Assalamualikum Ww
Sanang ati mandanga lai juo pembangunan Pesantren dikampuang awak, mudahan lai ka banyak juo urang awak nan mangarati jo mangamalkan syari'ah Islam nantinyo, InsyaAllah.
Sanak Zul Amri urang Surantiah nan di Jakarta, kalau buliah, kalau lai ado jalan ambo punyo saran saketek:
Patamu, kalau dapek iyo pesantren modern handaknyo. Apo arti modern, tamatannyo bisa malanjuikan ka sikola apo sajo nan labiah tinggi. Jadi kaji ilmu dasar dunia (matematik, Kimia, Biologi, Bhs Inggirih) paralu juo diajakan dan bisa dikuasoi disinan. Awakko butuh banyak sarajna Islami, jan sampai mancenak sarjana Islam sajo.
Dek disabuik gurunya nan baraja dikampuang ambo, tolong ciek jan ditiru nan di Canduang tu, nan manayababkannyo susah maju. Dek apo, dek umumnyo pesantrenkan dibangun jo ZIS, bararti inyo adolah milik umat Islam. Jadi indak buliah nanti pesantren nantun adolah milik keturunan anak baranak, sahinggo nan bisa bakuaso cuma anak cucu nan mandirikan. Kalau alah jadi properti turunan nanti agak susah bakambang. Itu nan manuruik pancaliakan ambo nan sayuikko.
Wass. Ww
Rang Canduang di Jkt
[EMAIL PROTECTED] wrote:
[EMAIL PROTECTED] wrote:
Assalamu'alaikum w.w.
Yth. Dunsanak kasadonyo
Ambo sekitar duo minggu nan lalu iyo sempat pulang kampung lo. Dari
pengamatan ambo, barito maraknyo pornografi dan sejenisnyo iko iyo bana tu.
Kalau dicaliek nan maju hanyo pembangunan fisik, tetapi pembangunan moral
iyo alah bagalemakpeak. Untuak mengantisipasi kebejatan moral ko di
Surantiah, Kecamatan SUTERA, Kab. Pesisir Selatan alah dibangun Pondok
Pesantren Sabilul Jannah. Guru-gurunyo sebagian besar lulusan Canduang
Bukik Tinggi. Mohon do,a dari sanak kasadonyo supayo Ponpes iko bermanfaat
untuak anak kamanakan kito dalam menghadapi zaman ko.
Sekian dulu informasi dari ambo.
Mohon maaf untuk dunsanak nan susah mengidentifikasi namo ambo, karano namo
ambo samo persis jo Uda Zul nan di Bali.
Wassalam,
Zul Amri (41tahun) Jakarta
Rang Surantiah
Do you Yahoo!?
SBC Yahoo! DSL - Now only $29.95 per month!
