Ass, wr, wb. Dunsanak Warga RN nan di berkati Allah, Dalam topik nan diuleh dan dikomentari oleh warga RN nan disabuik dek Cysca "bajelo-jelo" ko, iyo ambo indak sato untuak mambari komentar salamo ko (alah bara hari topik ko muncua ?), ambo hanyo mambaco sajo, bahkan ado nan indak sempat ambo baco sangking banyaknyo ulehan masiang2 kito, tapi marilah kito pertegas komitment kito, apo subananyo mukasuik kito bagabuang ka palanta RN nan kito cintoi ko. Apokah kito ingin mempererat tali persaudaraan kito nan mangaku Urang Minang nan barasa dari Nagari nan babeda-beda tapi tetap satu Minangkabau, atau kah kito ingin tampil beda ? Manuruik ambo, tapek apo nan dikecek an Cysca dan sebahagian dunsanak nan lain, lupo2 ma ingek'i, rancak juo Apak Moderator nan kami hormati untuak sakali2 maulang apo aturan2 main kito di palanta ko. Iko usul ambo, sebaiaknyo setiap apo nan kito posting dimulai dengan kalimat salam : "Assalamu alaikum,wr,wb" atau nan labiah singkek " Ass,w,w" dan terakhir ditutup dengan salam pulo. Baa mangko baitu ambo usulkan, awak kan sadonyo 100 % Muslim, nah, kecek Ustadz, apobilo sasamo Muslim ketemu, ucapkan/sampaikanlah salam "Assalamu alaikum,wr,wb", Dalam kato salam tadi terkandung makna bahwa kito sasamo Muslim saling mendoakan keselamatan, keselamatan, rahmat & barkah Tuhan untuak nan dituju dan untuak nan mambaco. Jadi alangkah manieh nyo pergaulan kito nan didasari keikhlasan untuak saling mendoakan tersebut. Iko manuruik pandapek ambo dan bukan pulo ingin manunjuakkan otoriter atau apolah nan biaso dibuek istilahnyo, rancaknyo apabilo sebuah topik alah menjurus ka debat kusir atau manjelo-jelo, wajib sasamo kito untuak maingek'i tarutamo Apak Moderator, agar pergaulan kito tetap langgeng dan indak baketek-ketek hatian. Hanyo itu nan takana di ambo, nan kuriak kundi nan merah sago, nan baiak budi nan indah baso. Kok ado jarum nan patah, jaan disimpan didalam pati, kok ado kato ambo nan salah, jaan disimpan didalam hati. Terakhir ambo minta mooh ka dunsanak di palanta RN ko, kok talantuang dek ka naiak, talendo dek katurun, ka Tuhan ambo minta ampun.
Wassalamualaikum,wr,wb. M.St.Bangsawan (46 plus) Rang Suliek Ayie di Bumi Sriwijaya. > Subananyo iyo rancak perdebatan indak usah dipapanjang..... > Kalau ado topik yang di lewakan di palanta ko.....kalau baminat untuak di > komentari....komentari jo alasan nan logis dan keyakinan > surang-surang.....tanpa mancari manang kalah. > Tanpa manyuduikkan urang lain yang indak sapandapek jo awak, baik sacaro > terang-2 an ataupun sacaro aluih..... > misalnyo : "indak sapandapek urang jo awak, tuh bakecekkan kincia-2 urang > ndak jalan....." atau lain sabagainyo..... > Sahinggo indak bapanjang-panjang jadinyo diskusi awak..... > > ----- Original Message ----- > From: Cysca > To: [EMAIL PROTECTED] > Sent: Saturday, July 26, 2003 11:41 AM > Subject: Re: [RantauNet.Com] Pelajar SMK.... blah blah blah > > > Dari pada berlarut2, > Banyak topik dilempar, pertama2 ditanggapi, setelah itu dikomentari > begini dan begitu. > Tidak sesuai, tidak cocok, bajelo-jelo, dan lain sebagainya. > > Usul saya: tolong postingkan lagi aturan main di milis ini. > Mungkin banyak yang sudah lupa (saya juga pingin baca lagi dengan > seksama) > Supaya sama2 enak. > Tidak ada keributan yang seharusnya tidak perlu. > Saya sendiri juga jadinya lebih aman untuk melempar topik. > Dan sekiranya sudah sangat mengganggu stabilitas palanta ini, ya sudah > di coret saja keanggotaannya dari milis ini. Tokh moderator kan punya > hak untuk melakukan tindakan tegas. > > > Terima kasih, > Wass > Cysca RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
