Io agak balain senek komah sanak Bandaro,soal gala manggala ini nan balaku di
"Darek" dan di"pasi-sia" khususnyo di Piaman laweh.
Kalau di Darek,kalau surang laki-laki lah babi-
ni biasonyo oleh keluarga nan padusi,minantunyo tu
diagiah gala(panggilan)-maaf kalau ambo salah-atau oleh mamak ybs.Gala ybs tidak
setingkat dengan gala
Datuak.Biasonyo sasudah namo ditambahkan "gala"nan dibarikan tu.Mungkin contohnyo
seperti sanak Amzar,
sasudah nikah,dibari gala "Bandaro"sehingga menjadi
Amzar Bandaro.
Lain di Pasisia,khusunyo di kampung jo Buyuang
di IVAngkek Padusunan,Piaman.Laki-lakai nan sudah ba
bini,ybs memang dapek "gala"tapi gala nan disandang oleh ayah kandungnyo nan bagala
pulo.Sebab ndak sa-do� laki-laki nan lah babini di pasisia nan bagala,
banyak macam penyebabnya,mungkin laki-laki itu "pen
datang"di kampuang tu nan indak jaleh asa usuanyo,
atau katurunan Nias atau rang sumando nan baasa dari
luar lingkungan Minangkabau.
Di kampung jo Buyuang tu,ado bamacam-macam gala
dari ayah(Sutan,Sidi,Bagindo).Nan indak bagala,dibe
ri "juo gala",seperti "Uwo,marah,sidi sutan,sutan bagindo,marah bagindo".Nan
comanko,urang laki2 tu indak tahu asa usuanyo.Agak sulik dijadikan minantu,
sampai kini masih ado nan bapaham co itu.
Nan dicari di Piaman,nan bagala Sutan,Sidi dan
Bagindo,iko jaleh asa usuanyo dan dicari banyak ca-
lon mintuo.Ayah(Buya)jo Buyuang bagala "Sutan",jadi
di keluarga bini,jo Buyuang dipanggia "Sutan" Zubir
di kampuang jo Buyuang,dalam pergaulan samo gadang ndak ado perobahan namo,Zubir ya
Zubir,walaupun alah
babini.Kan bedo tu jo Darek Bandaro.Gala seperti ini
tamasuak gala pusako pulo,tapi bukan gala adaik.
Soal gala pusako adaik,di Pasisia,kato gala(ge-
lar)dicantumkan sasudah namo.Contohnyo jo Buyang,ga
la pusako adaik nan malakek dengan "suku"Mandailing di Padusunan adalah(kalau dipakai
dan lah diangkat)
umpamonyo Zubir Amin "gelar(gala)"Datuk Radjo Djambi
Di darek,jo Buyang lihat,sasudah namo langsung
gala adaik,contohnyo Munir,Datuk Perpatih.Tantu Ban
daro labiha tahu dari jo Buyuang.Rancak bana kalau
hal iko dapek dilengkapi penjelasannyo.
Sampai kini,jo Buyuang alun mamakai gala adaik tu lai doh,tapi kalau gala dari
ayah,io kadang-ka-
dang dipakai.Bukan itu sajo,gala akademispun hampir
indak dipakai,padohal tamaik dari UI cq FISIP/69.
Bialah sanak rang palanta,jo Buyuang comanko sajo,ga
la ndak bagala nan mambedokannya labih baiklah ketaq
waan kito masing-masing kepada Allah swt.Tapi sia nan tahu tingkat ketaqwaan itu.Itu
urusan Tuhan rabb
ul Izzati.Semoga.Wass.wr.wb.AB-Marseille.
RantauNet http://www.rantaunet.com
Isikan data keanggotaan anda di http://www.rantaunet.com/daftar.php
-----------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
==============================================
