Ass,wr,wb. Dunsanak SBN, Irdam Syah dan sidang RN nan ambo hormati, semoga ambo dijauhi oleh Tuhan nan namonyo sifat RIA dan takabur seperti nan dunsanak SBN sangko kan ka ambo dimaa ambo alah melontarkan info ko ka sidang RN, apolai disebutkan pembodohan dan bakalabihan. Malah manuruik ambo nan ma-ulas ko nan bakalabihan tu, nan disinan tersirat berburuk sangko pado niek baiak urang, astaghfirullah al azim, balinduang ambo kapado Tuhan dari hal nan samacam itu. Seperti kito ketahui kasadoalahe, ugamo Islam, ugamo awak kasado warga RN, tidak mempersulit umatnyo, masalah arah sumbahyang ko bisa sajo maadok kamaa sajo, asa itu dalam keadaan darurat, misalnyo diperjalanan didalam kenderaan Kereta Api, Pasawek tabang dll, atau dalam kondisi sakik, tagolek ditampek tidua, kamaa sajo kito maadok Tuhan maklum, indak harus maadok Kiblat. Masalahnyo adolah bagi kito nan manetap, alangkah baiak nyo, sakali lai, alangkah baiaknyo arah Ka'bah atau Kiblat kito, kito cocokkan (istilah KALIBRASI alah ambo posting pado imel sabalun iko menjadi MENCOCOKKAN), perbuatan ko bukan harus tiok tahun kito lakukan. Bagi nan alun, disarankan untuak melakukannyo, bagi nan sudah dan yakin arahnyo sudah tapek, yo sudah ! ndak usah dilakukan, ambo raso indak paralu kito jadikan polemik masalah iko di Sidang RN ko. Kok namuah dan ado kesempatan, silahkan lakukan, bagi nan indak ado kesempatan apolai bagi nan indak amuah, indak bagai juo doh tetap dengan arah Kiblat nan alah dilakoni nyo salamo ko, nan paralu niek di hati kito masiang-masiang. Ambo himbau, agar topik ko jangan dijadikan polemik nan nantinyo indak bakasudahan, ambo mintak dengan hormat dan sangat, cukuik sampai disiko sajo kito membicarokannyo, nan penting kito tahu apo esensi dari masalahnyo. Cubo baco dan inok2 emil ambo sabalun ko nan ambo tujukan ka Uda Zul Bali dan dunsanak RN lainnyo tadi siang. it's not big problem lah... kato dunsanak Irdam Syah. Bari maaf ambo kok talantuang dek kanaiak tasipak dek katurun, mungkin ado baso-basi ambo nan indak berkenan di sidang RN ko, sasuai pituah urang tuo kito : "Nan kuriak kundi, nan merah sago, nan baiak budi, nan indah baso" kok ado jarum nan patah jaan disimpan di dalam peti, kalau ado penyampaian ambo nan salah jaan disimpan dalam hati, ka Tuhan ambo mohon ampun. Badi Dunsanak SBN dan Irdam Syah, tarimolah mohon maaf ambo.
Wassalam bil maaf, M.St.Bangsawan (46 labiah) Rang Suliek Ayie di Bumi Sriwijaya. ----------------------------------- > Nggak ada ketentuan akurasi kan soal kiblat? Kalau toh ada alangkah > sukarnya jadi urang muslim. > Kalibrasi arah kiblat, toh alat uang paling praktis ialah kompas pada > waktu shalat ditempat yang lain dari biasanya, kalau di surau, musholla, > mesjid kan cuku sekali di kalibrasi, iko tiok taun kalua jo ide kalibrasi. > Sasuai ambo jao Tan Gala, awak indak manyambah kaabah do, walaupun makin > akurat labiah elok, dek karano itu carito kalibrasi arah kaabah samacam > iko samacam pambodohan ummaik sajo, sagalo balabiahan, jadinyo ria sajo > nan didapek. Mohon maaf jo dunsanak nan mansponsori, kok lai ado alasan > lain kamukokanlah. > Salam > > SBN > ----- Original Message ----- > From: Irdam Syah > To: [EMAIL PROTECTED] > Sent: Thursday, July 17, 2003 12:08 PM > Subject: RE: [RantauNet.Com] [Fwd: [Sulit-Air] KALIBRASI ARAH KIBLAT] > > > Latak Ka'bah, Padang atau Jakarta tu tatap disinan juo... nan > kamungkinan barubah2 tu arah awak malatak an sajadah awak katiko nak > sumbayang... iko nan paralu dikalibrasi. Kabatulan caro iko paliang > gampang jo paliang murah (malah mungkin tanpa biaya), hanyo > katerbatasannyo bisa pado wakatu tatantu sajo... So, you want.. do it, > if not.. forget it... > Nan kaduo, samakin tapek/akurat tantu samakin elok... nan jaleh awak > manyembah Allah bukan fisik Ka'bah...IMHO, it's not big problem lah... > > salam - tg > -----Original Message----- > From: SBN [mailto:[EMAIL PROTECTED] RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
