Ndaak 'Jo. Bagala - ndak bagala tatap Minangkabauwan.
Balain Sutan didarek jo Sutan di Pasisia. Sutan di darek, dulu lah langkok dijalehkan dek St Bdr Labiah. Dibawah mbo postingkan baliak. mbo tambahkan saketek : Nan pasti di Banuampu, sepanjang adat ; setiap anak laki-laki akan menikah akan diberi gelar Sutan XXXXXXXX. XXXXXXX ko bisa Bandaro Labiah, Bagindo, Sinaro, Rajo Ameh, Perpatih, Lembang Alam, Saidi, Lelo, Madjolelo, Rangkayo Basa, Madjobasa, Lenggang, Pangeran. Tiok suku lah mampunyoi list nan baku, indak barubah. ( jadi sutan nan diawal tadi bukan gelar, itu hanyalah sebutan awal untuk gelar XXXXXXX, seperti dokter XXXXXXXXX, XXXXXX iko bisa bedah, THT, internis, syaraf, mata ) Lah pukua ampek tutuk kadaian lai. Wass A St Bandaro Putiah Banuampu. ~~~~~~~~~ -----Original Message----- From: hendrif hendrif [mailto:[EMAIL PROTECTED] Sent: Friday, July 11, 2003 11:43 AM To: [EMAIL PROTECTED] Subject: Re: [RantauNet.Com] Gala Pusako Assalamualaikum w.w Sambah jo maaf ambo mintak kapado Angku-Angku Niniak Mamak Nan Gadang Basa Batuah, pusek jalo pumpunan ikan, aka gudang bicaro, kapai tampaik batanyo kapulang tamapaik babarito, nan bak kayu gadang ditangah koto, urekno tapaik baselo, batangno kasandaran, dahan kajadi tampaik bagantuang, daun nan labek tampaik balinduang, tampaiak balinduang kapanasan, bataduah jikok hari nan hujan, tampaik mamintak hukum putuh, nan bapantang bakato duo, tagak nan didalam kabanaran. Salam jo maaf ambo sampaikan kapado Tuanku Alim Ulama, sarato Imam dengan Katik, suluah bendang dalam nagari, hakim kalimah dalam kampuang, nan mangatahui hala jo haram, siang rintang ba pituo, malam rintang ba ibadaik, nan manyuruak bauek baiak, nan manjauahkan sagalo kamungkaran Salam kapado Cadiak pandai, nan tahu mananai malatakakkan, urang cadiak candokio, lagi nan arih bijaksano, lubuak aka lautan budi, tahu diereang dengan gendeang, tahu dirantiang kamalata, jaleh didahan nan kamanimpo, tahu dibayang kato sampai, ingek dikato ka babaliak, kawan baiyo dek Niniak Mamak. Maaf jo simpuah ambo tibokan kapado Bundo Kanduang, limpapeh rumah nan gadang, sumarak koto jo nagari, kok hiduk tampaik banaza, kok mati tapaik baniak, kaunduang-unduang ka Madinan, kapayuang panji ka Sarugo Rang Mudo samo didalam, Rang Mudo pambimbiang dunia, urang nan capek kaki ringan tangan, capek kaki indak panaruang, capek tangan indak pamacah, nan tahu malu jo sopan, sarato raso jo pareso. Sarapek papekno lah kapado sidang RN nan Ambo muliakan. Ujuk rundiangan nan katangah kini nangko, sakiro paham dihandak-i, bahubuang jo maso iko kini, karano maso alah barubah, dek sabab musim baganti, rusuak dek adaik katagiliang, ibo limbago nan kasumbiang, nan syariaikno ado bahakikaik, nan lahia kulik manganduang isi, lahia manjadi buah ama, nak aman Mamak Kamanakan, salamaik jorong jo kampuang sarato koto jo nagari, itu ujuk nan dituju,. Tatangan curai jo papa nan kadisampaikan, bukan manunjuak maaja-i, tapi calak-calak kaganti asah, niaik nan hanyo manyampaikan, pitaruah niniak nan ba duo, kapado kito nan basamo, Nyampang takalok tolong jagokan, jikok lupo mintak dikanakan, sasuai papatah Mamak juo : Ambo nan bukan cadiak pandai, ilimu di Tuhan bahimpunno, jikok senteng mintak dibilai, tandono kto saandiko. karano alah tibo ulak jo alai dari Uda Zul Amri sarato Mamak Bandaro, mangko nak dicubo pulo manjawek, dijawek sado nan tahu, tahu nan alun jaleh bana. tantangan ulak jo alai dari Uda Zul Amri jo Mamak Bandaro, Urang padang malipek banang, dilipek duo lalu dipatigo, dilipek karano hari sanjo hari, indak tarago diulang panjang, diulang sinan juo katibono, elok jawekno sajo kadibari. Partamo. Tangtangan Gala (gelar) nan dipakai dek urang awak (laki-laki) nan dibarikan wakatu alah barumah tanggo (ketek banamo gadang bagala) adolah hak urang awak nan laki-laki, kalau mancaliak awak ka nan sudah-sudah, iyo gala ko no nan manjadi hak 100 % anak laki-laki, kalau harato pusako bagai biasono awak nan laki-laki sagan, malu kasato maambiak hasiano, apolai kamnjua, jo manggadai, Kok indak bisa manambah, mausak-i jan. baitu bana pitaruah nan dipacik di awak nan laki-laki ko. Kaduo. Caro mandapekkan gala / pambarian gala / bantuak gala iko, iyo balain-lain pulo, bak mamang juo Adaik salingka nagari, sarato Manurun nan dari ateh, mandaki nan dari bawah. kacontohanno. Jiko di banuhampu, gala nan