" Gunuang Tajadi " ( kampuang ambo ) Untuak datang ka gunuang tajadi ko, yoo harus di sangajokan bana, sabab tampekko talatak di Bonjo ( nagariko bukan Bonjo ampek angkek, bukan kito tuan,tapii Bonjo nan di Pasaman, tapeknyo Pasaman Timur, Hanyo limo puluah kilo dari Kik Tinggi ( Bukittinggi )). Di ari akaik nan sakaliko, ari nan elok bana,langik tarang indak baawan,janiah co��apo yo? ( buek se lah ibaraiknyo surang - surang�..pokoknyo langiktu janiah ) Sasudah makan pagi, kiro - kiro pukua satangah lapan kurang limo minik, sasudah diapuih - apuihnyo pungguang kudo tuo tu, Ujang adiak amboko mulai maengkolnyo�..iiduik, " Paneh-an sabanta Jaang, kiro- kiro saminik duo minik " cek mbo," Yoo da��Cuma salimuik jaboknyo nampaknyo paralu dituka ko" , bantuak mountir bana adiak gembrot amboko, tau pulonyo di salimuik jabok onda bagai, kalo sanak alun tau jo salimuik jabok nan di mukasuik si Uajng tu adolah prodo kopling, namonyo sajo anak mudo kan, macam - macam se istilahnyo sahinggo istilah " salimuik jabok " manjadi tamashua pulo. " yoo jang�..baliak dari Bonjo..nantik kito ganti " jawek mbo. Dek masin unto alah paneh, jo Bismillahirrahmanirrahim, ambo jo adiak ambo nan banamo Ujang tu barangkek manuju gunuang tajadi di Bonjo.Sakaliko ambo nan manjadi pilot koreta ambuik - ambuik kami tu ( dek jalannyo maambuik ambuik ), Si Ujang jadi pasisianyo ( pasisia indak mambayia alias perai ), dari Bukittinggi kito manuju arah Utara alah saminik duo minik, lah sampai dimandiangin , minik katigo lah lewaik kami di tembok, minik kalimo lah sampai di pintu kabun, maluncua taruih ka gaduik, lah sampai pulo di padang ijau. Kiro - kiro satangah jam labiah saketek lah mancogok pulo kami di palupuah ( Sirah juo benderanyo baru tu ), satangah jam labiah saketek pulo sasudah tu lah malacam pulo kami di Kumpulan ( Simpang tigo ), lah masuak kito di Pasaman diak kecek mbo ka Ujang,dipasa inpres kumpulan tu, disimpang tigonyo..batanyo kami ka urang lapau, Jauah Bonjo lai ni..? " capek bana Ujang batanyo" iindak�ampek kilo lai cek nyo, lah ampia sampai wak kironyo mandanga jawaban nan bak kian, badan nan tadi agak loyo, tasimburek sumangaik nyo baliak, kami pacu pulo onda bagigi ampek tu ka arah Bonjo, pajalanan manampuah jalan babelok - belok, maliyuak - liyuak co ula mudiak aia, baliku - liku caro Elly Kasimnyo, karano jalan tu barado di pinggang bukik " Iko bukik campak namonyo ko jang�" mulai ambo bacarito, " aaa da..? Bukik campak..? Samo jo bukik buang ndak? " Indak�.bukik campak�.yo bukik campak, bukan bukik di campak - campak-an alias di buang- buang, bukan baitu jang" kecek mbo, nyo jawab jo logat gaulnyo em?berr. Tapaso ambo manarangkannyo saketek, nah iko pantunnyo ko jang: TANTANG MANA BUKIK CAMPAK ANTARO BONJO JO KUMPULAN ANAK DAGANG DIMANO TAMPAK DIBAO UNTUANG PARASAIAN ����.ha ha baa gak ti�.?, itu bukan pantun sumbarang pantun tu da�" cek Ujang, antah mancime'ehnyo antah ba-a , ndak jaleh dek mbo doh, " ba-a ka indak , rang awak bia di agam, di 50 koto, di pasaman, dimaaa sajo�.suko bapantun,�.ha�lah sampai kito jang " maaanyo Gunuang tajadi tu?ndak saba si Ujang lai " sabaaaaalah