-----Original Message----- From: Sjamsir Sjarif [mailto:[EMAIL PROTECTED] Sent: Monday, June 23, 2003 1:29 PM To: FST-IAMS-Elect
Ado babarapo arati kato "baso". 1. "Baso" namo batang kayu samacam "batang baringin". Ambo alun panah mancaliak atau mambeda-bedakan kayu baringin ko, karano kayu ko indak banyak lai tumbuahnyo dan tampaknyo di ambo samo sajo, yo batang baringin. Sabab itu, takana pulo dek ambo Inyiak Pii (Angku Muhammad Sjafei Kayu Tanam) wakatu kami baduo di satu daerah Rimbo Gadang bajalan sasudah sumbayang luhua. Kecek baliau, Caliak lah bara banyak macamnyo kayu di rimbo ko. Kok ditanyo ka urang awak, kecek baliau, "Batang aa iko?" Jawabnyo, "Madang". Kok ditanyo pulo namo batang kayu nan lain ko, jawabnyo "Madang". Iko?, "Madang." Itu?, "Madang". Jadi nan tantu, antah lai tantu di nyo "Madang" tu, antah indak, jawabnyo iyolah "kayu tu 'Madang' sajo namonyo", kecek baliau. Batang Baringin nan ambo sayangi iyolah Batang Baringin nan di Pakan Kaluang, Panampuang. Manuruik ambo Batang Baringin di Pakan Kaluang tu adolah lambang dari Ampek Angkek. Kalau awak pai ka lereng Marapi di ateh Nagari Lasi atau di ateh Nagari Canduang, tampak dataran tinggi (plateau) sampik Agam Tuo Utara, Ampek Angkek jo Tilatang Kamang jaleh tabantang di mato awak, tampak jaleh Batang Baringin tu sabagai tando (landmark) untuak mampadomani nagari-nagari nan kito ijo-ijo namao sambia mancaliaknyo. Kalau ambo baranuang-ranuang di lereng Utara Gunuang Marapi tu, ambo tatap maraso dakek diri ka Ilahi Rabbi, basyukur ka Tuhan nan mambarikan Nagari Awak baitu indahnyo. Tapi wakatu ambo pulang ka Kampuang kapatang ko Batang Baringin tu indak ado lai. Dengan hilangnyo Batang Baringin di Pakan Kaluang tu, Ampek Angkek taraso kosong, Panampuang taraso sunyi dek ambo. Tambah lai kawan-kawan lamo lah banyak indak basuo, lah banyak pai dahulu... Batang Baringin nan indak ambo sanangi adolah batang baringin nan ditanam tantara pusek di lereng subarang jalan di bawah Istana Bung Hatta dahulu, di taman antah aa lah namonyo. Baringin tu ditanam mareka sabagai lambang ditaklukkannyo Bukittinggi oleh tantara pusek. Walau pun ambo lai acok bajalan di sakitar tampek tu wakatu pai bvaranang ka Novotel Hotel kapatang ko, indak ambo kasanoi apokoh batang baringin tu masih hiduik antak indak. Mudah-mudahan lah mati. Kok batang baringin tu taruih hiduik kini, tantu Patuang Pak Hatta nan ka dibanggun di bawah Istana Hatta tu ka tamanuang-manuang sajo mancaliak batang baringin tu manganang kampuang halaman baliau jo kahidupan masyarakatnyo diobrak abrik kanti politik baliau. Batang kayu tu tantu ka maambek pancalaiakan baliau ka arah Gunuang Marapi nan baliau sanangi. Sudah tu, kok awak pai ka lereng Marapi kini, nan tampak lai sabagai landmark daerah Agam Tuo Utara tu adolah Bukik Kuliriak jo Bukik Bunyian. Takana pulo pantunnyo: Bukik Bunyian panjang tujuah, dilipek lalu panjang limo. Bukan tinaman tak mau tumbuah, bumi tak suko manarimo ... 2. "Baso" pun dapek diaratikan "Caro" atau "Bahaso": Baso Inggirih, Caro Parancih, Bahaso Sipanyol. 3. "baso" sabagai kato hubuang dalam Caro Awak, saroman "bahwa" dan "bahasa" dalam Bahaso Indonesia. 4. "Baso" sabagai "baso-basi" sabagai adat tata susila nan mamancarkan "politeness" dalam huduik bakomunikasi dan baerang gendeng dalam masyarakat kito. Politeness atau taratik ko baik diparatikan dalam caro-caro mangecek apolai wakatu makan basamo, istimewa kalau pai jadi tamu di rumah urang. Kadang-kadang Urang nan pabaso dianggap urang pamalu, tapai sabananayo adolah disiplin ajaran elok dari kaluarga dalam malaksanakan taratik dalam kahidupan basamo di Kampuang kito. Dalam lingkuangan Urang Awak acok tadanga, "Jan babaso-baso bana, 'Baso' jauah dari siko. Nah "Baso" nan iko iyolah namo nagari, sadangkan "babaso-baso" adolah baso-basi dalam makan di tampek kito jadi tamu tu. Sakitulah dahulu sakadar nan takana. Salam, Mak Ngah At 11:37 AM 6/23/2003 +0800, FST-IAMS-Elect wrote: > >Manantian "net-work" pulih, ambo tambahkan saketek manganai Baso. > RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
