Sidang Rantau Net Yth : Radio lutuikko sangat populer di jaman bagolak tahun 1958 sampai dengan tahun 1960. Balain jo radio jaman kini nan lah manggunokan madia galombang electromagnetic , mako radio lutuik ko biasonyo disampaikan langsuang face to face dari sumber berita . Antah baa pulo pulo mako dikatokan radio lutuik indak lo jalas asa usuanyo , namun nan jaleh satiok pambicara atau palempar isu dalam acara radio lutuikko salalu mamagang lutuiknyo sambia manggarikkan kaki . Biasonyo arena untuak manyiarkan radio lutuik adolah Palanta lapau , nan ado dibabarapo nagari. Sadang isu nan diangkek umumnyo mulai dari politik dan ekonomi dan adokalonyo disalo jo garah dan cameeh ... Mako tasabuik bana sajak dulu , bahaso cameehko lah manjadi trade mark urang awak . Sidang palanta Radio lutuik dimulai sajak abih sumbayang subuah , Sambia manikmati kopi angek , katan bakarambie jo goreang pisang , sampai kiro kiro jam salapan . Sasudah tu acara radio lutuik bubar dan pandanga sarato pambicara pulang dan malanjuikkan bakureh jo karajo surang - surang ado nan kasawah , kaladang atupun kapasa pai manggalas.Arena Palanta akan dibuka kambali sasudah wakatu magarik sampai jam sapuluah malam dengan isu yang baru , barangkali ado perkembangan nan didapekkan dari sumber lain . Baitulah rutinitas nan dikarajokan dek urang awak jaman nantun khususnyo nan tingga ditampek ambo.
Satalah ambo manjadi anggota rantaunet ko , mako tabayang dek ambo , kalau baitu kiro - kiro samolah palanata nan dipakai R/N kiniko jo palanta lapau kopi dijaman saisuak , namun bedanyo kini lah manggunokan media canggih nan banamo komputer jo internek , namun esensinyo tatap samo , yaitu untuak manyampaikan sagalo uneg - uneg nan awak punyo , disampiang untuk basilturrahmi jo sasamo anggota , namun sangek disayangkan adolo anggota nan indah namuah maagiah identitas sacaro jaleh , antah apolo alasannyo Wassalam : Zul Amry (54) di Kuta Bali RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
