Owayyy.... iyo lo yeeeh Eheeee .... satu mambaco sughek ajo kapatang, langsuang ambo talipon ghang umah ambo nan nak ghang L/A tu, Alhamdulillah santap siang cako lai jo "gulai baga" persis saroman nan ajo sabuik-an tu, bumbu 'e batumih-an yeeh, kuah 'e agak jalang sangenek, iyo babezo rupo 'e jo "sampadeh dagiang" (kalau sual masak ma-masak ko, ughang umah ambo, indak kecek daulu pado tuhan doh jo, insya Allah, gak ati ambo indak ka-kalah bana jo "kak tangah" nan nak rang Koto Gedang ajo tu, kok ka-kalah bana we 'e, kalah 'e kalah2 sa-angin (he..he.. kecek ambo je, antah)
Dek tasabuik dek ajo, kak tangah ambo tu eks "Kota Gedang", batanyo lo ambo ciek ka ajo, ba-a lo lagu 'e pengalaman ajo sual "samba itiak lado ijau" made in Koto Gedang nan tersohor tu? Kok nan taralah, kan iyo go eh, "lidah Piaman " kan indak namauh bana di-adu jo masakan itiak, ehemm.. agak anyia saketek, kecek anduang ambo, sahinggo sajak dari induak ambo baradiak ba-kakak telah terprofokasi, asali banamo itiak, baiak itu gulai, kalio, goreang, samba balado, randang, etc "yang ada itik-nya", haa.... ancik lu, bi-a lah ka-ilanga pado mandapek" bahkan kok nyampang sadang langka ikan Sibolga dipasa, bia lah makan jo "ikan masiak" daripado "ikan aia" (tabek, kolam, sungai etc) Pangalaman ambo lai sakali kutiko ambo berkunjung karumah bako di Luak Tunggang Tilatang Kamang Kiktenggi, mulo2 ambo biaso2 sajo, kutiko sadang ma-nguih pao goreang balado, bangkik curiga ambo, haaa.... ba-a lo kok phendek pao ayam ko kohaa??? Curiga nan lah takuih tadi tu "pao itiak", haa indak lai, wak sisiah-an je nyeh ka-tapi pighiang, ba-tambuah pun ambo indak sato lai doh, bialah ka-ilangan pado mandapek, nan ambo cameh-an ba-a dek ajo, kok tajiloek ambo beko, haa itu bana nan ka ambo jago, sahinggo lah payah induak bako manyuruah "batambuah-lah, sakali2 kakampuang ba-baso pulo", haa... tapaso ambo "ba-duta" sakaciak, ambo kecek-an bahaso ambo lah kanai berang dek dotor, kok makan lah ba-agak-an kini, indak buliah batambuah bagai lai doh, ambo paburuak-an je dotor bahaso "kolesterol" ambo lah tenggi (antah tantu dek induak bako ambo tu kolesterol antah indak, heeee..heee..) wasalam abpiliang -----Original Message----- From: Zubir Amin [mailto:[EMAIL PROTECTED] Sent: Monday, June 16, 2003 11:18 PM To: '[EMAIL PROTECTED]'; [EMAIL PROTECTED]; [EMAIL PROTECTED] Subject: Gulai baga Tambahan panggosok ampaleh senek sanak Arman Bahar,di Duri,sual "gulai baga".Nan namo� gulai baga tu io ado� di IV Angkek Padusunan Piaman.Gulaiko lain senek dengan simpadeh dagiang.Gulai baga bumbunyo ditumih(tumis) dan dagiangnyo tu,daging nan agak balamak(gajih),kecek rang Kampung Gadang,Padusunan,dagiang galeme,dan agak jalang kuahnyo. Gulai baga ko hampia samo jo "gulai kancah",made in Koto Gadang,Kiktinggi. Cuma bumbu gulai kancah indak ditumih doh. Tantang raso dan baa caro membuek gulai kancah tu,Arman batanyolah ka pada sanak nan baasa dan gadang di"darek" atau Koto Gadang,Koto Tuo,Kiktinggi dlsb.Jo Buyuang dek gulai kancah kolah"jatuah tajarambab" dipangkuan tangan nan gemulai dan kulik nan haluih" gadih Koto Gadang.Hah,ha,ha,.Astaghfirullahal 'aziiim. Wass.wr.wb.AB-Marseille. RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ==============================================
