pernah mancubo makan baluik nan disinan disabuik " paling ".
Caro mamasaknyo adolah baluiktu diasap dan diagiah bumbu , dan dimakan jo roti barupo sandwitch dan ado juo nan dimakan jo kantang
goreng dan salad. Waktu tu makan baluiko di kota pelabuhan Volendaam
dan Lelystaad , dan barangkali uni Efi atau Yanthi lai tahu kaduo tampek tu .
On Sat, 21 Jun 2003 19:56:39 -0700 (PDT)
zul amri <[EMAIL PROTECTED]> wrote:
Baluik atau linduang biasonyo hiduik disawah nan bancah .Dan ciri khas binatangko adolah muncuangnyo sarupo ula dan kulikno licin.
mako ado pepatah nan manyatokan "licin bagaikan baluik " aratinyo susah manangkoknyo kalau indak tahu kiatnyo.
Apobilo musim baluik tibo patani atau anak anak biasonyo barami rami pai mancari baluik nan tasuruak ataupun bakeh jalan baluik nan kalua dimalam hari . Mancakau baluik bisa manggunokan kayie / panciang ataupun manggunja pakai kaki dibakeh lubang baluk tu.
Lain lagi caritonyo kalau mancakau baluik dimalam hari.Biasonyo urang pai manyuluah baluik manggunokan lampu stroomking (petromax) .
Kalau malam tibo , apolai diwakatu bulan mati , baluik baluik tu kalua dari sarannyo mancari makan dan lalok dilua sarang .Bagi pancari baluik tamasuak ambo ciek , cukuik bamodalkan ladiang nan tumpua,lampu petromax sarato karuntuang tampek baluik , manjalajah sawah demi sawah mancari baluik. Dimalam hari si baluikko sanang bana lalok manilantang madok kalangik alias paruiknyo nan putih tu jaleh bana kalihatan di dalam aiea . Tingga mancangkuak jo ladiang maja mako si baluik indak bisa bakutik lai dan tingga mamunguik lalu masukkan kadalam karuntuang nan tabuek dari dari anyaman bambu atau pandan.
Nah itulah kisah mancakau baluik nan pernah ambo lakukan saisuak .
Satantang resep dan masakan baluiko akan dilewakan pado kesempatan nan kadatang . Terima kasih semoga sanak tidak bosan mambaco milis amboko .
Wassalam : zul amry ( 54 + 10 bln ) di kuta bali
--------------------------------- Do you Yahoo!? SBC Yahoo! DSL - Now only $29.95 per month!
=========================================================================================== "TELKOMNet Instan memberikan diskon 40% untuk akses malam hari dari pukul 23.00 sampai 06.00. Berlaku untuk wilayah Jawa Timur mulai 1 Mei 2003 sampai 30 Juni 2003." ===========================================================================================
RantauNet http://www.rantaunet.com Isikan data keanggotaan anda di http://www.rantaunet.com/daftar.php -----------------------------------------------
Berhenti menerima RantauNet Mailing List, silahkan ke: http://www.rantaunet.com/unsubscribe.php
===============================================
