Assalamu'alikum.w.w.Ndeeh, tarimo kasih banyak Jo Buyuang, lai adoh juo urang palanta ko nanbamuko janiah bahati lapang nan manyambuik badan diri ko. Sangko ambo ka dihanapkan saja badan sabatang ko dek rang rami. Maklun lah awak lah gahat,nan biasonyo nan main interenek ko iyo anak mudo-mudo, tapi syukurlah,ado juo nan labiah gahat pulo 14 tahun dari ambo. Tarimo kasih Jo buyuang.Nan nagari kasang ko indak Lubuak aluang do Jo Buyuang, tapi dari simpangduku (lai abas dek Jo buyuang ko ?) masuak ka dalam agak 15 kilo. Daerahko memang tapancia sorang walaupun dalam kecamatan Koto tangah. Dauluka dimasuakkan ka kota Padang, masyarakaik indak namuah. Datuak Pangulubapikiran lain sahinggo indak jadi masuak. Nan Sikabu nan Jo buyuang tanyokantu lai jaleh dek ambo, tapi jauah dari sinan tu. Kasang ko, kalau Jo Buyuang laiparanah pulang, dakek simpang bai pas (Highway caro rangkini), bisa pulo Jobuyuang tabuak dari bai pas tu.Kok nan ambo iyo batarompa je masuak palanta ko nyo jo buyuang, maklunlahrang panggaleh, tapi nan kini kadai alah pulo di resek-e dek anak ambo. Oo koknan rokok jo Buyuang tanyokan, iyo agak sagan ambo, sabab sampai kini rokokNipah ko juo baru nan lamak. Mungkin indak ka satinggi jo Buyuang nan barokokJPS atau Marlboro, Dunhil atau nan sejenisnyo, dan paliang randah Gepe he he he.Goreng pisang kok dikana, mai lah kito ka kasang, mai kito duduak di lapau,agak duo jam jo buyuang maota jo ambo, alun ka abih isi sakuih dinyo doh.Maklunlah di kampuang alun samaha di kota lai. Kok ingin juo nan agak labiahsangenek, mai kito ka simpang duku. he he he he.Jo Buyuang, iyo jauah dan ambo takajuik pulo sasudah ambo tanyo jo anak,Marseile tu dima nagari awak-e tu, a lo jawab anak ambo, 'abak' ko lai, Marseiletu nagari urang, lua nagari. Dima tu tanyo ambo pulo, antahlah antah Parancih,antah Amerika. He he he he, waang, Amerika sikojo, nan kecek ambo pulo.Jadi ruponyo Jo Buyuang ko lah di lua nagari namonyo ko mah, tantu iyo alahlabiah santiang dari Ajo-ajo ambo nan rami di siko ko aah. Baambung-ambuangambo dek Jo Buyuang, bakato kan ambo gagah sagalo macam, tapi aa nan"zodiak" tu ndak jaleh di ambo do, lah kanai galak kan pulo ambo sakali laidek anak ambo. Co iko bana urang kampuang dek jo buyuang tu haa, interenekko iyo santiang, dapek pulo mangecek jo Jo Buyuang nan di Marseile, sianan gagah sabananyo ?, ambo atau jo Buyuang ?. he he he heWassalamKaro ketek barabuik bungoKaro gadang mambalau sagaDi ketek basabuik namoLah gadang baimbaukan galaNan gala iyoSt Sinaro.
Do you Yahoo!?
Yahoo! SiteBuilder - Free, easy-to-use web site design software