kadiagiahkan ka Marakpulai. diambiak dari 2 (duo) suku, partamo : gala nan ado pado suku Marakpulai tu, kalau ano suku Simabua, mako bisa dipakai gala suku Simabua, gala nangko disabuk jo Gala Pusako, kaduo : gala nan diambiak dari gala nan ado dalam apak Marakpulai (gala nan ado dipasukuan Bako) gala iko disabuk Gala Limbago Jadi anak kito nan laki-laki ko buliah mamakai Gala Pusako atau Gala Limbago, biasono sabalun kabarangkek karumah Anak Daro (bantakan basamo-samo) dilakekkan gala tu dulu, nama nan kadipakai, biasono basarahkan kapado urang nan kamamakai. Kalau di Pariaman (kok salah tolong dibatuakan Mak) iyo balain pulo, kalau nan Apak bagala Sidi, mangko turun ka anak iyo Sidi, baitu pulo kalau Apak bagala Sutan atau Bagindo mako anak bagala Sutan atau Bagindo. Di Pitalah Bungo Tanjuang, gala ko lain pulo macam no, ado nan bagala Katik, Malin, baitu pulo ditampaik nan lai ado pulo gala Pakiah, hanyo ditambah jo kato-kato lain dibulakangno, umpamo Katik Sampono, Pakiah Kabasaran dsb. Katigo Tatangan Gala nan dibarikan jo acara Batagak Gala tamasuak nan dinamokan Soko, muaksukno adolah Gala nan ditarimo sacaro turun- tamurun di dalam suatu kaum nan fungsino adolah sabagai kapalo kaum (kapalo Adaik = Panghulu) nan sipaikno turun-tamurun manuruk garih katurunan Induak luruh kabawah kato pusako mangatokan : Soko turun-tamurun dalam lingkuang cupak adaik dalam payuang sapatagak nan basasok bajarami bapandam bakuburan nan batunggua bapanabangan dima batang tagolek disinan cindawan tumbuah dima tanah tasirah disinan tambilan makan Babarapo Niniak Mamak kito nan manjadi Panghulu, umpamo Mamak awak nan dulu jadi Gubernur, kutiko ka malakekkan Gala (datuak) iyo bacari dulu balahan nan ado di darek, dari sinan tahu gala nama nan bisa dipakai, jan sampai talakekkan baju urang Bak kato Uda Zul Amri, bisa sajo Gala Tabanam, Dilipek, Tataruah, atau nan elok lai Dipakai Mancaliak kapado fungsi jo akikaik nan ado didalam dilakekkkanno gala nantun, manuruk ambo iyo paralu bana dipakai, disampaing manandokan uarng nan mamakai iyo balah barumah tanggo bisa pulo malestarikan budayo awak, dan juo, gala ko adolah satu-satunyo nan dapek awak laki-laki mamakaino, inda bisa dunsanak awak nan padusi malarangno doh, indak babagi pulo jo dunsanak awak nan padusi sarupo harato pusako. Umpamo Gala lah talekkan, sudah itu lah pai pulo marantau, indak ba a bagai tu doh, karano kini ko, komunikasi jo tranportasi antaro kampuang jo rantau alah capek no. Bak kecek nan tuo-tuo juo, Kok indak dapek jo harato, jo tanago jadih juo, indak tanago, jo pikiran bagai menah, indak ado harato, tanago, , pikiran, jo Do'a sen Alhandulillah juo. Apobilo dalam patramuan basipaik patamuan adaik, biasono urang maimbau jo gala. kok indak bagala, ka baa beko, masuak lai tapi dihetong indak sato. Kaampek Sabanano adola pulo arti nan takanduang dalam malekkan gala ko, apobilo urang alah bagala, mako Kultus Individu tahadok ka urang surang bisa dihilangkan, baa mangko mantun ? karano apobilo urang saurang tu mambuek kabaiak-an, mangko urang nan tahu hanyo gala urang tu dek namo balaiu alah batinggakan, nan kajadi tasabuk adolah anak kamanak sapasukuan, indak urang per urang lai doh. Jadi, sadapekno iyo dilakekkan juo lah gala tu, mancaliak kapado hari, manjalang kapado maso, dihari nan siang nangko, karano lai pulo ciek jo duo, karajo nan kadikakok, tarutamo Sumbayang Jumaik, mangko jo Kabanaran ambo sampaikan kapado Mamak, Alim Ulama, Cadiak Pandai, Bundo Kanduan sarato Rang Mudo untuak manyudahi dulu sampai disiko. Wabilahi Taufik Walhidayah. Sutan Bandaro Labiah. -----Original Message----- From: Zubir Amin [mailto:[EMAIL PROTECTED] (........ dikuduang ...............) Kalau ndak samo,jaanlo dikecekkan ndak rang Minang,atau kalau ndak bagala, kalau duduak dalam "parundingan" joa kadisabuik nan bersangkutan. Sepertinyo kalau ndak bagala,urang tu "dianggap"kurang Minagkabauwi. (........ dikuduang ...............) Baalo di "Darek",istilah sutan dalam konotasi "ke-Darek-an" muncul pu lo dalam tata pergaulan bermasyarakaik.Di p�lanta RN kito ini banyak nan mamakai "sutan".Jo Buyuang ndak tahu apo ado hubungannyo dengan "sutan" di Piaman dengan pemakaian "sutan" di Darek. Kali ado para sanak nan pia-wai di palanta RN ini nan piawai dan tahu saluak baluak pemakaian "sutan" di Darek. RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
