Assalamualaikum ww Sanak Rahima sosok yang tegar namun penuh kelembutan
Kok sanak R/R manitiak-an si- aia mato, seluruah kami pun sato pulo sabak, sabak nan tidak ba-buek2, kepergian si buah hati janganlah membuat kita hanyut dalam duka nestapa terlarut, kecuali ikhlas karena sudah janjian dengan sang Khalik, nan pai bia lah nak nyo dahulu, dipintu sarugo batamu juo Ba-a dek kito kini ..... ? Nan mananam lah datang mabucuik, nan mampunyo lah tibo manjapuik, ilak nan tidak ta-ilak-an, hanyo janjian si-badan diri, itu lah manuruik pasa nan biaso, kalapo jatuah mumbangpun jatuah, rasio Allah nan manjalani, indak tuo indakpun mudo, samo kan maraso kito kasadonyo, manjadi iktibar dek kito nan basamo Kok mandanyuk di-ampu kaki manyentak di ubun2, mato hijau angok lapeh-pun duya bapindah ka akirat, sakik kito dalam kubue sangketo sampai ka Padang Masha, angek cahayo tiang Arasy lapuak taserak dalam narako, ........ Tapi kok lai kito sumbayang, Quraan jo Hadis jadi pidoman, suruah bakarajoan tagah ba-hantian, sapanjang kaba guru2 kito, mako elok-lah masuak punco ka hulunyo. Bilangan duya kok nyo sampai, janji akhiraik kok nyo tibo, pasan nagari kok nyo datang janji dahulu batapati, duya papindah ka akirat, sananglah awak dalam kubue lapeh katangah Padang Masha, lindok cahayo tiang arasy pulanglah kito kasarugo, mancaliak junjuangan basandiang jo Khadijah dalam sarugo Jannatun nain Turut berbelasungkawa, semoga ini menjadi sitawa sidingin bagi sanak R/R sekeluarga wasalam makmalin RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
