wa'alaikum salam ww,
Tarompa Japang,
saisuak samaso tajadi parang di Kiktinggi tantara Japang nantun ado
babarapo diantaronyo nan diambiak dek Kerajaan dari perguruan Ninja. Dek
kumandan tantara urang awak nyo kirin pulo pandeka dari perguruan silek Agam
Tuo. Mako bakudincak lah parang wakatu itu antaro samurai jo karih. Dek
santiangnyo silek rang Kiktinggi mako larilah pandeka ninja ko dari arena.
Sabalun medan nan bapaneh nantu ka di serbu dek pandeka Kiktinggi talabiah
dahulu jalan satapaknyo di jarek pakai saliguri. Jadi katiko lari nantunlah
tasangkuik kaki si Ninja di jarek nantun sahinggo tarompa nyo taicia. Dek
pandeka Kiktinggi ado istilah lawan ndak dicari basuo pantang diilakkan, Jiko
bagak cubolah maurak langkah ko takuik baelah lari. Jadi sabagai tando ka
Kumandan tantara baso pandeka nantun lai manang nyo baolah tarompa Ninja nantun
sabagai barang bukti. Jadi dek salamoko urang awak ndak biaso mancaliak tarompa
batali silang tigo (biaso tangkelek) mako diagiahlah namo tarompa nantun jo
TAROMPA JAPANG.
Buayan
Kaliang,
Katiko
ado karamaian di nagari Batagak saisuak ado surang urang tuo (ketua
panitia) nan punyo ide mambuek suatu buaiyan basilang ampek. Tapikia dek
baliau baa caronyo supayo pitih banyak masuak tapi sakali karajo. Mako
barundianglah panitia untuak mawujuikkan ide nangko jo karajo saketek tapi pitih
banyak. Dicubolah marancang buaiyan basilang nan ditiok ujuannyo di buek bak
untuak urang duduak. Mako salailah niak jo karajo , minyak abih samba pun lamak
mako kanyang paruik di bueknyo. Tadangalah dek rang Nagari dari sakuliliang
Batagak tantang alaik nangko tapi inyo ndak tau namonyo alaik nantun. Tapi nan
dikataui dek si pambao kaba adolah bantuaknyo samo jo buaiyan anak tapi ganoknyo
ado ampek dari kayu basilang sarato bisa bakulilian kateh kabawah. Jadi dek
urang awak biaso imaik dari pado payah manyabuaik buaiyan bakuliliang disingkek
sen jadi BUAIYAN KALIANG
Tapi
kok lapek bugih a io ndak pandai do awak mangarang curitonyo
Itulah
jaknyo awak asa muasanyo.
wassalam
BAA04BA - 36
-----Original Message-----
From: hendrizal piliang [mailto:[EMAIL PROTECTED]
Sent: Friday, June 27, 2003 3:38 PM
To: [EMAIL PROTECTED]
Subject: [RantauNet.Com] kato tarompa japang, lapek bugih, buayan kaliang[Madahar] .. 1. Tarompa japang ado ndak hubungan namo tarompa japang ko jo urang japang nan manjajah nagari awak ha, padahal yang dulu masuak ka nagari awak bulando baa kok indak tarompa bulando namonyo,2. Lapek bugih ado pulo ndak hubungannyo jo urang bugih3. buayan kaliang dari malo asa buiayan kaliang ko a. ado nak hubungan nyo jo urang india kaliang nan tingga di nagari minang ko ha,[Madahar] .. Wassalam,hendrizal piliang K80(*) (BAD07HP)* K80 = Kealahiran tahun 80=================================================================Tibo di mato indak piciangkan, Tibo di paruik indak di kampihkan ( pepatah minang)==================================================================
Do you Yahoo!?
SBC Yahoo! DSL - Now only $29.95 per month!