waang!!! iko awak di pakan sinayan baru ko�." cek mbo. Satalah itu kamipun pai ka bukik nan ado di balakang pakan sinayan Bonjo tu manuruik urang disinan, itulah nyo nan disabuik gunuang tak jadi tu . Samantaro adu juo urang manyabuik gunuang tak jadi , kami daki jo si Ujang bukik tu, lah sampai kami ka puncak bukik tu, ambo mulai pulo manambah pelajaran sejarah untuak adiak ambo si Ujang ko, " Jang�.bukik ko lah nan sangaik ba peranan ukatu parang paderi dulu " ambo bukak preambul sejarah parang paderi ka adiak ambo ." parang nan di pimpin Tuangku Imam Bonjo tu da?.." Ditangkoknyo panciang ambo " iyo.." jawek mbo sambia manambah banyak curito satantangan jo peristiwa parang paderi tu. " Bukiktu disabuik rang siko jo gunuang tajadi�.Ado pulo nan manyabuik gunuang tajadi tu di pakai untuak dapua umum katiko bakacamuaknyo parang antaro Tuanku Imam Bonjo malawan Kompeni ukatu itu" mbo uleh saketek, kalau kito caliak �.iyo basasuaian , soalno banyak barang - barang paninggalan nan masih ado dibukik tu , misalnyo tungku gadang antah babarapo pasang. Kalau awak nak mancaliak pakakeh parang tantara Imam Bonjo, tapaso kito ka Museumnyo�.sabab, barang nan lain nyo tasimpan di Museum Imam Bonjo nan latak nyo di Ganggo mudiak, Bonjo juo, dakek tugu Equator tu bana. Ado lo ciek lai paninggalannyo nan sangaik aneh manuruik mbo yaitu sabuah mariam jo pelurunyo, ikoko indak bisa diambiak , atau dikisa , meriam ko nan nampak kapalonyo sajo, badanyo indak nampak, kiniko meriam tu ado di dakek gunuang tak jadi tu juo tapi ditangah - tangah rumah panduduak / kampuang tu, mungkin lah suratan pulo nasib meriam Tuangku Imam Bonjol tu.
" Jang layanganlah pandangan waang kacabang bukik gadang tu.? " ambo suruah siujang mancaliak kaarah bukik gadang ( cabang bukik Barisan ) , sasudah mancaliak kasinan, batanyo inyo kaambo," ado aaaaa disinan da..?" persisi disubaliak bukik tu , ado nagari nan namonyo koto tinggi " ambo sakedar manggantuang carito apoko inyo masih ingek nagari nan alah panah kami kunjuangi dulu. " Koto tinggi nan awak kunjuangi dulu da..? Tanyo Ujang, " iyo� dakekkan Jang� pasaman dari pikumbuah�, kalu istilah urang koto tinggi nan bacarito jo uda , sangkek kito disinan dulu ; keceknyo : kok bakukuak ayam di puncak bukik tu, tadanga ka Bonjo tadanga pulo ka Koto tinggi , keceknyo" bara kadakeknyo koto tinggi ka bonjo gakti waang tu cek mbo " " ck..ck..ck.., ikonyo minang kabau dilingkuang bukik tu?" " jan salah salah waang � daerah awak indak sakadar dilingkuang bukik doh,� dilingkuang adaik�..dari sipisak pisau anyuik sampai ombak nan badabua , dari durian takuak rajo sampai kapadang antah - antah , dari tiku kapariaman sampai sasak aia bangih , banyak lai�" Dek ari lah agak patang , sore caro anak mudonyo nan labiah bana , langik lah malok alias mendung tando ari kaujan , ambo ajak si Ujang pulang lai�" bilo wak kamuseum tu da..? Tanyo Ujang , alun puehnyo ruponyo lai " kito cari pulo ari lain " jawek mbo". Samantaro sakito se daulu dari ambo, kalo ado wakatu awak sambuang baliak, di daerah pariwisata nan lain. Tan G BAD07IP RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
