Mak Zul Amri di DPS,
Assalamu alaikum ww,
Batua juo hasil survey Mamak tu, masih banyak rantaunetter awak nan mamakai jalur merah alias dari tampek karajo (suasata atawa pamarentahan ). Buliah buliah sajo asalkan jam karajo ndak buliah di tilep alias dipakai untuk ba internet ria, misalnyo sasudah jam karajo resmi, kalau di Ina jam bara resminyo? Kalau ndak, kan alat komunikasi nan diparuntukan untuk mampacapek salasainyo karajo, jadi dipakai untuk main main sajo.
Walaupun ambo sehari hari di tampek baladang mamakai internet , tapi ndak ado wakatu untuk marespon email nan masuk dari rantaunet pado jam karajo. Untuang sae di rumah lai pakai jalur los, jadi ndak ka baretong bana bara jam alah pakai internet sahari tu. Kadang hiduik se taruih internet tu. Dek alah litak malam, makonyo jadi panonton jo pembaca setia se dari rantaunet ko.
Dek jarangnyo ambo malewakan berita di siko, bialah ambo ulang baliang data ambo :
Namo: Heri Tanjung
Asa : Tabiang /Koto Tangah
Sakola : eks SMA 2 Pdg (kalua 82)
Alamaik : Mamondok di Paris ndak jauh dari tugu basi, karano alah baladang disiko sajak 89. Pernah baladang lo di Bali sabanta.
Umua : sabanta lai ganok 40
Email: [EMAIL PROTECTED]
Telp: kok ado nan barancana ka kamari, email sajo, baru ambo agiahkan.
Sakitu se dulu data ambo, kok ado nan lain ka ditanyoan, silahkan lewakan pesan di japri atawa di jalur umum.
Salam
Rang Tabiang
.........sangajo dikuduang Mak Zul.........
Do You Yahoo!? -- Une adresse @yahoo.fr gratuite et en fran�ais !
Testez le nouveau Yahoo! Mail
