Kato-kato barikuik, dipiliah dari buku :
"KATO PUSAKO"
Disusun oleh : A.B Dt Madjo Indo
Bekerja sama dengan
Majelis Pembina Adat Alam Minangkabau Jakarta
Mmd A.B Dt. Madjo Indo, kini tingga di Ciawi - Bogor
telp (0251) 240 733
Bandaro (umua53) Bogor
~~~~~~~~~~~~~~~~~~~~~~~~
XXXI. KASABARAN (Balapang Dado)
Nanang saribu aka
Haniang hulu bicaro
Pikie palito hati
Sabalun kato dikatangahkan
Bao bapikielah daulu
Dibao bamanuang sakatiko
Sabalun manecek kuok daulu
Diisok rokok sabatang
Dikunyah sirieh sakapua.
Tadorong muluik ameh padahannyo
Tadorong kaki inai padahannyo
Tadorong hati badan tangguangannyo
Baiak-baiak paliharo muluik
Baiak-baiak paliharo mato
Baiak-baiak paliharo kaki
Hati palingan Tuhan
Naraco palingan mato
Aie janiah sayaknyo landai
Ikan jinak sulik dicakau
Sahabih paneh kahujan juo
Lambek lago lai kamanang
Sahari sahalai banang
Lamo-lamo jadi sahalai kain
Sadikik akienyo jadi bukik
Satitiak lamo-lamo jadi lauik
Duduak surang basampik-sampik
Duduak basamo balapang-lapang
Mampalapang kandang musang
Mampasampik kandang ayam
( hal 121, masih ado duo halaman lagi mengenai Kasabaran ko)
--------------- ~/~ ---------------
RantauNet http://www.rantaunet.com
Isikan data keanggotaan anda di http://www.rantaunet.com/daftar.php
-----------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
===============================================
