Lah Sampai Mak Bandaro, (jo Majilis RN)
A nan jadi kabanaran Mak Bandaro jo IJP tu, lah taracak dalam undang, talingka dalam pusako, tibo sungguah ditapaikno.
Tapi sungguah pun baitu bana sakali, karano bapakai manuruk adaik, manjadi undang di nan tuo :
Kayu banamo kayu kamaik
buahno labek jo pusako
baurek taguah kabumi
pucuak malepai awan biru
batang kasandi jo andiko
Nan rajo kato mupakaik
Nan bana kato baiyo
kito nan idak buliah mnyudahi
putuh rundiangan di Panghulu
itulah adaik salamono
Sabalun kato kadiambiak, elok dipakai papatah lamo,
Kok Manih jan capek dilulua, kok paik jan capek diluahkan. Limbak nan dari pado itu, supayo api nak ka hidup, elok disilang kayu ditunggku.
Kajawab kabari no dari ambo :
Tantangan parubahan namo Propinsi nantun, iyo saban rancak, sajuak paratian, sanang dikiro-kiro. Tapi ado pulo nan kito harus pikia kan, antaro lain adolah bateh propinsi Minangkabau (ditulih basambuang, indak bapisah = Minang Kabau = doh). karano mandanga bateh Minangkabau ko iyo balain jo Propinsi Sumatera Barat.
Lah kito danga, bahwasono bateh Minangkabau tu :
Sajak durian ditakuak rajo, sialang balantak basi, sinan buayo nan putiah daguak, tampaik sirangkak nan badangkang, sampai taratak aia itam, sinan riak nan badabua, sampai ka indorpuro, sampai ka siak Indogiri, hinggo sipisak pisau hanyuk, sampai sikilang aia bangih.
(ado pulo pandapek nan mangatokan bahwasono Minagkabau tu karano pakai ALAM Minangkabau mako daerah no malabiah-i daerah nan dikatokan cako)
Dek karano, daerah Minangkabau cako agak balain jo Prop. Sumbar, apokan indak mampaketek cakupan Minangbau tu ?, kalau tantangan biaya sarato panek karajono, indak kajadi masalah bagai tu doh.
Ba a mangko dari suduk wilayah ambo mancaliakno, karano ikatan antaro masyarakaik Minangkabau ko sangaiklah arek no. Jadi kalau dicukukkan sajo wilayah Prop Minangkabau tu jo hanyo Wil Sumbar, rasono jadi bapisah awak jo dunsanak nan lain, tapi kalau dapek nan kajadi Wil Prop Minangkabau tu seluruh wil Minangkabau nan dikecekkan cako, mako ambo Maanjuang Tinggi, Maamba Gadang, bialah kok kalua bana pitih saketek banyakno atau tanago bagai, Insyaallah Saciok bak ayam, sadaciang bak basi melah awak basamo..
Samantaro nampakno rancak sarupo iko kini ko, namo propinsi Sumbar, Nan Minangkabau tatap ado juo, Minangkabau eksis jo sagalo kaunikanno
Kini, ado pulo nan tagalitiak dalam pangana ambo, kalau dicaliak dikampuang kini ko, lah banyak namo nagari nan barubah, indak memcerminkan Minangkabau lai doh, Sabagai contoh adolah (jan bangih Majilis RN kok tasabuk nagari nan di awak yo) : Ladang Laweh baganti jo Ladang Lawas, Sariak diubah jo Sarik, mungkin Sulik Aia kok baganti pulo jo Sulit Air, Kubang Putiah lah baganti jo Kubang Putih Atas dan Kubang Putih Bawah, Jambu Aia lah batuka jo Jambu Air)
Kalau mancaliak awak contoh kato Lawas, dalam bahaso Minangkabau tampakno iyo alun jaleh li, Lawas dalam bahaso Jawa bararti Lamo, baitu pulo dalam bahaso Banjar (Banjarmasin) dan sarupo itu pulo kalau diliek bahaso Malayu iyo barati lamo juo (munkin ambo salah ?)
Dek karano sadang babelok, ambo cukukkan dulu sampai disiko, bisuak kalau sadang malapeh disambuang baliak.
Wassalam
Sutan Bandaro Labiah
Mancalaiak nan saroman nantun, apokoh lai awak kabisa baliak nan ka asa mulono ? sabalun kito kamarubah (Mambuek) Propinsi Minangkabau, rasono elok awak paelok-i nan ketek-ketek ko dulu
FST-IAMS-Elect <[EMAIL PROTECTED]> wrote:
========================
Ado nan labiah pantiang ; pandidikan - asusila - randah gizi - pangangguran.
Itu batua.
Pandapek ambo, diringkas sajo ;
GO, go...... Ajp ....go
Ambo mandukuang propinsi "Minangkabau"
Areano ??? Bialah Sumbar sajo, namum tambo mangatokan labiah
dari itu.
Pandapek dari St Bandaro Labiah nan sadang manggaleh babelok
kami harokgan.
Wass
Bandaro ( 53)
Banuampu, kiktinggi ......eh Agam
di Bogor
~~~~~~~~~~~
=====================================
-----Original Message-----
From: Ronald P. Putra [mailto:[EMAIL PROTECTED]
Assalaamu'alaikum Wr.Wb.
Ambo satuju bana jo sanak awak iko. Ado persoalan yang labiah mandasak utk
capek-capek dikameh an, yaitu randahnya mutu pendidikan, banyaknyo anak-anak
awak yang indak bisa mangaji, serta maraknya tindakan asusila di pelosok
nagari.
wassalaam,
Ronald
Yahoo! Plus - For a better Internet experience
