Wa'alaikum salam
Lah sampai Mak Parpatiah, walaupun mamak surang nan disambah nak sarapeknolah niniak
mamak nan gadang basa batuah nan duduak di palanta nanko. Redha jo mooh ambo pinto,
umua nan alun sataun jaguang darah nan alun satampuak pinang, aka singkek pandapek
balun, gumanta lutuik dibaok tagak, bana ndak buliah dilupokan.
Kalau dibandiangkan nagari urang jo nagari awak iyo jatuah ka dalam aia mato mak,
indak tacaliak di awak muko urang doh mak. Di kandang singo ko kaleh urang awak kaleh
pambantu no mak. Dari Indonesia ya kecek urang sambia galak sengeng mancibia, karano
sabagian besar nan diekspor kamari iyo pekerja domestik nantun. Sampai sampai urang
rumah kalau maajak anak2 jalan jalan lah disangko pulo pambantu.
Walaupun disiko buliah dikatokan Tuhan-no pitih tapi nan korupsi indak sacanggih di
nagari awak doh (maaf indak ado doh korupsi di Indonesia nan ado kesalahan prosedur).
Antahlah mak... lah ilang kato kato ambo, lah sasak dado dek manahan tangih, cuman
salung nan bisa manyampai-an.
Mamak kanduang st Parpatih
Urang nan arih bijaksano
Sasak dado manahan tangih
mangana kampuang ranah bundo
wassalam
Junaidi (37) kandang singo
_____________________________________________________________
--------------------------------
Get Your Free Exclusive E-mail !
Go to http://www.myquran.com
Indonesian Muslim Portal
--------------------------------------
_____________________________________________________________
Select your own custom email address for FREE! Get [EMAIL PROTECTED], No Ads, 6MB,
IMAP, POP, SMTP & more! http://www.everyone.net/selectmail?campaign=tag
--- Begin Message ---
Assl. Ww.
Ma Malinbasa, ka Malin lah sambah ditujukan.
Keck rang tuo-tuo dulu, "Jikok dikandang kambiang mambebek, Jikok dikandang Singo mangaum". Iyolah tapek bana nampakno. Nan dikandang kambiang kini alah tukang bebek sajo. Tapi nan bebek tu alah dituka jo itiak. Jadi urang disiko kini alah tukang ikuik sajo alias mambebek sajo.
Nampakno iyo rancak nan dikandang Singo lah tuh kini. Nan dinegara harakat manusia alah dilatakan ditompaiknyo. Dikota kami walau nan dikecatkan mayoritas Islam, kini tapian alah baraliah, pimatang alah ditabas urang. Sahinggo sadoalahe alah dilapas sajo. Alah dikumandangkan pasar bebas. Alah disepai kasadaannya. Pendidikan juo alah dipasar bebaskan.
Pada hal dari asal pasar bebas itu sendiri, penuh dengan proteksionistis, caliaklah parang Euro Jo US$, saliang manuduah ................
Kini di kampuang awak alah sagalono bebas, sabebasnyo, sahinggo indak jaleh nama nan halal dan nan nama nan haram, disapue sadoalahe .......... baa kaindak, gaji tak cukup untuak makan, apo lai manyikolakan anak ka PT. Mimpi. Upah minimum di Jkt kini masih Rp. 6000 perhari. Pada hal makan diwarteg sajo pakai pecel lele alah harus mambayia Rp. 6500. Baa pulo ka manyikolaan anak di PT.
Dek itu, saharusnyo iyo kewajiban pemerintahlah untuak mancerdaskan bangsa. Keawjiban pemerintahlah untuak dapek manjadikan anak bangsa bisa bersaing didunia, dalam pasar bebasnyo. Kalau indak antahlah ka jadi apo bangsaku iko.
Kalau dicaliak dibandiangkan, apo salahnyoko. Di Indonesia syarat untuak Presiden, minimum ijazah SMA sajo payah mamperjaungkannyo. Nan tragis lai, kalau atasan di Indonesiako pantang labiah randah pendidikan dari bawahan. Jadinyo para terpelajar kito, para DR kito lari kalua, dek kalau namuah babakti disiko, indak diagiah kursi. Cubo presidennyo sajo syaratnyo tamat SMA.
Baa ka kalua awak dari multi krisi ........... antahlah.
Wass
Si Pilon
junaidi malinbasa <[EMAIL PROTECTED]> wrote:
Assalamu'alaikum
Dunsanak kasado-no nan ambo hormati
Walaupun biaya kuliah di kandang singo ko tinggi tapi ado jariang pengaman nan dibuek oleh pamerintah saroman beasiswa, subsidi, pinjaman, ikatan dinas dlsb. Bisa di liek di www.nus.edu.sg. Manuruik ambo dunia pendidikan sebaik-no indak dijadikan pasar bebas, karano walau bagaimanapun pendidikan adolah kewajiban pamerintah saroman nan tatuang dalam Pembukaan dan batang tubuah UUD 45. Antahlah kalau UUD no alah dituka jo ujuang ujuang-no duik.
Wassalam
Junaidi (36), kandang singo
Do you Yahoo!?
SBC Yahoo! DSL - Now only $29.95 per month!
--- End Message ---
