Lai disiko, Lalugan lah Mak Ngah lah sampai Mak Ngah ! Kato dahulu nan basitinah, kamudian kato basicapek,basicapek pulok bakeh Mamak. Adopun nan jadi kabanaran di Mak Ngah cako tu,sapanjang kabanaran nan katangah di Sutan BandaroLabiah, insyaalah, lah taracak dalam undang, lah talingka dipusako, limbak nan dari pado itu, alah MakNgah bao pulo bamanung, diinang dikalaka, lah babakakumayan putiah, asok manjulang kaudaro, sampai kalangik tujuah tingkek, disinan mangko takana nan dihati, lah tahelang dimato, dapeklah paham nan saukua, lah batamu bana nan sasuai, jatuahlah katokabulatan, bulek lah buliah digolongkan, picak nan buliah dilayangkan, nan isi no bana, karano Alam Minang alam budayo, alam adaik banamokan, sadangkan Sumatera Barat alam politik, alam Propinsi dibarinamo, ibaraik balam nan baranak, anak duo sakali lahia, sikuak rancak sikua pun elok mangko, taraso sarik jo susah sarato ragu tibo kok kamaubah, bialah tatap sarupo iko, ka iyo baitu Mak ?. Indak do lai sapanjang kabanaran nan katangah di Mamak tu, Batang tasanda pado gunuang, urek taujam kapitalo,bana sungguah ditampaikno. Kalau bak nantun Mak ! Ibaraik lenggang lah sa pai,tibo dirantak lah sadaram Mak, Sanang raso dihati ambo, sajuak dalam dikiro-kiro, bajalan lai bakawani Mak ! Tapi sungguahpun baitu bana Mak, karano bapakai manuruk adaik, manjadi undang di nan Tuo, ibaraik papatah Mamak Juo : Minangkabau dilingkuang adaik, Adaik batali jo limbago Nan rajo kato mupakaik Nan bana kato baiyo
isi no bana ; Karano lai awak baduo batigo dalam Sidang RN ko,bialah diambiak kato jo mupakaik, dijalang bana jo baiyo, kito baiyo basamo-samo, basamo jo sidang RN nangko, supayo kaik janno sakah, indak bagadang bidang bahu. Sakiro itu kabanaran dari ambo, nan bana kumbali ka Mamak juo. Basusun tangan kamuko, diangkek dakek kaniang nan dikapalo Mak! Wassalam w.w. Bandaro Labiah --- FST-IAMS-Elect <[EMAIL PROTECTED]> wrote: > > > -----Original Message----- > From: Sjamsir Sjarif [mailto:[EMAIL PROTECTED] > Sent: Friday, July 11, 2003 2:38 PM > To: hendrif hendrif; FST-IAMS-Elect > Cc: [EMAIL PROTECTED] > Subject: RE: [RantauNet.Com] Maubah Namo Provinsi > (Terlalu Mahal) > > > Maa Angku Sutan Bandaro Labiah, > baduo jo Angku Bandaro, > sarato Rang Lapau nan Basamo. > > Dek ambo sadang di Lua Lapau, > sakali-sakali tadanga Ota di dalam, > basiluncua jo ombak Lauik nan Basa, > sayuik-sayuik jauh ka Rantau, > sampai juo ka pandangaran ambo, > ka Tapi Riak nan Badabua. > > Apo nan Angku Sutan Bandaro Labiah katangahkan, > iyo alah basuluah jo Mato Ari, > lah bagalanggang mato Rang Banyak, > ah jaleh ujuang jo pangkanyo, > lah kito inok basamo-samo, > iyolah kato sabananyo. > > Limbak nan dari pado itu, > ado tangiang di dalam diri, > iyo takana di kiro-kiro, > manganai bateh alam nan duo, > Alam Poliitik Alam Budaya, > lain gurindam jo lagunyo, > kadang-kadang saluangnyo samo, > lagu Palayaran di lereng gunuang, > lagu Palayaan di pasisia, > samo laruik paratian mahayatinyo. > > Alam Minang Alam Budaya, > Alam Adaik kito namokan. > Daerahnyo tabantang laweh, > ureknnyo mahunjam ka Pusek Bumi, > pucuaknyo manajelo ka Langik Tinggi, > di sinan Rang Minang dinauanginyo, > malapehkan urak-urak jo Adaiknyo, > Adaik nan lah turun sunduik basunduik, > nan dari Mamak ka Kamanakan. > > Alam Sumatera Barat alam politik, > Alam poropinsi lah namonyo. > Kadang-kadang alamnyo sampik, > kadang-kadang batambah rumik, > banyak di sinan sarang mancik, > bacampua pulo jo aka rangik, > jikok kito takalok digigiknyo, > lah padiah sajo mangko tahu, > maklum Rang Lapau tantang itu. > > Kok bagalemak galemok jo galemai, > kito juo nan ka kanai galimianyo, > galamainyo tandeh dilarikan urang, > kok karam sarantau kito jadinyo. > > Salam, > Mak Ngah > At 09:08 AM 7/1/2003 +0100, hendrif hendrif wrote: > > >Lah Sampai Mak Bandaro, (jo Majilis RN) > > > >A nan jadi kabanaran Mak Bandaro jo IJP tu, lah > taracak dalam undang, > >talingka dalam pusako, tibo sungguah ditapaikno. > >Tapi sungguah pun baitu bana sakali, karano bapakai > manuruk adaik, manjadi > >undang di nan tuo : > > RantauNet http://www.rantaunet.com > Isikan data keanggotaan anda di > http://www.rantaunet.com/daftar.php > ----------------------------------------------- > > Berhenti menerima RantauNet Mailing List, silahkan > ke: > http://www.rantaunet.com/unsubscribe.php > =============================================== __________________________________________________ Yahoo! Plus - For a better Internet experience http://uk.promotions.yahoo.com/yplus/yoffer.html RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
