diangkek jadi katua umum, mak wis wakilnyo,mak bandaro administrasi, sedangkan  mak nofendri bagian catek mancatek, awak mamiliah surang jadi penangung jawab di lapangan hehehe, tugas patamo awak disuruah mausahoan 14 dpd tadi, indak ilang aka wak do, langsuang wak telpon cabang2 kantua wak, mulai dari aceh sampai ka makasar, dapeklah labiah kurang 20 dpd, langsuang rumah masiang2 dijadikan kantua, sarato mancari anggota pengurus masiang2 pulo. DPD alah, urusan administrasi salasai pulo dek mak ban, mak wis alah bagarilya pulo mancari relasi2, lengkaplah kasadohnyo dicatek samo mak nofendri,singkek carito terdaftarlah di KPU partaiko, dengan namo PMMDI kalau dipanjangan manjadi Partai Minang Maimbau Demokrasi Indonesia, ndak lamo sasudah itu dapeklah bantuan labiah kurang 1 milyar dari pemerintah untuk biaya kampanye, capek wakatu bajalan, tersebarlah namo partaiko ka urang awak nan dirantau, sampai kamaso kampanye, lai tiok mainjak-an kaki katua umum sarato jajarannyo dirantau kasadohnyo urang awak palaku ekonomi di daerah lain,tampil dengan yayasan2 yang ado didaerah untuak manyambuik katua partai sarato jo rombongannyo, disambuiklah bak rajo, lengkap jo panitahan dan tari pasambahannyo, pokoknyo sabana-sabana dilua dugaan, maso kampanye sukses, dalam pamilihan urang awak bagitu antusias, sampai kaperhitungan suaro awak manang, partai wak mandapek 70 % suaro, nah disiko, kalau ndak salah ingek, sistem nan dipakai pamilihan presiden sacaro langsuang, jadi partai nan dapek suaro manyoritas otomatis katua partainyo langsuang jadi presiden, mangko jadilah mak jo buyuang presiden RI nan kaanam, pas acara pelantikan mak jo buyuang lah tibo jo dasi licinnyo, mak ban lah ba jas pulo, ndak katinggaln da wis lah basetelan ala pajabaik,sanak nofendiri jo basri hasan ndak katinggalan jo pakaian nan lah basandiang, baitu pulo awak, muncul jo safari pasan express sarato dasi polos mudo, kebetulan awak dipiliah lo samo mak jo buyuang disusunan kabinetnyo, palantikan jalan mariah, sampai pas pelantikan kabinet tibo dek awak, antah malang antah baa, awak tajago, ondeh mandeh, ndak sampai kasuduik kironyo rho, tapi mimpi lah maanta dan mancaliak-an ka awak gagahnyo mak jo buyuang jadi presiden sarato kabinetnyo diisi urang2 mudo minang pulo, sorry iko bukan sentimen kedaerahan hehehe, tapi bukan mimpi sajo nan bisa mambuek sarupo itu, kalau awak namuah, sagalonyo pasti ado jalannyo, itu manuruik pandapek ambo hehehehh........ Baitulah kisah mimpi malam kapatang, mak jo buyuang jadi presiden RI nan Kaanam, semoga bisa labiah dari mimpi.Salam mamak sarato dun's kasadohnyo   ben, Sutan Lenggang